ກົມມັດທະຍົມສຶກສາກະຊວງສຶກສາທິການ ແລະ ກີລາ ຈັດການແຂ່ງຂັນຖາມ-ຕອບວິທະຍາສາດພາສາຝຣັ່ງ
ຮອບຊິງຊະນະເລີດ ສຳລັບນັກຮຽນຂັ້ນ ມ4 ແລະ ມ7 ຂຶ້ນວັນທີ 7 ພະຈິກ 2014 ທີ່ໂຮງຮຽນ ມສ ວຽງຈັນ ໂດຍມີ
ທ່ານ ດຣ. ນາງ ສີສຸກ ວົງວິຈິດ ຫົວໜ້າກົມມັດທະຍົມສຶກສາ ມີບັນດາຮອງກົມ ຮອງຫົວໜ້າພະແນກສຶກສາທິ
ການ ແລະ ກີລາ ນະຄອນຫຼວງ ຄະນະອຳນວຍການ ມສ ວຽງຈັນ ພ້ອມດ້ວຍສະມາຄົມພໍ່ແມ່ນັກຮຽນ ແລະ ແຂກ
ຖືກເຊີນເຂົ້າຮ່ວມ.
ທ່ານຫົວໜ້າກົມມັດທະຍົມສຶກສາ ກ່າວວ່າ: ການຈັດແຂ່ງຂັນຖາມ-ຕອບວິທະຍາສາດພາສາຝຣັ່ງຄັ້ງນີ້ ກໍ່ເພື່ອ
ເປັນການສົ່ງເສີມຄູສອນ ແລະ ນັກຮຽນ ໃຫ້ມີຄວາມກະຕືລືລົ້ນໃນການຮຽນ-ການສອນພາສາຝຣັ່ງ ຕາມໂຄງ
ການ ການຮຽນ-ການສອນພາສາຝຣັ່ງ ເຊິ່ງປີນີ້ເປັນຄັ້ງທີ 3 ແລ້ວ ນັກຮຽນທີ່ມາເຂົ້າຮ່ວມການແຂ່ງຂັນໃນຮອບ
ຊິງຊະນະເລີດນີ້ ແມ່ນໄດ້ຜ່ານການຄັດເລືອກມາແລ້ວ ໃນລະດັບໂຮງຮຽນ ແລະ ລະດັບແຂວງ ມີ 4 ແຂວງຄື: ຫຼວງ
ພະບາງ ສະຫວັນນະເຂດ ຈຳປາສັກ ແລະ ນະຄອນຫຼວງ.
ສຳລັບນັກຮຽນທີ່ເຂົ້າຮ່ວມແຂ່ງຂັນຄັ້ງນີ້ ມີ ມ4 ຫ້ອງພາສາຝຣັ່ງ ພາສາທີ 2 (LV2) ແຂວງລະ 2 ຄົນ ມ4 ຫ້ອງສອງ
ພາສາລາວ-ຝຣັ່ງ (CB) ແຂວງລະ 2 ຄົນ ແລະ ມ7 ຫ້ອງສອງພາສາລາວ-ຝຣັ່ງ (CB) ແຂວງລະ 2 ຄົນ ລວມນັກແຂ່ງ
ຂັນທັງໝົດ 24 ຄົນ ຜ່ານການແຂ່ງຂັນຜົນປາກົດວ່າ ອັນດັບ 1-4 ຊະນະເລີດ ມ4 LV2 ໄດ້ແກ່ແຂວງຈຳປາສັກ ຮອງ
ຊະນະເລີດ ນະຄອນຫຼວງ ມ4 CB ຊະນະເລີດ ແຂວງຈຳປາສັກ ຮອງຊະນະເລີດ ແຂວງສະຫວັນນະເຂດ ຂະນະທີ່ ມ7
ຊະນະເລີດ ແຂວງສະຫວັນນະເຂດ ແລະ ຮອງຊະນະເລີດ ນະຄອນຫຼວງ ສ່ວນລາງວັນຊະນະເລີດແມ່ນໄດ້ຮັບ Tablette
Samsung 7’’ ຈຳນວນ 1 ໜ່ວຍ ແລະ ຮອງຊະນະເລີດໄດ້ຮັບ Telephone Portable Samsung Galaxy S ຈຳນວນ 1
ໜ່ວຍຕາມລຳດັບ.
ແຫລ່ງຂ່າວ: ວຽງຈັນໃໝ່