Homeຂ່າວພາຍ​ໃນໄທສຳເລັດການສົ່ງອອກເຂົ້າ 1 ພັນໂຕນ ຜ່ານທາງສາຍລົດໄຟລາວ-ຈີນ

ໄທສຳເລັດການສົ່ງອອກເຂົ້າ 1 ພັນໂຕນ ຜ່ານທາງສາຍລົດໄຟລາວ-ຈີນ

Published on

ການສົ່ງອອກເຂົ້າສານໄທຖ້ຽວທຳອິດ 1 ພັນໂຕນ ໂດຍໃຊ້ລົດໄຟລາວ-ຈີນ ໃນການລຳລຽງຂົນສົ່ງໄປມະຫານະຄອນຈົງຊິງໃນພາກຕາເວັນຕົກຂອງຈີນ ແລະ ມີເປົ້າໝາຍຕໍ່ໄປຄືການສົ່ງອອກຢາງພາລາ, ໝາກໄມ້, ດອກກ້ວຍໄມ້,  ສິນຄ້າການປະມົງ ແລະ ການລ້ຽງສັດ.

ຕາມການລາຍງານຈາກສຳນັກຂ່າວ ພີພີທີວີ ໄດ້ເວົ້າເຖິງ ການຂົນສົ່ງຂອງລົດໄຟລາວ-ຈີນ ທີ່ສົ່ງຜັກຈາກຈີນມາໄທ ໂດຍໃຊ້ເວລາໃນການຂົນສົ່ງທີ່ໄວກວ່າ ຫຼ້າສຸດໄທເລີຍຕັດສິນໃຈສົ່ງເຂົ້າສານຈຳນວນ 20 ຕູ້ ປະລິມານ 1 ພັນໂຕນ ໂດຍໃຊ້ເສັ້ນທາງລົດໄຟລາວ-ຈີນ ໄປມະຫານະຄອນ ຈົງຊິງ ໃນພາກຕາເວັນຕົກຂອງຈີນ ແລະ ຈະປະເມີນຜົນການສົ່ງອອກຂອງເຂົ້າຖ້ຽວທຳອິດ ລວມທັງລະບົບການຈອງຂະບວນລົດໄຟສົ່ງສິນຄ້າ ແລະ ການຈອງຕູ້ບັນຈຸ ໂດຍກຳລັງປະສານງານກັບຜູ້ໃຫ້ບໍລິການຂອງ ລາວ ແລະ ຈີນ.

ການສົ່ງອອກໃນຄັ້ງນີ້ໃຊ້ເວລາ 1-2 ມື້ ແລະ ເປັນສ່ວນໜຶ່ງຂອງຍຸດທະສາດ (ESAN Gateway) ເຊື່ອມໄທ-ເຊື່ອມໂລກ ໂດຍມີເປົ້າໝາຍສູ່ຕະຫຼາດອາຊີກາງ ອາຊີຕາເວັນອອກ ຕາເວັນອອກກາງ ຣັດເຊຍ ແລະ ເອີຣົບ ສ່ວນສິນຄ້າກະສິກຳທີ່ຈະຂົນສົ່ງ ຜ່ານເສັ້ນທາງລົດໄຟສາຍນີ້ເປັນຕົ້ນແມ່ນ ຢາງພາລາ, ໝາກໄມ້, ດອກກ້ວຍໄມ້, ມັນຕົ້ນ, ນ້ຳມັນປາມ, ສິນຄ້າປະມົງ ແລະ ການລ້ຽງສັດ ລວມທັງສິນຄ້າກະສິກຳປຸງແຕ່ງ ແລະ ສິນຄ້າອື່ນໆ

ສຳລັບມະຫານະຄອນຈົງຊິງຖືໄດ້ວ່າເປັນ ປະຕູເສດຖະກິດຂອງຈີນຕາເວັນຕົກ ແມ່ນມີຄວາມພ້ອມທາງດ້ານການຂົນສົ່ງ ແລະ ວາງນະໂຍບາຍການເຊື່ອມໂຍງ ລະຫວ່າງ ຈົງຊິງ-ອາຊຽນ ເຊິ່ງເປັນແນວທາງທີ່ສອດຄ້ອງກັບລັດຖະບານໄທສາມາດເປັນຈຸດກະຈາຍສິນຄ້າໄປໃນຂົງເຂດຕ່າງໆ ໃນພາກຕາເວັນຕົກຂອງຈີນ ແລະ ຂົນສົ່ງໄປສູ່ປະເທດຕ່າງໆໄດ້.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...