Homeຂ່າວພາຍ​ໃນຣັດ​ເຊຍ​ປະກາດ ການຖອນຕົວຂອງການປະຕິບັດການສູ້ຮົບທີ່ສໍາຄັນ

ຣັດ​ເຊຍ​ປະກາດ ການຖອນຕົວຂອງການປະຕິບັດການສູ້ຮົບທີ່ສໍາຄັນ

Published on

ໃນວັນທີ 29 ມີນາ 2022 ທີ່ຜ່ານມາ ຣັດ​ເຊຍ​ປະກາດ “ການຖອນຕົວຂອງການປະຕິບັດການສູ້ຮົບທີ່ສໍາຄັນ” ໃນເຂດອ້ອມຮອບ Kiev. ​ແລະ​ ເມືອງ Chernihiv ທີ່​ຖືກ​ປິດ​ລ້ອມ​ໃນ​ພາກ​ເໜືອ​ຂອງ​ຢູ​ເຄຣນ ຫຼັງ​ຈາກ​ສອງ​ຄະນະ​ຜູ້​ແທນ​ໄດ້​ເຂົ້າ​ຮ່ວມ​ການ​ເຈລະຈາ​ສັນຕິພາບ​ຢູ່​ນະຄອນ Istanbul ປະເທດຕວກກີ

ທ່ານ ອາເລັກຊານເດີ ໂຟມີນ ຮອງລັດຖະມົນຕີກະຊວງປ້ອງກັນປະເທດຣັດເຊຍ ໜຶ່ງ​ໃນ​ຄະນະ​ຜູ້​ແທນ​ເຈລະຈາ​ສັນຕິພາບ​ກ່າວ​ວ່າ: ການ​ຕັດສິນ​ໃຈ​ຫຼຸດ​ຜ່ອນ​ການ​ປະຕິບັດ​ງານ​ທາງ​ທະຫານ​ແມ່ນ​ເພື່ອ “​ເພີ່ມ​ທະວີ​ຄວາມ​ໄວ້​ເນື້ອ​ເຊື່ອ​ໃຈ​ເຊິ່ງກັນ ​ແລະ ກັນ” ​ແລະ ​ເຮັດ​ໃຫ້ການ​ເຈລະຈາ​ບັນລຸ​ໝາກຜົນ “ເປົ້າໝາຍສູງສຸດ” ຂອງການລົງນາມໃນຂໍ້ຕົກລົງທັງສອງຝ່າຍ

ການເຄື່ອນໄຫວຄັ້ງນີ້ມີ ຫຼັງ​ຈາກ​ຢູເຄຣນກ່າວ​ວ່າ​ຈະ​ຮັບ​ເອົາ​ສະຖານະ​ການ​ເປັນ​ກາງ​ໃນ​ເວທີ​ການ​ເມືອງ​ລະຫວ່າງປະເທດ ຊຶ່ງ​ແມ່ນ​ໜຶ່ງ​ໃນ​ຄວາມ​ຮຽກຮ້ອງ​ຕ້ອງການ​ທີ່​ສຳຄັນ​ຂອງຣັດ​ເຊຍ ​ເພື່ອ​ແລກປ່ຽນ​ກັບ​ການ​ມີ​ປະ​ເທດ​ທີ​ສາມ​ເປັນ​ການ​ຮັບປະກັນ​ຄວາມ​ປອດ​ໄພ​ໃຫ້​ແກ່​ຢູເຄຣນ

ສະຖານະເປັນກາງດັ່ງກ່າວຫມາຍຄວາມວ່າ ຢູ​ເຄຣນ ຕ້ອງ​ບໍ່​ເຂົ້າ​ຮ່ວມ​ບັນດາ​ພັນທະ​ມິດ​ທາງ​ການ​ທະຫານ, ​ເຊັ່ນ: ອົງການ​ສົນທິສັນຍາ​ອັດ​ລັງ​ຕິກ​ເໜືອ ຫຼື NATO, ຫຼື ອະນຸຍາດ​ໃຫ້​ປະ​ເທດ​ອື່ນ​ສ້າງ​ຕັ້ງ​ຖານ​ທັບ​ທະຫານ ແລະ ຄາດວ່າ ໂປໂລຍ, ອິສຣາແອລ, ຕວກກີ ແລະ ການາດາ ຖືວ່າແມ່ນບັນດາປະເທດທີ່ຈະຖືບົດບາດຮັບປະກັນຄວາມປອດໄພໃຫ້ແກ່ຢູແກຼນ.

ປະຈຸ​ບັນການ​ເຄື່ອນ​ໄຫວ​ທາງ​ທະຫານ​ຂອງຣັດ​ເຊຍ​ປະກົດ​ວ່າ​ຖືກ​ຢຸດຕິ​ຢູ່​ເຂດ​ອ້ອມ​ແອ້ມ​ຄຽບ ກ່ອນ​ໜ້າ​ນີ້, ກະຊວງ​ປ້ອງ​ກັນ​ປະ​ເທດ​ອັງກິດ​ກ່າວ​ວ່າ ກອງທັບ​ອູ​ແກຣນ​ໄດ້​ປະສົບ​ຜົນສຳ​ເລັດ​ໃນ​ການ​ຊຸກ​ຍູ້​ຊາວຣັດ​ເຊຍ​ກັບ​ຄືນ​ສູ່​ຫຼາຍ​ແນວ​ໜ້າ.

ສ່ວນເຈົ້າ​ໜ້າ​ທີ່​ຢູ​ເຄຣນ ກ່າວ​ວ່າ ໃນມື້ນີ້​ເມືອງ Chernihiv ຍັງ​ຖືກ​ໂຈມ​ຕີ​ຈາກຣັດ​ເຊຍຢູ່ ​​ ເຈົ້າ​ຄອງ​ນະຄອນ​ກ່າວ​ວ່າ ມີຊາວເມືອງປະມານ 400 ຄົນໄດ້ເສຍຊີວິດນັບຕັ້ງແຕ່ສົງຄາມເລີ່ມຕົ້ນ. ມີພົນລະເຮືອນປະມານ 140,000 ຄົນຕິດຄ້າງຢູ່ໃນເມືອງ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...