Homeຂ່າວການພັດທະນາບາງໂຄງການກໍ່ສ້າງໃນຕົວເມືອງ ສົ່ງຜົນກະທົບຕໍ່ຊຸມຊົນ!

ບາງໂຄງການກໍ່ສ້າງໃນຕົວເມືອງ ສົ່ງຜົນກະທົບຕໍ່ຊຸມຊົນ!

Published on

dirty road

 

ຄືດັ່ງຮູ້ນຳກັນວ່າ ປັດຈຸບັນໃນຫລາຍຕົວເມືອງຂອງນະຄອນຫລວງວຽງຈັນ ໄດ້ມີໂຄງການກໍ່ສ້າງຕຶກອາຄານເກີດຂຶ້ນ

ຫລາຍ ເຊິ່ງຫລາຍໂຄງການເຫັນວ່າຜູ້ກໍ່ສ້າງມີຄວາມຮັບຜິດຊອບສູງ ໃນການເອົາໃຈໃສ່ນຳໃຊ້ກົນຈັກທັນສະໄໝ ແລະ

ມີມາດຕະການຫລຸດຜ່ອນຜົນກະທົບຕໍ່ສິ່ງແວດລ້ອມ ແລະ ສັງຄົມ, ແຕ່ປະກົດວ່າ ບາງໂຄງການແມ່ນຍັງສົ່ງຜົນກະ

ທົບຫລາຍດ້ານຕໍ່ສັງຄົມ ກໍຄືຊຸມຊົນອາໄສຢູ່ອ້ອມຂ້າງເຂດກໍ່ສ້າງ ຕົວຢ່າງ: ໂຄງການກໍ່ສ້າງເຂດເສດຖະກິດສະກາຍຊີ

ຕີ (Sky City )ເຊິ່ງແມ່ນການລົງທຶນຂອງຕ່າງປະເທດ ທີ່ຕັ້ງຢູ່ບ້ານໂພນສະອາດ ເມືອງໄຊເສດຖາ (ໃກ້ສີ່ແຍກໄຟແດງ

ໂພນສະອາດ), ໂດຍໂຄງການດັ່ງກ່າວ ໄດ້ມີການປັບປຸງຄອງລະບາຍນ້ຳ ຈາກເປັນຄອງເປີດມາເປັນຄອງປິດດ້ວຍການ

ເທເບຕົງກວມເອົາຄອງ ແລ້ວເອົາດິນມາຖົມເຮັດເປັນເສັ້ນທາງເຂົ້າເຂດກໍ່ສ້າງ, ເຊິ່ງເຫັນວ່າການນຳໃຊ້ເສັ້ນທາງດັ່ງ

ກ່າວສັນຈອນໄປມາຮ່ວມກັນລະຫວ່າງປະຊາຊົນອ້ອມຂ້າງ ແລະ ພາຫະນະຮັບໃຊ້ໂຄງການ ແມ່ນມີຄວາມສະດວກຂຶ້ນ

ຫລາຍກວ່າເກົ່າ, ແຕ່ກໍມີບັນຫາຢູ່ຄືວ່າ: ໄລຍະລະດູແລ້ງແມ່ນມີຝຸ່ນປິວໄຫງ່ຕາມທາງ ແລະ ເມື່ອຝົນຕົກກໍເປັນຕົມ

ເຮັດໃຫ້ດິນຕິດຕີນລົດແລ່ນເຂົ້າ-ອອກເສັ້ນທາງຮ່ອມດັ່ງກ່າວຕົກເຮ່ຍໃສ່ທາງໃຫຍ່ ອັນສ້າງຄວາມເປີະເປື້ອນໃຫ້ເສັ້ນ

ທາງເຂດໃກ້ຄຽງບໍ່ໜ້ອຍ ແລະ ອີກບັນຫາໜຶ່ງແມ່ນເມື່ອອາທິດຜ່ານມານີ້ ກໍເກີດມີຝົນຕົກ ແຮງເຮັດໃຫ້ນ້ຳໄຫລ່ລົງ

ສູ່ຄອງລະບາຍນ້ຳບໍ່ທັນ ແລະ ໄຫລເຂົ້າຖ້ວມເຮືອນປະຊາຊົນຫລາຍຄອບຄົວທີ່ຢູ່ພື້ນທີ່ຕ່ຳຢ່າງໄວວາ, ຫລັງຈາກນັ້ນປະ

ຊາຊົນທີ່ໄດ້ຮັບຜົນກະທົບຈຳນວນໜຶ່ງ ຈຶ່ງສະເໜີໃຫ້ຜູ້ຮັບຜິດຊອບໂຄງການຮີບຮ້ອນແກ້ໄຂສະເພາະໜ້າ ດ້ວຍການ

ເອົາລົດຈົກມາຂຸດຮ່ອງ ເພື່ອໃຫ້ນ້ຳທີ່ອັ່ງຂັງໄຫລລົງສູ່ຄອງເບຕົງທີ່ຖົ່ມໄດ້ທ່ວງທັນ.

 

ນີ້ເປັນພຽງຜົນກະທົບບາງດ້ານ ທີ່ເກີດຈາກການກໍ່ສ້າງຕຶກອາຄານໃນຕົວເມືອງ ແລະ ກໍຍັງເຫັນອີກຫລາຍໂຄງການ

ທີ່ຜູ້ຮັບເໝົາຖືເບົາການປະຕິບັດລະບຽບຫລັກການ ປ້ອງກັນບໍ່ໃຫ້ການກໍ່ສ້າງເກີດຜົນກະທົບຕໍ່ສະພາບແວດລ້ອມ

ແລະ ສັງຄົມ. ຄຽງຄູ່ກັນນັ້ນ, ພາກສ່ວນກ່ຽວຂ້ອງ ກໍຄວນເພີ່ມທະວີເອົາໃຈໃສ່ ໃນການລົງກວດກາບັນດາສະຖານທີ່ກໍ່

ສ້າງຕ່າງໆ, ເພື່ອຊຸກຍູ້ໃຫ້ເຈົ້າຂອງໂຄງການ ຖືສຳຄັນການຮັກສາສະພາບແວດລ້ອມໃນເຂດກໍ່ສ້າງໃຫ້ດີ ແລະ ຫລຸດ

ຜ່ອນຜົນກະທົບອື່ນໆທີ່ອາດຈະເກີດຂຶ້ນຕາມມາ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...