ວັນທີ 19 ມັງກອນ 2022 ສໍານັກຂ່າວຕ່າງປະເທດລາຍງານວ່າ ລັດຖະບານອະມາລິກາກຽມແຈກໜ້ກາກອະນາໄມແບບ N95 ຈໍານວນ 400 ລ້ານຊຸດໃຫ້ກັບປະຊາຊົນ ໂດຍຈະແຈກຢາຍໄປຍັງຮ້ານຄ້າຂາຍ ແລະ ສູນອະນາໄມໃນຊຸມຊົນທົ່ວປະເທດ ໃຫ້ປະຊາຊົນສາມາດໄປຮັບຟຣີໄດ້ ເລີ່ມຕັ້ງແຕ່ອາທິດໜ້າເປັນຕົ້ນໄປ.
CDC ລະບຸວ່າ: ການສວມໃສ່ໜ້າກາກອະນາໄມແບບ N95 ຈະຕ້ອງໝັ້ນໃຈວ່າ ໜ້າກາກຈະຕ້ອງພໍດີກັບໃບໜ້າຄົນທີ່ສວມໃສ່ເພື່ອໃຫ້ມີປະສິດທິພາບສູງທີ່ສຸດ ເພາະຖ້າຫາກມີຊ່ອງຫວ່າງລະຫວ່າງໜ້າກາກ ແລະ ໃບໜ້າ ອາດຈະເຮັດໃຫ້ເຊື້ອໄວຣັສສາມາດຫຼຸດເຂົ້າມາສູ່ປາກ ແລະ ດັງໄດ້.
ອ້າງອີງ: CNN