ມີຄວາມເຂົ້າໃຈບໍ່ຖືກຕ້ອງກ່ຽວກັບຢາຄຸມສຸກເສີນຫລາຍປະການ ເຊິ່ງສາວໆຄົນມັກເຂົ້າໃຈຜິດ ຫລື ບໍ່ເຄີຍຮູ້ມາກ່ອນເລີຍ ການໃຊ້ຢາຄຸມສຸກເສີນຈະມີປະໂຫຍດຫາກສາວໆໃຊ້ຢ່າງຖືກຕ້ອງ
- ມີຄວາມເຂົ້າໃຈວ່າໃຊ້ ຢາຄຸມສຸກເສີນ ເພື່ອຄຸມກຳເນີດໄລຍະຍາວໄດ້ ຄວາມເຂົ້າໃຈນີ້ບໍ່ຖືກຕ້ອງ ຖ້າຫາກຜົວເມຍທີ່ຍັງບໍ່ພ້ອມມີລູກແຕ່ຕ້ອງການຄຸມກຳເນີດໃນໄລຍະຍາວ ມີວິທີຄຸມກຳເນີດທີ່ເໝາະສົມ ແລະ ມີປະສິດທິພາບຫລາຍກວ່າເຊັ່ນ ການກິນຢາຄຸມກຳເນີດແບບປົກກະຕິຊະນິດເມັດ ໂດຍກິນທຸກມື້ມື້ລະ 1 ເມັດ ນອກຈາກນີ້ ການກິນຢາຄຸມສຸກເສີນເປັນປະຈຳຈະພົບອາການຂ້າງຄຽງສູງ ເຊັ່ນ ເຈັບຫົວ ຄື້ນໄສ້ ຮາກ ເລືອດອອກບໍ່ປົກກະຕິ ລວມທັງພົບຄວາມສ່ຽງໃນການເກີດອຸບັດເຫດການຖືພານອກມົດລູກເພີ່ມຂຶ້ນ
- ມີຄວາມເຂົ້າໃຈວ່າ ຢາຄຸມສຸກເສີນ ເປັນຢາເຮັດໃຫ້ລຸລູກຄວາມເຂົ້າໃຈນີ້ເປັນຄວາມເຂົ້າໃຈທີ່ຜິດ ຢາຄຸມສຸກເສີນສາມາດປ້ອງກັນການຖືພາໄດ້ເທົ່ານັ້ນ ນັ້ນຄືຕ້ອງໄດ້ຢາເຂົ້າໄປໃນຮ່າງກາຍກ່ອນທີ່ຈະມີການຝັງໂຕຂອງໄຂ່ທີ່ເຍື່ອຫົ້ມມົດລູກ ແຕ່ຫາກໄຂ່ທີ່ປະສົມກັບ ອະສຸຈິໄດ້ຝັງໂຕທີ່ຝາມົດລູກໄປແລ້ວ ຢານີ້ຈະເຮັດຫຍັງບໍ່ໄດ້ ດັ່ງນັ້ນ ຢານີ້ຈຶ່ງບໍ່ແມ່ນຢາເຮັດລຸລູກ
- ມີຄວາມເຂົ້າໃຈວ່າ ຢາຄຸມສຸກເສີນ ປ້ອງກັນພະຍາດຕິດຕໍ່ທາງເພດສຳພັນ ໄດ້ ຄວາມເຂົ້າໃຈນີ້ເປັນຄວາມເຂົ້າໃຈທີ່ຜິດ ການໃຊ້ຢາຄຸມສຸກເສີນນັ້ນບໍ່ສາມາດປ້ອງກັນພະຍາດຕິດຕໍ່ທາງເພດສຳພັນ ແຕ່ການໃຊ້ຖົງຢາງອະນາໄມເປັນວິທີການຄຸມກຳເນີດທີ່ສາມາດຄຸມກຳເນີດ ແລະ ປ້ອງກັນພະຍາດຕິດຕໍ່ທາງເພດສຳພັນໄດ້
- ມີຄວາມເຂົ້າໃຈວ່າ ຢາຄຸມສຸກເສີນ ອາດເຮັດໃຫ້ເດັກນ້ອຍພິການໄດ້ຖ້າຫາກກິນໄປໂດຍບໍ່ຮູ້ວ່າ ຖືພາຄວາມເຂົ້າໃຈນີ້ບໍ່ຖືກຕ້ອງ ທັງນີ້ມີລາຍງານວ່າ ບໍ່ພົບເດັກນ້ອຍພິການຈາກແມ່ທີ່ກິນຢາໂດຍບໍ່ຮູ້ວ່າ ຕົນເອງກຳລັງຖືພາ