spot_img
Homeຂ່າວພາຍ​ໃນຫຼາຍປະເທດ ລົງມະຕິ ຮຽກຮ້ອງໃຫ້ຣັດເຊຍຖອນກຳລັງທະຫານອອກຈາກຢູເຄຣນ

ຫຼາຍປະເທດ ລົງມະຕິ ຮຽກຮ້ອງໃຫ້ຣັດເຊຍຖອນກຳລັງທະຫານອອກຈາກຢູເຄຣນ

Published on

ມະຕິດັ່ງກ່າວໄດ້ຮັບການສະໜັບສະໜູນຈາກສະມາຊິກ 141 ຄົນ ຈາກທັງໝົດ 193 ຄົນ ຂອງສະມັດຊາ, ຜ່ານກອງປະຊຸມສຸກເສີນໂດຍສະພາຄວາມໝັ້ນຄົງແຫ່ງອົງການສະຫະປະຊາຊາດຈັດຂຶ້ນໃນຂະນະທີ່ຢູເຄຣນສືບຕໍ່ປ້ອງກັນປະເທດຂອງຕົນຈາກການບຸກໂຈມຕີທາງອາກາດ ແລະ ການວາງລະເບີດ.

ມະຕິດັ່ງກ່າວໄດ້ຄັດຄ້ານຣັດເຊຍ “ຮຸກຮານຕໍ່ຢູເຄຣນ” ໃນກອງປະຊຸມສຸກເສີນຄັ້ງທຳອິດທີ່ຈັດຂຶ້ນນັບແຕ່ປີ 1982, ອີງຕາມລາຍງານເວັບໄຊຂອງທາງການ UN.

ຣັດເຊຍກໍເຊັ່ນດຽວກັນກັບເບລາຣຸດ, ອີຣີເທຣຍ, ເກົາຫຼີເໜືອ, ແລະ ຊີເຣຍ ໄດ້ລົງຄະແນນສຽງຄັດຄ້ານມະຕິດັ່ງກ່າວ ແລະ ມີ 35 ປະເທດງົດອອກສຽງ ແລະ ບໍ່ລົງຄະແນນສຽງ.

ເຖິງແມ່ນວ່າມະຕິຂອງກອງປະຊຸມໃຫຍ່ຈະບໍ່ມີຜົນບັງຄັບໃຊ້ກໍ່ຕາມ, ແຕ່ກໍ່ມີນ້ຳໜັກທາງການເມືອງ, ດ້ວຍການລົງຄະແນນສຽງທີ່ຈັດຂຶ້ນໃນວັນພຸດທີ່ຜ່ານມາ, ສະແດງໃຫ້ເຫັນວ່າ ບັນດາປະເທດໃນໂລກສ່ວນໃຫຍ່ບໍ່ເຫັນດີນຳການກະທຳ ຂອງຣັດເຊຍຕໍ່ຢູເຄຣນ.

ທ່ານ ອັບດຸນລາ ຊາຫິດ (Abdulla Shahid) ປະທານສະພາແຫ່ງຊາດ ໄດ້ກ່າວວ່າ: ມະຕິດັ່ງກ່າວໄດ້ສະທ້ອນເຖິງຄວາມວິຕົກກັງວົນຢ່າງໜັກໜ່ວງຂອງປະຊາຄົມໂລກກ່ຽວກັບສະພາບການຢູ່ຢູເຄຣນ.

ທ່ານກ່າວວ່າ “ຂ້າພະເຈົ້າເຂົ້າຮ່ວມບັນດາປະເທດສະມາຊິກເພື່ອການສະແດງຄວາມກັງວົນກ່ຽວກັບລາຍງານການໂຈມຕີສະຖານທີ່ຂອງພົນລະເຮືອນເຊັ່ນ: ທີ່ພັກອາໄສ, ໂຮງຮຽນ ແລະ ໂຮງຫມໍ ແລະ ການເສຍຊີວິດຂອງປະຊາຊົນ, ລວມທັງແມ່ຍິງ, ຜູ້ສູງອາຍຸ, ຄົນພິການ ແລະ ເດັກນ້ອຍ.”

ທ່ານ ອັນໂຕນິໂອ ກູເຕເຣສ (Antonio Guterres) ເລຂາທິການໃຫຍ່ຂອງອົງການສະຫະປະຊາຊາດ, ຜູ້ທີ່ໄດ້ກ່າວຕໍ່ບັນດານັກຂ່າວ, ກ່າວວ່າ: ທ່ານມີໜ້າທີ່ ທີ່ຕ້ອງຢືນຢັດຕາມມະຕິ ແລະ ໄດ້ຮັບການຊີ້ນຳຈາກການຮຽກຮ້ອງ.

“ຂ່າວສານຂອງກອງປະຊຸມໃຫຍ່ສາມັນ ແມ່ນດັງ ແລະ ຈະແຈ້ງ: ຢຸດຕິການສູ້ຮົບກັນໃນຢູເຄຣນຕອນນີ້, ປິດສຽງປືນດຽວນີ້, ເປີດປະຕູສູ່ການເຈລະຈາ ແລະ ການທູດດຽວນີ້.”

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...