ອີງຕາມການລາຍງານຂອງສຳນັກຂ່າວ ເອພີ ໃນວັນທີ 28 ເດືອນມິຖຸນາ 2022, ໃນກອງປະຊຸມສຸດຍອດນາໂຕ້ຕວກກີຢຸດການຄັດຄ້ານການເຂົ້າຮ່ວມເປັນສະມາຊິກອົງການສົນທິສັນຍາແອດແລນຕິກເໜືອ ຫຼື ນາໂຕ້ຂອງສະວີເດັນ ແລະ ຟິນແລນ.
ໂດຍຈະມີການສົ່ງຄຳເຊີນ ເຂົ້າຮ່ວມນາໂຕ້ຢ່າງເປັນທາງການໃນມື້ນີ້ ຊຶ່ງປົກກະຕິແລ້ວຈະຕ້ອງໃຊ້ເວລາຫຼາຍເດືອນ ແລະຄາດກັນວ່າສະມາຊິກນາໂຕ້ທັງ 30 ປະເທດຈະມີການພິຈາລະນາຢ່າງວ່ອງໄວ ຊື່ງຕ່າງຈາກຂະບວນການປົກກະຕິທີ່ມັກໃຊ້ເວລາ 1 ປີ.
ທ່ານ ນາຍົກລັດຖະມົນຕີ ສະວີເດັນ ກ່າວວ່າ ຂໍ້ຕົກລົງນີ້ “ດີຕໍ່ຟິນແລນ-ສະວີເດັນ ແລະ ດີຕໍ່ນາໂຕ້” ຊື່ງວ່າຂະບວນການເຂົ້າເປັນສະມາຊິກຄວນໄດ້ຮັບ “ໄວເທົ່າໃດຍິ່ງດີ” ດ້ານຕວກກີ ລະບຸວ່າ: ເຮົາໄດ້ທຸກຢ່າງທີ່ຕ້ອງການ ລວມທັັງຄວາມຮ່ວມມືຢ່າງເຕັມທີ່ໃນການຕໍ່ຕ້ານ ກຸ່ມກໍ່ການຮ້າຍ ແລະ ຕວກກີ ເຫັນດີໃນການສະໜັບສະໜູນການສົ່ງຄຳເຊີນສະວີເດັນ ແລະ ຟິນແລນໃຫ້ເປັນສະມາຊິກນາໂຕ້.
ປະທານາທິບໍດີ ໂຈ ໄບເດນ ແຫ່ງສະະຫະລັດອາເມລິກາ ສະແດງຄວາມຍິນດີທີ່ທັງສາມປະເທດເດີນໜ້າເຂົ້າສູ່ກ້າວທີ່ສຳຄັນ ແລະກ່າວວ່ານາໂຕ້ “ມີຄວາມເປັນປຶກແຜ່ນ ແລະ ແຂງແກ່ນທີ່ສຸດ”
ສຳລັບຄວາມຂັດແຍງທີ່ເກີດຂຶ້ນລະຫວ່າງຢູເຄຣນ-ຣັດເຊຍ ຕັ້ງແຕ່ວັນທີ 24 ກຸມພາ 2022 ທີ່ຜ່ານມາຄື: ປັດໃຈທີ່ເຮັດໃຫ້ສະວີເດັນ ແລະ ຟິນແລນສະມັກເຂົ້າເປັນສະມາຊິກນາໂຕ້ ຖືເປັນຈຸດປ່ຽນທີ່ສຳຄັນຂອງຈຸດຢືນຄວາມເປັນກາງຂອງທັງສອງປະເທດທີ່ດຳເນີນມາດົນນັບຕັ້ງແຕ່ຊ່ວງສົງຄາມເຢັນ ແຕ່ກ່ອນໜ້ານີ້ຕວກກີ ເປັນສະມາຊິກນາໂຕ້ພຽງປະເທດດຽວທີ່ບໍ່ສະໜັບສະໜູນການຕັດສິນໃຈດັ່ງກ່າວໂດຍທາງ ປະທານາທິບໍດີ ເຮຈິບ ເທຍິບ ເອີໂດວານໃຫ້ເຫດຜົນວ່າ ສະວີເດັນ ແລະ ຟິນແລນໃຫ້ທີ່ພັກພິງແກ່ຜູ້ກໍ່ການຮ້າຍ.