Homeຂ່າວຕ່າງປະເທດນັກວິທະຍາສາດເປີດເຜີຍ ການຖອດລະຫັດຈີໂນມມະນຸດທີ່ສົມບູນເປັນຄັ້ງທໍາອິດ

ນັກວິທະຍາສາດເປີດເຜີຍ ການຖອດລະຫັດຈີໂນມມະນຸດທີ່ສົມບູນເປັນຄັ້ງທໍາອິດ

Published on

ສໍານັກຂ່າວຣອຍເຕີລາຍງານ ໃນວັນທີ 1 ເມສາ ໃຫ້ຮູ້ວ່າ: ທີມນັກວິທະຍາສາດຈາກສະຖາບັນວິໄຈຈີໂນມມະນຸດແຫ່ງຊາດຂອງສະຫະລັດອາເມຣິກາໄດ້ເຜີຍແຜ່ລາຍງານການຖອດລະຫັດກໍາມະພັນທັງໝົດຂອງມະນຸດ ຫຼື ຈີໂນມ ທີ່ສົມບູນຄັ້ງທໍາອິດໃນວາລະສານວິທະຍາສາດ ເຊິ່ງຊ່ວຍໃນການຄົ້ນຫາຮ່ອງຮອຍກ່ຽວກັບການກາຍພັນທີ່ກໍ່ໃຫ້ເກີດພະຍາດ ແລະ ການແປຜັນທາງກໍາມະພັນໃນປະຊາກອນຈຳນວນ 7,900 ລ້ານຄົນທົ່ວໂລກ.

ຫຼັງຈາກປີ 2003 ນັກວິໄຈໄດ້ເປີດເຜີຍລໍາດັບທີ່ສົມບູນຂອງຈີໂນມມະນຸດ, ແຕ່ຈີໂນມປະມານ 8% ຍັງບໍ່ໄດ້ຖືກຖອດລະຫັດຢ່າງສົມບູນ ສ່ວນໃຫຍ່ເປັນເພາະປະກອບດ້ວຍຊີ້ນສ່ວນຂອງດີເອັນເອທີ່ຊໍ້າກັນຫຼາຍ ເຊິ່ງຍາກຕໍ່ການຈັບຄູ່ກັບຊີ້ນສ່ວນທີ່ຍັງເຫຼືອ.\

ທ່ານ ອີຣິກ ກຣີນ ຜູ້ອໍານວຍການສະຖາບັນວິໄຈມະນຸດແຫ່ງຊາດ ກ່າວໃນຖະແຫຼງການວ່າ “ການສ້າງລໍາດັບຈີໂນມຂອງມະນຸດຢ່າງສົມບູນຖືວ່າເປັນຄວາມສໍາເລັດທາງວິທະຍາສາດທີ່ໜ້າເຫຼືອເຊື່ອ ເຊິ່ງໃຫ້ມຸມມອງທີ່ສົມບູນຄັ້ງທໍາອິດໃນພິມຂຽວດີເອັນເອ ແລະ ຂໍ້ມູນພື້ນຖານຈະຊ່ວຍສົ່ງເສີມຄວາມພະຍາຍາມໃນການທໍາຄວາມເຂົ້າໃຈຄວາມແຕກຕ່າງໃນການໃຊ້ງານຂອງຈີໂນມມະນຸດ ເຊິ່ງຊ່ວຍສະໜັບສະໜູນການສຶກສາທາງກໍາມະພັນກ່ຽວກັບພະຍາດໃນມະນຸດ.”

ທັງນີ້ທັງນັ້ນ, ຈີໂນມທີ່ສົມບູນປະກອບດ້ວຍ 3,055 ລ້ານຄູ່ເບສ໌ ເຊິ່ງເປັນຫົວໜ່ວຍທີ່ສ້າງໂຄຣໂມໂຊມ ແລະ ຢີນຂອງເຮົາ ແລະ ຢີນທີ່ເຂົ້າລະຫັດໂປຣຕີນ 19,969 ຢີນ. ໂດຍຢີນເຫຼົ່ານີ້ ນັກວິໄຈສາມາດຢືນຢັນຢີນໃໝ່ໄດ້ປະມານ 2,000 ຢີນ ເຊິ່ງສ່ວນໃຫຍ່ບໍ່ໄດ້ໃຊ້ງານ, ແຕ່ຢີນຈໍານວນ 115 ຢີນ ອາດຈະໃຊ້ງານຢູ່. ນອກຈາກນີ້ ຍັງພົບຕົວແປທາງກໍາມະພັນເພີ່ມອີກປະມານ 2 ລ້ານໂຕ, ໂດຍໂຕແປຈໍານວນ 622 ໂຕ ມີຢູ່ໃນຢີນທີ່ກ່ຽວຂອງທາງດ້ານການແພດ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...