ບັນຫາ ກິ່ນປາກ ນອກຈາກຈະຫລຸດຄວາມຫມັ້ນໃຈ ຍັງບອກເຖິງບັນຫາສຸຂະພາບທີ່ຕ້ອງແກ້ໂດຍດ່ວນ ຫາກຍັງຫາຄຳຕອບບໍ່ໄດ້ວ່າ ບັນຫາມາຈາກໃສ ຄວນເລີ່ມແກ້ທີ່ອາຫານການກິນ ແລະ ການຂັບຖ່າຍເປັນເລື່ອງທໍາອິດໆ
ການກິນ ອະໂວຄາໂດ ເປັນວິທີງ່າຍໆ ຢ່າງໜຶ່ງ ທີ່ຊ່ວຍຫລຸດບັນຫານີ້ໄດ້ ເພາະຊີ້ນຂອງອະໂວຄາໂດ ຈະຊ່ວຍກຳຈັດອາຫານທີ່ເນົ່າເສຍຕົກຄ້າງຢູ່ໃນລຳໄສ້ໃຫຍ່ເຊິ່ງເປັນສາເຫດສຳຄັນຂອງ ກິ່ນປາກ ໃຫ້ໝົດໄປ
ນອກຈາກນີ້ກໍຢາກໃຫ້ລອງນ້ຳຢາບ້ວນປາກສູດສົ້ມ ແບບທຳມະຊາດດັ່ງຕໍ່ໄປນີ້ ສ່ວນປະສົມກໍບໍ່ຫຍຸ້ງຍາກ ມີ ນໍ້າບີບຈາກຂີງສົດ 1 ບ່ວງ ນ້ຳໝາກນາວ 1 ບ່ວງ ນ້ຳອຸ່ນ 1 ຈອກ ປະສົມໃຫ້ເຂົ້າກັນ ບ້ວນປາກມື້ລະເທື່ອ ຫລັງຖູແຂ້ວໃນຕອນເຊົ້າ
ສ່ວນເລື່ອງການປັບລະບົບຂັບຖ່າຍໃຫ້ສົມດຸນນັ້ນ ໂຕຊ່ວຍທີ່ດີທີ່ສຸດ ກໍຄືການອອກກຳລັງກາຍຢ່າງສະໝໍ່າສະເໝີ
ສຸຂະພາບດີບໍ່ແມ່ນພຽງແຕ່ເບິ່ງແຍງແຕ່ພາຍນອກເທົ່ານັ້ນ ແຕ່ຕ້ອງເບິ່ງແຍງຈາກພາຍໃນນໍາ ລອງເອົາເຄັດລັບດີໆແບບນີ້ໄປເຮັດກັນເບິ່ງ