ອີງຕາມລາຍງານເພຈຂ່າວເສດຖະກິດການຄ້າ ໄດ້ລາຍງານວ່າ: ທາງການ ສປ.ຈີນ ຈັດພິທີໄວ້ອາໄລໃຫ້ 132 ຊີວິດທີ່ຈາກໄປກັບເຮືອບິນທີ່ອຸບັດຕິເຫດເມື່ອວັນທີ 21 ມີນາ 2022 ຜ່ານມາພາຍຫຼັງໄດ້ຄົ້ນຫາພົບກ່ອງດຳທັງສອງໜ່ວຍ ແລະໄດ້ພິສູດເອກະລັກບຸກຄົນຂອງຜູ້ເສຍຊີວິດໂດຍສ່ວນໃຫຍ່ແລ້ວ.
ໂດຍພິທີເລີ່ມໃນເວລາ14:00 ໂມງ ຂອງວັນທີ 28 ມີນາ 2022 ນີ້ ໃນຈຸດທີ່ເຮືອບີນຕົກ ພ້ອມສຽງສັນຍານທີ່ດັງຂື້ນ ຈາກນັ້ນຄອບຄົວຂອງຜູ້ເສຍຊີວິດ ແລະ ເຈົ້າຫນ້າທີ່ກູ້ໄພ ຕະຫລອດຈົນເຈົ້າຫນ້າທີ່ຝ່າຍສຸກເສີນຕ່າງໆ ໄດ້ຮ່ວມໄວ້ອາໄລ ໂດຍຢືນສະຫງົບນິ້ງເປັນເວລາ 3 ນາທີ.
ໂດຍທາງການຈີນ ຈັດພິທີລຳລຶກໃນບໍລິເວນເຮືອບີນຂອງສາຍການບີນ China Eastern Airlines ປະສົບເຫດຕົກ ເພື່ອສະແດງຄວາມອາໄລຕໍ່ການເສີຍຊີວິດຂອງຜູ້ໂດຍສານ ແລະ ລູກເຮືອລວມທັງໝົດ 132 ຄົນ ທີ່ໄດ້ຫາຍໄປພ້ອມກັບເຮືອບິນທີ່ປະສົບອຸບັດຕິເຫດ.
ຕາມຂໍ້ມູນຢືນຢັນຈາກຜູ້ອຳນວຍການສຳນັກບໍລິຫານ ການບິນພົນລະເຮືອນແຫ່ງຊາດຈີນ ແມ່ນບໍ່ພົບສັນຍານຜູ້ລອດຊີວິດ, ສ່ວນການພິສູດເອກະລັກບຸກຄົນມາຮອດມື້ນີ້ແມ່ນໄດ້ທັງໝົດ 120 ກໍລະນີຈາກທັງໝົດ 132 ຄົນ.