ສປປ ລາວ ພວມຈະມີກົດໝາຍຄວບຄຸມເຄື່ອງດື່ມທີ່ມີທາດເຫລົ້າ, ເພື່ອແນ່ໃສ່ໃຫ້ການຜະລິດ, ການນຳເຂົ້າ, ການ
ຈຳໜ່າຍ, ການໂຄສະນາ, ພັນທະ ແລະ ການອຸປະຖຳຂອງຜູ້ຜະລິດ ໃຫ້ຢູ່ໃນຄວາມເໝາະສົມ ລວມເຖິງກຳນົດມາດຕະ
ການຕໍ່ຜູ້ລະເມີດ, ເພື່ອປົກປ້ອງສຸຂະພາບ, ຊີວິດ ແລະ ຊັບສີນຂອງພົນລະເມືອງ, ສິ່ງສຳຄັນແມ່ນຫລຸດຜ່ອນຜົນຮ້າຍ
ທີ່ເກີດຈາກການບໍລິໂພກເຄື່ອງດື່ມທີ່ມີທາດເຫລົ້າ, ຄ່າໃຊ້ຈ່າຍທີ່ບໍ່ຈຳເປັນ ແລະ ຟູມເຟືອຍຂອງສັງຄົມ.
ຕາມການໃຫ້ຮູ້ຈາກກຳມາທິການກົດໝາຍສະພາແຫ່ງຊາດວ່າ: ປັດຈຸບັນຮ່າງກົດໝາຍດັ່ງກ່າວ ພວມຢູ່ຂັ້ນຕອນປັບ
ປຸງຄືນບາງເນື້ອໃນ ຕາມຄຳເຫັນຂອງສະມາຊິກສະພາຢູ່ກອງປະຊຸມກະກຽມເນື້ອໃນໃຫ້ແກ່ກອງປະຊຸມສະໄໝສາມັນ
ເທື່ອ 8 ຂອງສະພາແຫ່ງຊາດຊຸດທີ VII ທີ່ຈະໄຂຂຶ້ນໃນເດືອນທັນວາທີ່ຈະເຖິງນີ້, ເຊິ່ງຮ່າງກົດໝາຍດັ່ງກ່າວ ກໍຈະຖືກນຳ
ເຂົ້າສະເໜີຕໍ່ກອງປະຊຸມ ເພື່ອໃຫ້ສະພາແຫ່ງຊາດພິຈາລະນາຮັບຮອງໃນກອງປະຊຸມດັ່ງກ່າວ.
ແຫລ່ງຂ່າວ: ລາວພັດທະນາ