spot_img
Homeຂ່າວຕ່າງປະເທດກຸ່ມຮູທີໂຈມຕີຄັງນໍ້າມັນຂອງຊາອຸດິອາຣາເບຍເຮັດໃຫ້ເກີດໄຟໄໝ້

ກຸ່ມຮູທີໂຈມຕີຄັງນໍ້າມັນຂອງຊາອຸດິອາຣາເບຍເຮັດໃຫ້ເກີດໄຟໄໝ້

Published on

ສໍານັກຂ່າວ ຣອຍເຕີ ໄດ້ລາຍງານໃນວັນທີ 26 ມີນາຜ່ານມາໃຫ້ຮູ້ວ່າ: ກຸ່ມຮູທີໃນປະເທດເຢເມນກ່າວວ່າ ພວກເຂົາໄດ້ເປີດສາກບຸກໂຈມຕີຄັງນໍ້າມັນຂອງຊາອຸດິອະຣາເບຍ ໃນວັນທີ 25 ມີນາທີ່ຜ່ານມາ. ໃນຂະະທີ່ບໍລິສັດນໍ້າມັນຢັກໃຫຍ່ຂອງຊາອຸດິອະຣາເບຍ ກໍຄື ”ອາລໍາໂກ” ຢືນຢັນວ່າ ຄັງນໍ້າມັນໃນເມືອງເຈດດາຖືກໂຈມຕີ ສົ່ງຜົນກະທົບໃຫ້ຖັງເກັບນໍ້າມັນ 2 ຖັງເກີດໄຟໄໝ້.

ການລາຍງານໄດ້ກ່າວວ່າ ເຫດການໄຟໄໝ້ທີ່ຄັງນໍ້າມັນເຮັດໃຫ້ຄວັນກຸ້ມຂື້ນສູ່ທ້ອງຟ້າໄປທົ່ວເມືອງ ເຊິ່ງກໍາລັງມີການກະກຽມຈັດການແຂ່ງຂັນ Saudi Arabian Grand Prix ໃນອາທິດນີ້. ການລາຍງານຍັງໄດ້ກ່າວຕື່ມອີກວ່າ ກຸ່ມຮູທີໃນເຢເມນໄດ້ຮັບການສະໜັບສະໜູນຈາກອີຣ່ານໃນການຍົກລະດັບການໂຈມຕີຊາອຸດິອາລະເບຍໃນອາທິດທີ່ຜ່ານມາ ກ່ອນການປະກາດຢຸດຍິງຊົ່ວຄາວໃນຊ່ວງເດືອນຣາມາດອນຂອງຊາວມຸດສະລິນ (Muslim holy month of Ramadan).

ທາງດ້ານຂອງກຸ່ມກອງທັບພັນທະມິດ ເຊິ່ງນໍາພາໂດຍຊາອຸດິອະລາເບຍທີ່ກໍາລັງເຂົ້າແຊກແຊງໃນສົງຄາມເຢເມນທີ່ກ່າວມາກ່ອນໜ້ານີ້ວ່າ ໃຊ້ຄວາມອົດກັ້ນຫຼັງຈາກຖືກກຸ່ມຮູທີໂຈມຕີມາໂດຍຕະຫຼອດ ກໍ່ໄດ້ເປີດປະຕິບັດການທາງການທະຫານໃນເຢເມນຂອງເຊົ້າວັນທີ 26 ມີນາ ໂດຍກ່າວວ່າ ມີເປົ້າໝາຍເພື່ອປ້ອງກັນແຫຼ່ງພະລັງງານ ແລະ ປ້ອງກັນລະບົບຕ່ອງໂສ້ການສະຫນອງນ້ໍາມັນຂອງໂລກ.

ກຸ່ມກອງທັບພັນທະມິດຊາອຸດິ ກ່າວວ່າ: ເຈົ້າໜ້າທີ່ສາມາດຄວບຄຸມໄຟໄດ້. ໃນຂະນະທີ່ກະຊວງພະລັງງານຊາອຸດິ ໄດ້ອອກຖະແຫຼງການປະນາມການໂຈມຕີດັ່ງກ່າວວ່າເປັນການໂຈມຕີເພື່ອການທໍາລາຍ ແລະ ກ່າວເນັ້ນວ່າຊາອຸດິຈະບໍ່ຮັບຜິດຊອບຖ້າເກີດບັນຫາຕ່ອງໂສ້ການສະໜອງນ້ຳມັນທົ່ວໂລກເກີດຂື້ນຍ້ອນການໂຈມຕີດັ່ງກ່າວ. ນອກຈາກນີ້ ຍັງກ່າວຫາອີຣ່ານວ່າ ຍັງຄົງສະຫນັບສະຫນູນອາວຸດເຊັ່ນ: ຂີປະນາວຸດ ແລະ ໂດຣນ ໃຫ້ພວກຮູທີໃນເຢເມນມາໂດຕະຫຼອດ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...