spot_img
Homeຂ່າວຕ່າງປະເທດອາເມຣິກາ-ອັງກິດ-ອົສຕຣາລີ ປະກາດຮ່ວມພັດທະນາຂີປະນາວຸດໄວກວ່າສຽງ

ອາເມຣິກາ-ອັງກິດ-ອົສຕຣາລີ ປະກາດຮ່ວມພັດທະນາຂີປະນາວຸດໄວກວ່າສຽງ

Published on

ສຳນັກງານ Reuters ລາຍງານໃນວັນທີ 5 ເມສານີ້, ອາເມຣິກາ ອັງກິດ ແລະ ອົສຕຣາລີໄດ້ປະກາດວ່າ: ຈະຮ່ວມມືຄົ້ນຄວ້າຜະລິດຂີປະນາວຸດທີ່ມີຄວາມໄວກວ່າສຽງ ເພື່ອເພີ່ມຂີດຄວາມສາມາດໃນການສູ້ຮົບທາງເອເລັກໂຕຼນິກ ພາຍຫຼັງສາມປະເທດໄດ້ປະກາດການຮ່ວມມືໃນສົນທິສັນຍາໝັ້ນຄົງອິນໂດ-ປາຊີຟິກສະບັບໃໝ່ “AUKUS” ໃນປີກາຍນີ້.

AUKUS ເຊິ່ງໄດ້ເປີດຕົວໃນ ເດືອນກັນຍາ ປີ​ກາຍ​ນີ້​ໄດ້​ຖືກລະບຸວ່າ​ເປັນ​ການ​ຮ່ວມ​ມື​ຂອງ​ທັງສາມ​ປະ​ເທດ​ເພື່ອ​ຊຸກຍູ້​ສັນຕິພາບ​ແລະ​ສະຖຽນ​ລະ​ພາບ​ຢູ່​ພາກ​ພື້ນ​ອິນ​ໂດ-​ປາ​ຊີ​ຟິກ.

ທ່ານໂຈ ໄບເດັນ ປະທານາທິບໍດີອາເມຣິກາ, ທ່ານໂບຣິສ ຈອນສັນ ນາຍົກລັດຖະມົນຕີອັງກິດ ແລະ ທ່ານສະກອດ ໂມຣີສັນ ນາຍົກລັດຖະມົນຕີອົສຕຣາລີໄດ້ອອກຖະແຫຼງການຮ່ວມໃນວັນທີ 5 ເມສານີ້ ໂດຍປະກາດວ່າ: ສາມປະເທດຈະດຳເນີນການຮ່ວມມືສາມຝ່າຍອີກຄັ້ງໃໝ່ໃນການຄົ້ນຄວ້າຜະລິດອາວຸດທີ່ມີຄວາມໄວກວ່າສຽງລະດັບສູງ ແລະລະບົບຕໍ່ຕ້ານອາວຸດທີ່ມີຄວາມໄວກວ່າສຽງລະດັບສູງ ພ້ອມທັງເພີ່ມຄວາມສາມາດໃນສົງຄາມເອເລັກໂຕຼນິກ,

ພ້ອມກັນນັ້ນ ຍັງຈະເປີດກວ້າງການຊົມໃຊ້ຂໍ້ມູນຮ່ວມກັນ ແລະລົງເລິກການຮ່ວມມືປະດິດສ້າງການປ້ອງກັນປະເທດ. ຖະແຫຼງການຍັງລະບຸອີກວ່າ: ແຜນການດັ່ງກ່າວຈະເຮັດໃຫ້ສາມປະເທດລົງເລິກການຮ່ວມມືທາງດ້ານຄວາມສາມາດດ້ານອິນເຕີເນັດ ປັນຍາປະດິດ ເຕັກນິກກວນຕຳ ແລະຄວາມສາມາດອື່ນໆຢູ່ພື້ນທະເລ ບົນພື້ນຖານສິ່ງທີ່ມີຢູ່ໃນປັດຈຸບັນ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...