spot_img
Homeຂ່າວຕ່າງປະເທດເປຣູປະກາດເຄີຟິວຫຼັງມີການປະທ້ວງລາຄານໍ້າມັນທີ່ເພີ່ມຂຶ້ນ

ເປຣູປະກາດເຄີຟິວຫຼັງມີການປະທ້ວງລາຄານໍ້າມັນທີ່ເພີ່ມຂຶ້ນ

Published on

ສໍານັກຂ່າວ ຣອຍເຕີ ລາຍງານວ່າ: ທ່ານ ເປໂດຼ ກັສຕິໂຢ ປະທານນາທິບໍດີເປຣູປະກາດເຄີຟິວໃນວັນອັງຄານ ແລະ ຫ້າມບໍ່ໃຫ້ປະຊາຊົນອອກຈາກບ້ານ ເພື່ອພະຍາຍາມສະກັດກັ້ນສະຖານະການການປະທ້ວງຕໍ່ຕ້ານບັນຫາດ້ານລາຄາຕົ້ນທຶນນໍ້າມັນເຊື້ອໄຟ ແລະ ປຸ໋ຍເຄມີທີ່ແຜ່ຂະຫຍາຍຄວາມຮຸນແຮງໄປທົ່ວປະເທດ.

ທ່ານ ເປໂດຼ ກັສຕິໂຢ ກ່າວອອກອາກາດທົ່ວປະເທດວ່າ “ຄະນະລັດຖະມົນຕີເຫັນດີໃຫ້ປະກາດເຄີຟິວ ແລະ ຫ້າມພົນລະເມືອງອອກຈາກເຄຫະສະຖານຕັ້ງແຕ່ເວລາ 2:00 ເຖິງ 23:59 ຂອງວັນອັງຄານທີ 5 ເມສາ ເພື່ອປ້ອງກັນສິດທິຂັ້ນພື້ນຖານຂອງທຸກຄົນ.”
ໃນວັນຈັນ ກະແສການປະທ້ວງຕໍ່ຕ້ານລາຄານໍ້າມັນ ແລະ ປຸ໋ຍທີ່ເພີ່ມຂຶ້ນສູງຍັງຄົງສືບຕໍ່ດໍາເນີນຢ່າງຕໍ່ເນື່ອງເປັນອາທິດທີສອງແລ້ວ ເນື່ອງຈາກເຫດການໂຈມຕີຢູເຄຣນຂອງຣັດເຊຍ ໃນຂະນະທີ່ລັດຖະບານພະຍາຍາມດໍາເນີນນະໂຍບາຍກົດລາຄາໃຫ້ຕໍ່າລົງ.

ການປະທ້ວງສະແດງໃຫ້ເຫັນເຖິງຄວາມເປັນຈິງທີ່ໂຫດຮ້າຍຂອງປະທານາທິບໍດີ ເປໂດຼ ກັສຕິໂຢ, ອະດີດຊາວກະສິກອນ ແລະ ຄູ ທີ່ຊະນະການເລືອກຕັ້ງໃນປີກາຍນີ້ ດ້ວຍການສະຫນັບສະຫນູນຢ່າງລົ້ນເຫຼືອຈາກຜູ້ທຸກຍາກໃນເຂດຊົນນະບົດ. ແຕ່ການສະຫນັບສະຫນູນໃນໂຕລາວໄດ້ຫຼຸດລົງຢ່າງໄວວາ ແລະ ຄະແນນນິຍົມທົ່ວປະເທດຫຼຸດລົງເຫຼືອພຽງ 25% ໃນຊ່ວງ 8 ເດືອນທີ່ລາວດໍາລົງຕໍາແໜ່ງ.

