Homeຂ່າວຕ່າງປະເທດສ.ເກົາຫຼີ ຍົກເລີກມາດຕະການເວັ້ນໄລຍະຫ່າງທາງສັງຄົມໃນອາທິດນີ້

ສ.ເກົາຫຼີ ຍົກເລີກມາດຕະການເວັ້ນໄລຍະຫ່າງທາງສັງຄົມໃນອາທິດນີ້

Published on

ທ່ານນາຍົກລັດຖະມົນຕີ ຄິມ ບູມ-ຍອມ (Kim Bu-gyeom) ປະກາດວ່າ ລັດຖະບານ ສ.ເກົາຫຼີ ຈະຍົກເລີກມາດຕະການບັງຄັບໃຊ້ການຍົກເລີກມາດຕະການເວັ້ນໄລຍະຫ່າງທາງສັງຄົມຈະມີຜົນນັບຕັ້ງແຕ່ວັນນີ້ (18 ເມສາ) ເປັນຕົ້ນໄປ ແຕ່ຍັງຄົງໃຫ້ປະຊາຊົນໃສ່ຜ້າປິດປາກ-ດັງໃນຂະນະຢູ່ໃນທີ່ກາງແຈ້ງ ຫຼື ພາຍໃນຕຶກອາຄານຕໍ່ໄປອີກໄລຍະໜຶ່ງທ່າມກາງທ່າອ່ຽງການຕິດເຊື້ອທີ່ຫຼຸດລົງ.

ການຍົກເລີກຂໍ້ຈຳກັດເວັ້ນໄລຍະຫ່າງນີ້ຖືວ່າເປັນການຍົກເລີກຄັ້ງທຳອິດນັບຕັ້ງແຕ່ພະຍາດໂຄວິດ-19 ເລີ່ມລະບາດໃນ ສ.ເກົາຫຼີ. ເຊິ່ງທາງດ້ານຮ້ານອາຫານ ແລະ ຮ້ານກາເຟຈະສາມາດດຳເນີນກິດຈະການໄດ້ຢ່າງອິດສະລະແບບບໍ່ມີຂໍ້ຈຳກັດເວລາໃນການໃຫ້ບໍລິການ ໂດຍພາຍໃຕ້ກົດຍົກເວັ້ນໄລຍະຫ່າງທາງສັງຄົມທີ່ບັງຄັບໃຊ້ໃນຂະນະນີ້ ຂະນະທີ່ພາກທຸລະກິດດັ່ງກ່າວໄດ້ຮັບອະນຸຍາດໃຫ້ເປີດໄດ້ບໍ່ເກີນທ່ຽງຄືນ.

ທ່ານນາຍົກລັດຖະມົນຕີ ສ.ເກົາຫຼີ ກ່າວຕື່ມອີກວ່າ: ການແຜ່ລະບາດຂອງພະຍາດໄວຣັສໂອໄມຄຣອນມີທ່າອ່ຽງຫຼຸດລົງ ຫຼັງຈາກເຄີຍຢູ່ທີ່ຈຸດສູງທີ່ສຸດໃນອາທິດທີ 3 ຂອງເດືອນມີນາ ອີກຢ່າງໜຶ່ງລັດຖະບານຈະປຶກສາຫາລືກັນວ່າຈະຍົກເລີກຂໍ້ກຳນົດໃນການໃສ່ຜ້າປິດປາກ-ດັງເມື່ອຢູ່ໃນທີ່ກາງແຈ້ງ ຫຼື ບໍ່ ໂດຍຈະປະເມີນສະຖານະການການຕິດເຊື້ອອີກຄັ້ງໃນ 2 ອາທິດຂ້າງໜ້າ.

ຂະນະດຽວກັນ, ນອກຈາກຍົກເລີກມາດຕະການເວັ້ນໄລຍະຫ່າງແລ້ວ ນັບແຕ່ວັນທີ 25 ເມສານີ້ເປັນຕົ້ນໄປ ລັດຖະບານຈະອະນຸຍາດໃຫ້ມີການຮັບປະທານອາຫານຂະນະທີ່ເບິ່ງຮູບເງົາໄດ້ ອະນຸຍາດໃຫ້ສະຖານທີ່ອອກກຳລັງກາຍໃນຮົ່ມກັບມາເປີດບໍລິການປົກກະຕິ ແລະ ອະນຸຍາດໃຫ້ມີການຈັດກິດຈະກຳທາງສາສະໜາໄດ້.

ຂໍ້ມູນ: ປະຊາຊົນ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...