spot_img
Homeຂ່າວຕ່າງປະເທດລັດຖະມົນຕີກະຊວງສາທາລະນະສຸກຫວຽດນາມຖືກປົດ ເນື່ອງຈາກນຳໃຊ້ຕຳແໜງໄປໃນທາງທີ່ຜິດ

ລັດຖະມົນຕີກະຊວງສາທາລະນະສຸກຫວຽດນາມຖືກປົດ ເນື່ອງຈາກນຳໃຊ້ຕຳແໜງໄປໃນທາງທີ່ຜິດ

Published on

ຫວຽດນາມກັກໂຕລັດຖະມົນຕີກະຊວງສາທາລະນະສຸກໃນຖານໃຊ້ຕຳແໜ່ງໄປໃນທາງທີ່ຜິດ.

ຫຼັງຈາກຖືກປົດອອກຕຳແໜ່ງ ແລະ ອອກຈາກສະມາຊິກສະພາ ໃນວັນຈັນທີ່ຜ່ານມາ, ທ່ານ ຫງຽນ ແທງ ລອງ  (Nguyen Thanh Long) ອະດີດລັດຖະມົນຕີ ກະຊວງສາທາລະນະສຸກ ກໍໄດ້ຖືກກັກໂຕ ແລະ ດຳເນີນຄະດີ ໃນວັນອັງຄານ.

ໃນຕອນບ່າຍຂອງວັນທີ 7 ມິຖຸນາ ທີ່ຜ່ານມາ, ທ່ານ ຫງຽນ ແທງ ລອງ ຖືກສອບສວນ ໂດຍເຈົ້າໜ້າທີ່ກວດສອບຄວາມໜັ່ນຄົງ(C03) ເພື່ອກວດສອບຄວາມຜິດທາງອາຍາ ຖານຄວາມຜິດໃນການໃຊ້ຕຳແໜ່ງ ແລະ ໜ້າທີ່ໃນທາງທີ່ຜິດ ເຮັດໃຫ້ງົບປະມານຂອງລັດເສຍຫາຍ ໃນຂະນະທີ່ດຳລົງຕຳແໜ່ງ.

ທ່ານ ຫງຽນ ແທງ ລອງ, ຖືວ່າເປັນຜູ້ມີອຳນາດສູງສຸດໃນກະຊວງສາທາລະນະສຸກ ເຊິ່ງມີການພົວພັນກັບຄະດີບໍລິສັດ Viet A (ບໍລິສັດໄດ້ຕິດສິນບົນເຈົ້າໜ້າທີ່ຈັດຫາຊຸດກວດໂຄວິດ-19 ທີ່ມີລາຄາແພງເກີນໄປສະຖານທີ່ຕ່າງໆ), ກ່ອນໜ້ານີ້, ໃນທ້າຍເດືອນທັນວາ ປີ 2022 ອະດີດຫົວໜ້າຂອງຝ່າຍວາງແຜນການເງິນ ແລະ ກົມອຸປະກອນການແພດ ແລະ ກໍ່ສ້າງ ກໍໄດ້ຖືກດຳເນີນຄະດີ.

ທ່ານ Nguyen Thanh Long ໄດ້ຮັບຕຳແໜງລັດຖະມົນຕີກະຊວງສາທາລະນະສຸກ ໃນເດືອນພະຈິກ 2020, ເຊິ່ງເປັນຊ່ວງໂຄວິດ-19 ລະບາດ ເຮັດໃຫ້ສາທາມີໜ້າທີ່ຫຼາຍຢ່າງຕັ້ງແຕ່ການປະສານກຳລັງລົງທ້ອງຖິ່ນຕ່າງໆ ຈົນໄປເຖິງການເຈລະຈາຫາວັກຊີນຈາກຕ່າງປະເທດ.

ອ້າງອີງ:

https://vnexpress.net/cuu-bo-truong-y-te-nguyen-thanh-long-bi-bat-4473144.html,]

https://e.vnexpress.net/news/news/ex-hanoi-chairman-detained-in-covid-test-kit-scandal-4473292.html

https://vietnamnews.vn/Society/1208805/officials-dismissed-from-health-minister-mayor-posts.html

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...