ລັດຖະບານລາຍງານວ່າ ມີຜູ້ເສຍຊີວິດຢ່າງ​ໜ້ອຍ 4 ຄົນ​​ໃນ​ສະຖານະການ​ປະ​ທ້ວງ​ທີ່​ຮ້າຍ​ແຮງ​ຂຶ້ນເລື້ອຍໆ. ຫຼ້າ​ສຸດ​ໃນ​ວັນ​ຈັນ​ ຜູ້​ປະ​ທ້ວງ​ໄດ້​ເຜົາຕູບ​ເກັບ​ຄ່າ​ຜ່ານທາງ ​ແລະ ​ໄດ້​ປະ​ທະ​ກັນ​ກັບ​ຕຳຫຼວດໃກ້​ກັບ​ເມືອງອິກາ (Ica) ທາງ​ພາກ​ໃຕ້ຂອງປະເທດ.
ການປະທ້ວງໄດ້ແຜ່ລາມໄປທົ່ວປະເທດເປຣູ. ມັນໄດ້ເລີ່ມຂື້ນໃນອາທິດແລ້ວນີ້ ເນື່ອງຈາກຊາວ​ກະສິກອນ​ ແລະ ​ຄົນ​ຂັບ​ລົດ​ບັນທຸກ​ໄດ້​ເຕົ້າ​ໂຮມ​ກັນ​ປິດ​ຖະໜົນ​ສາຍຫຼັກ​ບາງ​ສາຍ​ໄປ​ກຸງລິມາ ເຮັດໃຫ້ສົ່ງ​ຜົນ​ກະ​ທົບ​ຕໍ່ການ​ຂົນ​ສົ່ງ ​ແລະ ​ເຮັດ​ໃຫ້​ລາ​ຄາ​ສະ​ບຽງ​ອາ​ຫານ​ເພີ່ມ​ຂຶ້ນສູງ​ຢ່າງ​ກະ​ທັນ​ຫັນ​.

ລັດຖະບານ​ໄດ້​ແກ້​ໄຂ​ສະຖານະ​ການ​ໃນ​ທ້າຍ​ອາທິດ​ຜ່ານ​ມາ​ ໂດຍ​ການ​ຍື່ນ​ສະ​ເໜີ​ຍົກ​ເວັ້ນພາສີ​ນ້ຳມັນ​ສ່ວນ​ໃຫຍ່​ເພື່ອ​ຮັກສາ​ລາຄາ​ນ້ຳມັນ​ໃຫ້​ຕ່ຳລົງ. ໃນຂະນະ​ດຽວ​ກັນ​ກໍ່ໄດ້​ເພີ່ມ​ຄ່າ​ຈ້າງ​ຂັ້ນ​ຕ່ຳ​ປະມານ 10% ຂຶ້ນ​ເປັນ 1,205 ​ໂຊລ​ເປຣູ​ (332ໂດລາ) ຕໍ່​ເດືອນ ​ແລະ ​ໄດ້​ປະກາດ​ພາວະ​ສຸກ​ເສີນ​ຕໍ່​ຂະ​ແໜງ​ກະສິກຳ ຍ້ອນ​ລາຄາ​ປຸ໋ຍ​ທີ່ເພີ່ມ​ຂຶ້ນສູງເນື່ອງຈາກການ​ຂວ້າມບາດ​ຂອງຝ່າຍ​ຕາ​ເວັນ​ຕົກ​ຕໍ່ຣັດ​ເຊຍ ເຊິ່ງເປັນຜູ້ສົ່ງອອກຫຼັກຂອງສິນຄ້າເຊັ່ນ: ໂປແຕຊ໌, ແອມໂມເນຍ, ຢູເຣຍ ແລະ ທາດອາຫານໃນດິນ.

ເຊັ່ນດຽວກັນກັບຫຼາຍປະເທດ, ເປຣູກໍາລັງຕໍ່ສູ້ກັບອັດຕາເງິນເຟີ້ທີ່ສູງຂຶ້ນກ່ອນສົງຄາມຢູເຄຣນ. ໃນເດືອນມີນາ, ອັດຕາເງິນເຟີ້ໄດ້ບັນລຸລະດັບສູງສຸດໃນຮອບ 26 ປີ, ໂດຍສ່ວນໃຫຍ່ແມ່ນຍ້ອນປັດໃຈການເພີ່ມຂຶ້ນຂອງລາຄານໍ້າມັນເຊື້ອໄຟ ແລະ ອາຫານ.

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...