Homeຂ່າວຢາເສບຕິດຄຳມ່ວນຢຶດກັນຊາອັດແທ່ງໄດ້ຈຳນວນ 05 ເປົາ ລວມນໍ້າໜັກ 100 ກວ່າກິໂລກຼາມ

ຄຳມ່ວນຢຶດກັນຊາອັດແທ່ງໄດ້ຈຳນວນ 05 ເປົາ ລວມນໍ້າໜັກ 100 ກວ່າກິໂລກຼາມ

Published on

ໃນເວລາ 14:40 ໂມງຂອງວັນທີ 27 ມິຖຸນາ 2022 ຜ່ານມາ ທາງເຈົ້າໜ້າທີ່ຕຳຫຼວດກອງສືບສວນ-ສອບສວນ ຄະດີອຸບັດຕິເຫດພະແນກຕຳຫຼວດຈະລາຈອນ ປກສ ແຂວງຄຳມ່ວນໄດ້ຮັບແຈ້ງເຫດຈາກພົນລະເມືອງດີວ່າ: ມີອຸບັດຕິເຫດເກີດຂຶ້ນຢູ່ບໍລິເວນທາງສາມແຍກ ເຂດບ້ານລຳມະລາດ ເສັ້ນທາງເລກທີ 13 ໃຕ້ ເມືອງທ່າແຂກ ແຂວງຄຳມ່ວນ.

ຈາກນັ້ນທາງກອງຄະດີອຸບັດຕິເຫດຈຶ່ງໄດ້ຈັດກຳລັງຢ່າງຮີບດ່ວນ ລົງໄປສະຖານທີ່ເກີດເຫດດັ່ງກ່າວ ເຫັນວ່າມີອຸບັດຕິເຫດເກີດຂຶ້ນແທ້ ລົດຕູ້ຕຳລົດຈັກ ພາໃຫ້ມີຄົນເສຍຊີວິດຄາທີ່ ຈຳນວນ 01 ຄົນ, ພາຫະນະເປ້ເພພໍສົມຄວນ. ຈາກນັ້ນທາງເຈົ້າໜ້າທີ່ຕຳ ຫຼວດກອງຄະດີອຸບັດຕິເຫດ ຈິ່ງໄດ້ນຳຕົວຜູ້ຂັບຂີ່ລົດຕູ້ໝາຍເລກທະບຽນ ກບ 5912 ກຳແພງນະຄອນ ພ້ອມພາຫະນະມາທຳການສືບສວນ-ສອບສວນ.

ຫຼັງຈາກນັ້ນ ທາງເຈົ້າໜ້າທີ່ຕຳຫຼວດກອງສຶບສວນ-ສອບສວນ ຄະດີອຸບັດຕິເຫດພະແນກຕຳຫຼວດຈະລາຈອນ ປກສ ແຂວງແມ່ນໄດ້ມີການສົງໃສລົດຕູ້ຄັນດັ່ງກ່າວ ຈຶ່ງເຂົ້າກວດຄົ້ນແລ້ວພົບເຫັນຂອງກາງປະເພດ ຄັນຊາອັດແທ່ງຈຳ ນວນ 05 ເປົາເທົ່າກັບ 101 Kg ທີ່ຊຸກເຊື່ອງໄວ້ທີ່ລຸ່ມເບາະນັ່ງຂອງລົດ.

ຜ່ານການສືບສວນ-ສອບສວນ ຜູ້ຖືກຫາແມ່ນໄດ້ຮັບສາລະພາບວ່າ: ຜູ້ກ່ຽວຊື່ ທ້າວ ເຄນໝັ້ນ ສີປະເສີດ ອາຍຸ 27 ປີ, ເປັນປະຊາຊົນບ້ານໂພນແພງ ເມືອງຄຳເກີດ ແຂວງບໍລິຄຳໄຊ ພ້ອມກັນນັ້ນຜູ້ກ່ຽວແມ່ນຍັງໄດ້ຮັບສາລະພາບຕື່ມອີກວ່າ ຢາເສບຕິດປະເພດຄັນຊາອັດແທ່ງ ຈຳນວນດັ່ງກ່າວ ແມ່ນເປັນຂອງຜູ້ກ່ຽວແທ້.

ປະຈຸບັນທາງເຈົ້າໜ້າທີ່ຕຳຫຼວດກອງສຶບສວນ-ສອບສວນ ຄະດີອຸບັດຕິເຫດ ແມ່ນໄດ້ມອບສຳນວນ-ສຳເນົາ ຜູ້ຖືກຫາ ແລະ ເຄື່ອງຂອງກາງ ໃຫ້ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ສືບຕໍ່ດຳເນີນຄະດີຕາມລະ ບຽບກົດໝາຍ.

ຂໍ້ມູນ: MediaLAOS

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...