ອີງຕາມການລາຍງານຂ່າວ​ຈາກ ​ເຢຍລະ​ມັນ ໃນວັນ​ທີ 27 ​ມິຖຸນາ​ນີ້, ບັນດາ​ຜູ້ນຳ ​ກຸ່ມ​ຈີ 7 ​ໃຫ້​ຄຳ​ໝັ້ນສັນຍາ ຈະ​ລະດົມ​ທຶນ 600 ຕື້​ໂດ​ລາສະຫະລັດ ​ໃນ​ກອງ​ທຶນເອກະ​ຊົນ ​ແລະ ລັດຖະບານ​ໃນ​ໄລຍະ 5 ປີ​ຕໍ່ໜ້າ ​ເພື່ອ​ເປັນ​​ທຶນສະໜັບສະ​ໜູນ ​ພື້ນຖານ​ໂຄງ​ລ່າງທີ່​ຈຳ​ເປັນ​ໃນ​ປະ​ເທດ ພວມ​ພັດທະນາ ຫລັງ​ຈາກເລີ່​ມ​ໂຄງການການ​ຮ່ວມ​ມື ພື້ນຖານ​ໂຄງ​ລ່າງ ​ແລະ ການ​ລົງທຶນທົ່ວໂລກ (Partnership for Global Infrastructure and Investment) ​ໃນ​ກອງ​ປະຊຸມປະຈຳ​ປີ ​ຂອງ​ກຸ່ມ​ຈີ7 ທີ່​ຈັດ​ຂຶ້ນ​ຢູ່ ​ເຢຍລະ​ມັນ ​ເມື່ອ​ບໍ່​ດົນ​ມາ​ນີ້.

ໂດຍ​ທຶນ​ ຈຳນວນ ​ດັ່ງກ່າວ ທ່ານ ​ໂຈ​ໄບ​ເດັນ,ປະທານາທິບໍດີ ສ.ອາ​ເມ​ລິ​ກາ ຈະ​ມອບ​ທຶນ 200 ຕື້​ໂດ​ລາ​ ສະຫະລັດ ​​ເພື່ອ​ສະໜັບ ສະໜູນ ​ໂຄງການ​ຕ່າງ​ໆ ​ໃນ​ປະ​ເທດ ​ລາຍ​ໄດ້​ຕ່ຳ ​ແລະ ລາຍ​ໄດ້​ ປານ​ກາງ ​ແນ​ໃສ່​ ຮັບ​ມື​ກັບ ​ການ​ປ່ຽນ​​ແປງ ​ດິນ​ຟ້າ​ອາກາດ ລວມທັງ​ ດ້ານ​ສຸຂະພາບ,ການ​ເທົ່າ​ທຽມ ​ທາງ​​ເພດ ແລະ ພື້ນຖານ ໂຄງລ່າງ ລະບົບ ການຂົນສົ່ງ ທົ່ວໂລກ.

ຂໍ້ມູນ: ຂປລ