ນາໂຕ ສົ່ງເຮືອບິນຂັບໄລ່ສະກັດເຮືອບິນຮົບຣັດເຊຍ 2 ລຳທີ່ບິນເຂົ້າມາໃນທະເລໃຫ້ຊາຍແດນຟິນແລນ ຫຼັງຈາກທີ່ສະວີເດັນ ແລະ ຟິນແລນ ສະໝັກເປັນນາໂຕ.

ໃນວັນທີ 27 ພຶດສະພາ ທີ່ຜ່ານມານີ້ ເດລີ່ເມວລາຍງານວ່າ ນາໂຕສົ່ງເຮືອບິນ F-35 ຂຶ້ນສະກັດເຮືອບິນຮົບຣັດເຊຍ 2 ລຳ ທີ່ເຂົ້າມາໃນເຂດທະເລນໍວີຈຽນ ໃນວັນທີ 26 ພຶດສະພາ ຕາມເວລາທ້ອງຖິ່ນ, ຫຼັງຈາກກອງທັບອາກາດນໍເວ ໄດ້ເຫັນເຮືອບິນຮົບຣັດເຊຍບິນໃກ້ຊາຍແດນຟິນແລນ ໃນລະຫວ່າງຄວາມຕຶງຄຽດຂອງຣັດເຊຍ ກັບກຸ່ມປະເທດໃນພູມິພາກເອີຣົບຕອນເໜືອ ທີ່ທະວີຂຶ້ນ ຫຼັງຈາກທີ່ປະເທດຟິນແລນ ແລະ ສະວີເດັນສະມັກຂໍເຂົ້າຮ່ວມນາໂຕ ຈົນເຮັດໃຫ້ຣັດເຊຍທີ່ກຳລັງຄັດແຍ່ງກັບຢູເຄຣນຢູ່ນັ້ນບໍ່ພໍໃຈ.

ຜູ້ຈັດການຝ່າຍສື່ສານປະຈຳກອງມທັບອາກາດນໍເວ ເປີດເຜີຍວ່າ: ກອງທັບອາກາດນໍເວ ມີເຮືອບິນຂັບໄລ່ປະຈຳການກຽມພ້ອມ 2 ລຳ ເພື່ອໃຊ້ໃນການປະຕິບັດການ Quick Reaction Alert (QRA) ຂອງກອງທັບນາໂຕ ເພື່ອກຽມຮັບກັບສະຖານະການສຸກເສີນ ເຊິ່ງສາມາດບິນພາຍໃນ 15 ນາທີ ແລະ ກຽມພ້ອມຕະຫຼອດ 24 ຊົ່ວໂມງ ໃນທຸກໆມື້.