ບໍລິຈາກເລືອດ ເປັນກິດຈະກຳທີ່ສຳຄັນຫລາຍໃນສັງຄົມປະຈຸບັນເພາະ ເປັນຄວາມຊ່ວຍເຫລືອໂດຍກົງຕໍ່ອີກຄົນໜຶ່ງ ຫລື ຫລາຍຄົນ ແຕ່ຫລາຍຄົນຈົ່ມວ່າ ບໍ່ຄ່ອຍມັກ ບໍລິຈາກເລືອດ ຫລື ບໍ່ເຄີຍບໍລິຈາກເລີຍ ດ້ວຍເຫດຜົນທີ່ແຕກຕ່າງກັນໄປ ເຫດຜົນໜຶ່ງທີ່ໄດ້ຍິນຫລາຍເທື່ອ ໃນກຸ່ມສາວໆ ຄືບໍ່ຢາກ ບໍລິຈາກເລືອດ ເພາະຢ້ານຕຸ້ຍ
ຄວາມເຊື່ອນີ້ກໍເປັນຕາຢ້ານຢູ່ຫາກເປັນຄວາມຈິງ ຜູ້ຊ່ຽວຊານຕ່າງປະເທດ ຍອມຮັບວ່າ ມີຫລາຍຄົົນທີ່ເຂົ້າໃຈຜິດໃນເລື່ອງນີ້ຈົນເກີດຄວາມລັງເລທີ່ຈະມາ ບໍລິຈາກເລືອດ ແຕ່ຫລັກຖານຈາກໂຕແທ້ສຽງແທ້ຂອງຜູ້ທີ່ ບໍລິຈາກເລືອດ ຖືກ 3 ເດືອນ ກໍພິສູດໄດ້ແລ້ວວ່າເປັນຄວາມເຊື່ອທີ່ບໍ່ຖືກຕ້ອງ ເພາະຄົນເຫລົ່ານັ້ນແທນທີ່ຈະຕຸ້ຍກັບສຽງລືສຽງເລົ່າອ້າງ ພັດມີຮູບຮ່າງທີ່ດີ ແລະ ມີສຸຂະພາບທີ່ສົມບູນຂຶ້ນກວ່າເກົ່າ
ສິ່ງດຽວທີ່ໜ້າກັງວົນຄື ເລື່ອງຂອງທາດເຫລັກ ບາງຄົນມາ ບໍລິຈາກເລືອດ ແລ້ວຢ້ານຕຸ້ຍ ເພາະຄວາມເຊື່ອທີ່ຜິດ ຈຶ່ງກິນອາຫານນ້ອຍ ຫລື ບໍ່ກິນເລີຍ ເຮັດໃຫ້ສູນເສຍໂອກາດທີ່ຮ່າງກາຍຈະຜະລິດທາດເຫລັກມາຊົດເຊີຍກັບການ ບໍລິຈາກເລືອດ ຄວາມຈິງແລ້ວທາງຜູ້ຮັບ ບໍລິຈາກເລືອດ ທຸກແຫ່ງ ຈະຂໍໃຫ້ຜູ້ ບໍລິຈາກເລືອດ ກິນຢາເສີມທາດເຫລັກຫລັງການໃຫ້ເລືອດທຸກເທື່ອ ເຊິ່ງພຽງພໍ ແລະ ເປັນຜົນດີີຕໍ່ຮ່າງກາຍຢູ່ແລ້ວ ການກິນອາຫານທີ່ພຽງພໍ ແລະ ມີປະໂຫຍດຕໍ່ຮ່າງກາຍ
ຄວາມຈິງການບໍລິຈາກເລືອດ ຈະເຮັດໃຫ້ຮ່າງກາຍມີຄວາມສົດຊື່ນ ແລະ ມີການໝຸນວຽນເລືອດທີ່ດີຂຶ້ນ ຜິວພັນຈຶ່ງເສາະໃສມີນ້ຳມີນວນ ເຮົາຈຶ່ງຄວນຊ່ວຍກັນ ບໍລິຈາກເລືອດ ເພື່ອຄົນອື່ນ ແລະ ເພື່ອໂຕເອງ