spot_img
Homeຂ່າວທ້ອງຖິ່ນພິທີ ເຊັນບົດບັນທຶກສັນຍາສຳປະທານທີ່ດິນ (CA)

ພິທີ ເຊັນບົດບັນທຶກສັນຍາສຳປະທານທີ່ດິນ (CA)

Published on

ອົງການປົກຄອງ ແຂວງໄຊສົມບູນ ແລະ ບໍລິສັດ ທຣູ ແຮັບປີຟາມລາວ-ເກົາຫຼີ ຈຳກັດ ໄດ້ຈັດພິທີເຊັນບົດບັນທຶກສັນຍາສຳປະທານທີ່ດິນ (CA) ໃນຕອນບ່າຍຂອງວັນທີ 3 ກຸມພາ 2022 ຜ່ານມາ, ທີ່ຫ້ອງປະຊຸມຫ້ອງວ່າການແຂວງ ໂດຍການເຂົ້າຮ່ວມຂອງທ່ານ ສຸກສະຫວາດ ວົງພູມເຫລັກ, ຮອງເຈົ້າແຂວງໄຊສົມບູນ, ມີຄະນະນຳຂອງແຂວງ, ເຈົ້າເມືອງອະນຸວົງ ພ້ອມດ້ວຍ ບໍລິສັດ ທຣູ ແຮັບປີຟາມລາວ-ເກົາຫຼີ ຈຳກັດ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ໃນພິທີ ທ່ານ ສົມລິດ ສຸພັດດີ, ຮອງຫົວໜ້າພະແນກແຜນການ ແລະ ການລົງທຶນ ໄດ້ລາຍງານຫຍໍ້ເນື້ອໃນບົດບັນທຶກສັນຍາສຳປະທານທີ່ດິນ (CA) ຊຶ່ງເປັນໂຄງການສົ່ງເສີມການປູກພືດຜັກ, ສະບຽງອາຫານ ແລະ ການລ້ຽງສັດໃຫຍ່ ທີ່ຕິດພັນກັບໂຮງງານກິມຈິ ຢູ່ເຂດບ້ານພູຫົວຊ້າງ, ເມືອງອະນຸວົງ ແຂວງໄຊສົມບູນ ໃນເນື້ອທີ່ຈຳນວນ 10,82 ເຮັກຕາ ໂດຍໃຊ້ເວລາໃນການສຳປະທານ 20 ປີ ເປັນບໍລິສັດເອກະຊົນ ຕ່າງປະເທດ 100% ຊຶ່ງແມ່ນບໍລິສັດ ທຣູ ແຮັບປີຟາມລາວ-ເກົາຫຼີຈຳກັດ ເປັນຜູ້ເຊົ່າສໍາປະທານ ແລະ ໂຄງການດັ່ງກ່າວ ແມ່ນແທດເໝາະກັບທ່າແຮງໃນການພັດທະນາ ແຂວງໄຊສົມບູນ ທີ່ເປັນພື້ນທີ່ອຸດົມສົມບູນ, ອາກາດດີຕະຫຼອດປີ ເໝາະສົມແກ່ການປູກຝັງ ແລະ ລ້ຽງສັດ ຊຶ່ງຫຼັງຈາກໂຄງການດັ່ງກ່າວສຳເລັດ ຈະເປັນໂສມໝ້າອັນໃໝ່ ທີ່ມີສ່ວນຊ່ວຍຊຸກຍູ້ການພັດທະນາ ແຂວງໄຊສົມບູນ ໂດຍສະເພາະແມ່ນຊີວິດການເປັນຢູ່ ຂອງປະຊາຊົນບັນດາເຜົ່າ ພາຍໃນແຂວງ ກໍຄືເມືອງອະນຸວົງ ແລະ ຊຸມຊົນໃກ້ຄຽງ ຈະໄດ້ຮັບເອົາຄວາມຮູ້ອັນໃໝ່ ທາງດ້ານການປູກຝັງ ລ້ຽງສັດ ເພື່ອສ້າງເສດຖະກິດຄອບຄົວ, ມີລາຍຮັບ ແລະ ອາຊີບ ທີ່ໝັ້ນທ່ຽງ ພ້ອມທັງພັດທະນາຊີວິດການເປັນຢູ່ ແລະ ເສດຖະກິດສັງຄົມ ໃຫ້ມີທ່າກ້າວດີຂຶ້ນ.

ຈາກນັ້ນ ໄດ້ມີພິທີ ລົງນາມເຊັນບົດບັນທຶກຄວາມເຂົ້າໃຈ ຢ່າງເປັນທາງການ ຊຶ່ງຕາງໜ້າໃຫ້ແກ່ອົງການປົກຄອງ ແຂວງໄຊສົມບູນ ໂດຍພະແນກແຜນການ ແລະ ການລົງທຶນ, ພະແນກກະສິກຳ ແລະ ປ່າໄມ້, ເມືອງອະນຸວົງ ແລະ ບໍລິສັດ ທຣູ ແຮັບປີຟາມລາວ-ເກົາຫຼີ ຈຳກັດ ໂດຍຊ້ອງໜ້າແຂກ ທີ່ເຂົ້າຮ່ວມ ເປັນສັກຂີພິຍານ.

ແຫຼ່ງຂ່າວ: Media Lao

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...