ຕາມການລາຍງານ ຂອງ ໂຄສະນາອົບຮົມ-ຂ່າວສານ ປກສ ແຂວງຜົ້ງສາລີ, ໃຫ້ຮູ້ວ່າ: ໃນວັນທີ 1 ກໍລະກົດ 2022 ເຈົ້າໜ້າທີ່ ປກສ ເມືອງຍອດອູ ແຂວງຜົ້ງສາລີ ໄດ້ນໍາຕົວ ຜູ້ກໍ່ເຫດຄາດຕະກຳມາເຮັດແຜ່ນປະກອບຄຳຮັບສາລະພາບ.
ເຈົ້າໜ້າເມືອງຍອດອູ້ ໄດ້ເປີດເຜີຍໃຫ້ຮູ້ວ່າ: ໄດ້ຄາດຕະກຳຂຶ້ນ ໃນວັນທີ 20 ເມສາ 2022 ທີ່ຜ່ານມາ, ຫຼັງຮັບແຈ້ງເຈົ້າໜ້າທີ່ກໍໄດ້ລົງກວດກາສະຖານທີ່ເກີດເຫດ ພົບ ທ້າວຄຳແສງ ພົມມະລັງສີ ອາຍຸ 37 ປີ ອາຊີບ ຄ້າຂາຍ, ບ້ານກາດ, ເມືອງຍອດອູ່ ເສຍຊີວິດຢູ່ຂ້າງເຮືອນ.
ເຈົ້າໜ້າທີ່ໄດ້ສອບຖາມຜູ້ເຫັນເຫດການຢ່າງລະອຽດວ່າ ໄດ້ມີສອງອ້າຍນ້ອງມີດໄລ່ແທງກັນຢູ່ຂ້າງເຮືອນ. ດັ່ງນັ້ນ, ເຈົ້າໜ້າທີ່ຈິ່ງນຳໂຕຜູ້ຖືກຫາ ຊື່ ທ້າວ ກອງແກ້ວ ພົມມະລັງສີ ອາຍຸ 34 ປີ (ຜູ້ເປັນນ້ອງຜູ້ເສຍຊີວິດ), ຜູ້ກ່ຽວໃຫ້ສາລະພາບວ່າ ຕົນໄດ້ລົງມືຄາດຕະກຳ ຜູ້ເປັນອ້າຍແທ້ ໂດຍເອົາມີດແທງໃສ່ທ້ອງ 1 ບາດ ແລະ ຟັນໃສ່ຫຼັງ 3 ບາດ, ຍ້ອນທີ່ຜ່າມາເຄີຍມີຂໍ້າຂັດແຍງກັນມາກ່ອນເລື່ອງແບ່ງດິນໄຮ້ດິນນາຂອງພໍ່ແມ່.
ຫຼັງຈາກກໍ່ເຫດຖືກຄວບຄຸມຕົວທັນທີ ແລະ ນຳໄປສອບສວນ ໂດຍຜູ້ກ່ຽວສາລະພາບວ່າ: ບໍ່ພໍໃຈໃຫ້ຜູ້ເປັນອ້າຍ ຍ້ອນການແບ່ງປັນມູນມໍລະດົກຂອງພໍ່ແມ່ບໍ່ລົງຕົວ ຈິ່ງເກີດຜິດຖຽງກັນຂັ້ນຮຸນແຮງ ເປັນສາເຫດລົງມືກໍ່ເຫດຄາດຕະກຳ.