spot_img
Homeຂ່າວພາຍ​ໃນວັກຊິນກັນພະຍາດໂຄວິດ-19 Pfizer ຈຳນວນ 899.730 ໂດສ ໄດ້ມາຮອດລາວແລ້ວ

ວັກຊິນກັນພະຍາດໂຄວິດ-19 Pfizer ຈຳນວນ 899.730 ໂດສ ໄດ້ມາຮອດລາວແລ້ວ

Published on

ວັກຊິນກັນພະຍາດໂຄວິດ-19 Pfizer ຊຶ່ງເປັນການຊ່ວຍເຫຼືອຈາກລັດຖະບານສະຫະລັດອາເມຣິກາ ຈໍານວນ 899.730 ໂດສ ໄດ້ມາຮອດ ສປປ ລາວ ແລ້ວໃນວັນ​ທີ 24 ມັງກອນນີ້ ທີ່ສະໜາມບິນສາກົນວັດໄຕ ໂດຍການໃຫ້ກຽດຕ້ອນ​ຮັບຂອງທ່ານ ບຸນແຝງ ພູມມະໄລສິດ ລັດຖະມົນຕີວ່າການກະຊວງສາທາລະນະສຸກ, ມີທ່ານ ປີເຕີ ເຮມອນ ເອກອັກຄະລັດຖະທູດສະຫະລັດອາເມຣິກາປະຈໍາລາວ, ທ່ານ ໄມໂຄ ຮອນນີ້ງ ຜູ້ຕາງໜ້າອົງການ USAID ປະຈໍາລາວ, ທ່ານນາງ ບີອາເຕ້ ດັສເທວ ຮັກສາການຕາງໜ້າອົງການອຸຍນີເຊັບປະຈຳລາວ, ມີຕາງໜ້າອົງການ​ອະນາ​ໄມ​ໂລກ​ປະຈໍາລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ວັກຊິນ Pfizer BioNTech COVID-19 ຊຸດໃໝ່ນີ້ ເປັນການຊ່ວຍເຫຼືອຈາກລັດຖະບານສະຫະລັດອາເມຣິກາຜ່ານໂຄງການ COVAX Facility ຊຶ່ງໂຄງການ COVAX ແມ່ນການຮ່ວມມືກັນລະຫວ່າງອົງການທີ່ເປັນພັນທະມິດດ້ານວັກຊິນກໍຄື: ອົງການກາວີ (Gavi), ອົງການພັນທະມິດຮ່ວມມືດ້ານນະວັດຕະກໍາເພື່ອຮັບມືກັບພະຍາດລະບາດ (CEPI) ແລະ ອົງການອະນາໄມໂລກ (WHO), ໂດຍມີອົງການອຸຍນີເຊັບເປັນຜູ້ຈັດສົ່ງໃຫ້ ການຂົນສົ່ງຄັ້ງນີ້ເປັນຄັ້ງທີ 2 ຈາກລັດຖະບານສະຫະລັດອາເມຣິກາໃຫ້ແກ່ ສປປ ລາວ ໃນເດືອນນີ້ ຊຶ່ງການຂົນສົ່ງຄັ້ງທໍາອິດມີຈໍານວນ 799.110 ໂດສ ລວມຍອດການຈັດສົ່ງທັງໝົດໃນປີນີ້ແມ່ນ 1.698.840 ໂດສ, ການຊ່ວຍ ເຫຼືອໃນຄັ້ງນີ້ສືບເນື່ອງມາຈາກການຊ່ວຍເຫຼືອວັກຊິນ Johnson & Johnson ຈໍານວນໜຶ່ງລ້ານໂດສ ທີ່ລັດຖະ ບານສະຫະລັດອາເມຣິກາໄດ້ມອບໃຫ້ແກ່ສປປ ລາວ ໃນປີ 2021 ​ຜ່ານ​ມາ ຊຶ່ງຈະ​ຊ່ວຍ​ປົກປ້ອງຊີວິດຂອງປະຊາຊົນທີ່ອາໄສ​ຢູ່​ໃນລາວ ​ໃນ​ຂະນະ​ທີ່​ປ້ອງ​ກັນ​ບໍ່​ໃຫ້​ເຊື້ອ​ພະຍາດ​ສາຍພັນ​ໃໝ່​ທີ່​ເປັນ​ອັນຕະລາຍ​ແຜ່​ລາມ. ວັກຊິນ Pfizer BioNTech ທີ່ສະໜອງໃຫ້ໂດຍລັດຖະບານສະຫະລັດອາເມຣິກາ ແມ່ນຈະສຸມໃສ່ສະໜອງໃຫ້ແກ່ກຸ່ມທີ່ເປັນບຸລິມະສິດ, ອີງຕາມແຜນງານແຫ່ງຊາດສໍາລັບການສັກວັກຊິນກັນພະຍາດໂຄວິດ-19, ກຸ່ມບຸລິມະສິດລວມມີໄວໜຸ່ມອາຍຸ 12 ຫາ 17 ປີ ແລະ ກຸ່ມບຸລິມະສິດອື່ນໆກໍຄືຜູ້ທີ່ມີອາຍຸ 60 ປີຂຶ້ນໄປ, ຄົນທີ່ມີພະຍາດປະຈໍາຕົວ ແລະ ແມ່ຍິງຖືພາ. ວັກຊິນ Pfizer BioNTech ໄດ້ຖືກທົບທວນດ້ານຄວາມປອດໄພ ແລະ ປະສິດທິພາບໂດຍອົງການອະນາໄມໂລກ ແລະ ຖືເປັນວັກຊິນ COVID-19 ຊະນິດທໍາອິດທີ່ອົງການອະນາໄມໂລກແນະນໍາສໍາລັບການນໍາໃຊ້ໃນບຸກຄົນທີ່ມີອາຍຸ 12 ປີຂຶ້ນໄປ.

