ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ໃນວັນທີ 16 ທັນວາ 2021 ທີ່ຜ່ານມາ ໄດ້ເກີດມີລົມພັດແຮງໃສ່ງານຂອງໂຮງຮຽນປະຖົມແຫ່ງໜຶ່ງໃນປະເທດອົດສະຕຣາລີ. ທາງດ້ານຕໍາຫຼວດໄດ້ອອກມາເປີດເຜີຍວ່າມີເດັກນ້ອຍເສຍຊີວິດຢ່າງໜ້ອຍ 4 ຄົນ ເປັນເດັກນ້ອຍຜູ້ຊາຍ 2 ຄົນ ແລະ ຜູ້ຍິງ 2 ຄົນ ແລະ ອີກ 5 ຄົນແມ່ນໄດ້ຮັບບາດເຈັບ ໂດຍຕົກຈາກເຄື່ອງຫຼີ້ນທີ່ລົມພັດຂຶ້ນໄປ ເຮັດໃຫ້ເດັກນ້ອຍຕົກຈາກຄວາມສູງປະມານ 10 ແມັດ.
ທາງດ້ານໜ່ວຍແພດໄດ້ໄປບ່ອນເກີດເຫດ ແລະ ປະຖົມພະຍາບານເບື້ອງຕົ້ນໃຫ້ກັບເດັກນ້ອຍຜູ້ທີ່ໄດ້ຮັບບາດເຈັບ ແລະ ນໍາສົ່ງໂຮງໝໍດ້ວຍເຮລິຄອບເຕີ. ເຫດການດັ່ງກ່າວແມ່ນເກີດຂຶ້ນໃນມື້ສຸດທ້າຍຂອງງານຈົບປີການສຶກສາ.
