Homeຂ່າວຕ່າງປະເທດເກົາຫຼີໃຕ້-ຍີ່ປຸ່ນສົ່ງເຮືອບິນເຈັດ ສະກັດເຮືອບິນຮົບຂອງຈີນ-ຣັດເຊຍ

ເກົາຫຼີໃຕ້-ຍີ່ປຸ່ນສົ່ງເຮືອບິນເຈັດ ສະກັດເຮືອບິນຮົບຂອງຈີນ-ຣັດເຊຍ

Published on

ເກົາຫຼີໃຕ້ ແລະ ຍີ່ປຸ່ນ ສົ່ງເຮືອບິນເຈັດເຂົ້າສະກັດເຮືອບິນຮົບຂອງຈີນກັບຣັດເຊຍ ເຊິ່ງກຳລັງຊ້ອມຮົບຮ່ວມກັນໃນທະເລທາງຕະເວັນອອກ ໂດຍອ້າງວ່າເຮືອບິນຂອງທັງ 2 ປະເທດນັ້ນເຂົ້າໃກ້ນ່ານຟ້າ.

ໃນວັນທີ 24 ພຶດສະພາ ຄະນະເສນາທິການທະຫານຮ່ວມຂອງເກົາຫຼີໃຕ້ (JCS) ໄດ້ເປີດເຜີຍວ່າ: ພວກເຂົາສົ່ງເຮືອບິນເຈັດຂຶ້ນບິນເພື່ອປ້ອງກັນເຫດການບັງເອີນທີ່ອາດຈະເກີດຂຶ້ນ ຫຼັງຈາກພົບວ່າເຮືອບິນຮົບຂອງຈີນຫຼາຍກວ່າ 4 ລຳ ກັບເຮືອບິນຮົບຣັດເຊຍອີກ 4 ລຳ ບິນເຂົ້າສູ່ເຂດປ້ອງກັນທາງອາກາດຂອງພວກເຂົາ.

JCS ເຮັດໃຫ້ຮູ້ວ່າ ເຮືອບິນດັ່ງກ່າວເປັນເຮືອບິນຂັບໄລ່ ແລະ ເປັນເຮືອບິນທີ່ສາມາດຖິ້ມລະເບີດໄດ້ ໄດ້ບິນເຂົ້າ-ອອກຈາກເຂດສະແດງຕົນເພື່ອການປ້ອງກັນທາງອາກາດ (ADIZ) ຂອງພວກເຂົາໃນທະເລຍີ່ປຸ່ນ ຫຼື ທະເລຕະເວັນອອກ, ຢ່າງໄດກໍຕາມ JCS ຢືນຢັນວ່າເຮືອບິນຮົບຂອງຈີນກັບຣັດເຊຍບໍ່ໄດ້ຮຸກຮານນ່ານຟ້າຂອງພວກເຂົາແຕ່ຢ່າງໃດ.

ລັດຖະມົນຕີກະຊວງປ້ອງກັນປະເທດຂອງຍີ່ປຸ່ນ ເຮັດໃຫ້ຮູ້ວ່າ: ພວກເຂົາກໍສົ່ງເຮືອບິນເຈັດອອກປະຕິບັດ ຫຼັງຈາກເຮືອບິນຮົບຂອງຈີນກັບຣັດເຊຍເຂົ້າໃກ້ນ່ານຟ້າຂອງປະເທດ, ເຊິ່ງລາວເຊື່ອວ່າເປັນຄວາມພະຍາຍາມຍົ່ວຍຸໃນຊ່ວງທີ່ໂຕກຽວເປັນເຈົ້າພາບຈັດການປະຊຸມສຸດຍອດຂອງຊາດສະມາຊິດກຸ່ມຄວາມໝັ່ນຄົງ QUAD ປະກອບມີ ອັອດສະເຕເລຍ, ອິນເດຍ, ຍີ່ປຸ່ນ ແລະ ອາເມຣິກາ.

ນີ້ແມ່ນການເຝິກສ້ອມທະຫານຮ່ວມກັນລະຫວ່າງຣັດເຊຍ ແລະ ຈີນເປັນຄັ້ງທຳອິດ, ໂດຍນັກວິໄຈເບິ່ງວ່າ ຈີນຍິນດີຮ່ວມມືກັບຣັດເຊຍ ໃນເລື່ອງການທະຫານ ແລະ ພ້ອມຊ່ວຍຣັດເຊຍປົກປ້ອງດ້ານຕະເວັນອອກ ນຂະນະທີ່ມອສໂກກຳລັງຕໍ່ສູ້ໃນຝັ່ງຕະເວັນຕົກ.

ແຫຼ່ງຂ່າວຈາກຂ່າວຕ່າງປະເທດ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...