ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ເຈົ້າຂອງຜູ້ໃຊ້ແອັບ Tiktok ທີ່ໃສ່ຊື່ວ່າ cris13yu ໄດ້ໂພສວິດີໂອທີ່ຖ່າຍຈາກຮ້ານ McDonald ແຫ່ງໜຶ່ງໃນປະເທດຈີນ ເຊິ່ງວິດີໂອດັ່ງກ່າວມີຜູ້ເຂົ້າເບິ່ງເຖິງ 31 ລ້ານຄົນ ແລະ ໄດ້ກາຍເປັນກະແສໃນສື່ອອນລາຍ ໂດຍໃນວິດີໂອມີແມ່ຍິງຄົນໜຶ່ງທີ່ກໍາລັງນັ່ງກິນເບີເກີ ພ້ອມກັບນັ່ງອອກກໍາລັງກາຍໃນທ່າຂີ່ລົດຖີບ, ແຕ່ທາງດ້ານຮ້ານໄດ້ອອກມາລະບຸວ່າ ສາຂາດັ່ງກ່າວ ລູກຄ້າສາມາດຖີບລົດຖີບທີ່ຖືກຕິດຕັ້ງມາກັບຕັ່ງແມ່ນເອົາໄວ້ປັ່ນກະແສໄຟຟ້າ ແລະ ໃຊ້ຊາກແບັດເຕຣີ່ໂທລະສັບ.
ຕັ່ງທີ່ຖືກຕິດຕັ້ງບ່ອນຖີບລົດໃສ່ນັ້ນແມ່ນຢູ່ຮ້ານ ແມັກໂດໂນ ໃນສາຂາ Jeiyang Wanda ປະເທດຈີນ ເຊິ່ງເລີ່ມມີການເປີດໃຫ້ບໍລິການໃນເດືອນ ກັນຍາທີ່ຜ່ານມາ ແລະ ນອກຈາກນັ້ນຍັງມີຢູ່ສາຂາ New Hualian ໃນຊຽງໄຮ້ອີກດ້ວຍ ໂດຍທາງບໍລິສັດບອກວ່າຈະຮວບຮວມແນວຄວາມຄິດຈາກລຄກຄ້າທີ່ເຂົ້າມາໃຊ້ບໍລິການ ກ່ອນທີ່ຈະເລີ່ມມີການຂະຫຍາຍໄປຍັງສາຂາອື່ນໆ.