ສູນການຄ້າ ທີ່ເຕັມໄປດ້ວຍຄົນເຂົ້າມາໃຊ້ບໍລິການ ໄດ້ຖືກຖະລົ່ມດ້ວຍລູກສອນໄຟ 2 ລູກ ທີ່ເມືອງເຄຣເມນຊຸກ ໃນຢູເຄຣນ ເສຍຊີວິດແລ້ວ 16 ຄົນ ແລະ ບາດເຈັບອີກ 59 ຄົນ ອີງຕາມຂໍ້ມູນຈາກທາງການຂອງຢູເຄຣນ.
ການໂຈມຕີດັ່ງກ່າວເຮັດໃຫ້ເກີດໄຟໄໝ້ຂະໜາດໃຫຍ່ ແລະ ມີຂັວນດຳເຕັມຟ້າ (ພາບຈາກທ່ານ ເຊເລນສະກີ ຜູ້ນຳຂອງຢູເຄຣນ)
ອີງຕາມລາຍງານຈາກ ABC News Australia ໄດ້ລາຍງານວ່າ: ສູນການຄ້າໃນຢູເຄຣນຖືກລູກສອນໄຟຖະລົ່ມ ຈົນຫຼັງຄາເປັນຮູຂະໜາດໃຫຍ່ ແລະ ໄໝ້ໝົດ, ນັກດັບເພີງ ແລະ ທະຫານກຳລັງດຶງເຫຼັກທີ່ແຕກຫັກອອກ ໃນຂະນະທີ່ກຳລັງຊອກຫາຜູ້ລອດຊີວິດ.
ໃນຂະນະນີ້ຍັງບໍ່ຮູ້ຊດເຈນເທື່ອວ່າຈະມີຄົນເຫຼືອຢູ່ພາບໃນສາກອາຄານຫຼືບໍ.
ທ່ານ ເຊເລນສະກີ ກ່າວວ່າ: ມີຄົນຈຳນວນຫຼາຍກວ່າ 1.000 ຄົນ ຢູ່ໃນສູນການຄ້າໃນຂະນະທີ່ຖືກການໂຈມຕີ ແລະ ນີ້ບໍ່ແມ່ນອຸບັດຕິເຫດທີ່ເກີດຂຶ້ນໂດຍບັງເອີນ.