ການປະກອບສ່ວນຂອງລັດຖະບານສະຫະລັດອາເມຣິກາໃນຄັ້ງນີ້ ຈະຊ່ວຍສະໜັບສະໜູນຄວາມພະຍາຍາມຂອງ ສປປ ລາວ ໄປສູ່ເປົ້າໝາຍການສັກວັກຊິນໃຫ້ໄດ້ 80% ຂອງປະຊາກອນພາຍໃນທ້າຍປີ 2022 ແລະ ຈະປະກອບສ່ວນເຂົ້າໃນພາລະກິດຂອງໂຄງການ COVAX Facility ໃນການຮັບປະກັນການເຂົ້າເຖິງວັກຊິນ COVID-19 ໃນທົ່ວໂລກຢ່າງເທົ່າທຽມກັນ ລະຫວ່າງທີ່ມີການລະບາດຂອງພະຍາດ. ນອກຈາກນັ້ນ, ລັດຖະບານສະຫະລັດອາເມຣິກາ, ໂດຍຜ່ານອົງການພັດທະນາສາກົນສະຫະລັດອາເມຣິກາ (USAID), ອົງການອຸຍນີເຊັບ, ແລະ ອົງການອະນາໄມໂລກ ຍັງໄດ້ຮ່ວມກັນໃຫ້ການສະໜັບສະໜູນສປປລາວ ສ້າງຂີດຄວາມສາມາດໃນການສະໜອງວັກຊິນເຫຼົ່ານີ້ຢ່າງປອດໄພ ແລະ ມີປະສິດທິຜົນຈົນເຖິງປັດຈຸບັນ, ລັດຖະບານສະຫະລັດອາເມຣິກາໄດ້ໃຫ້ການຊ່ວຍເຫຼືອລັດຖະບານລາວ ລວມມູນຄ່າຫຼາຍກວ່າ 13 ລ້ານໂດລາ ນັບຕັ້ງແຕ່ມີການແຜ່ລະ ບາດຂອງພະຍາດໃນການຂະຫຍາຍການກວດຊອກຫາເຊື້ອພະຍາດໂຄວິດ-19, ເບິ່ງແຍງຄວາມປອດໄພໃຫ້ແກ່ບຸກຄະລາກອນທາງການແພດໃຫ້ນໍາໃຊ້ອຸປະກອນປ້ອງກັນໂຕເອງ ແລະ ເພີ່ມທະວີການເຝົ້າລະວັງພະຍາດ.

ແຫຼ່ງຂ່າວຈາກ: ປະຊາຊົນ

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...