spot_img
Homeຂ່າວພາຍ​ໃນລາວ ໄດ້ຮັບວັກຊີນ ຈາກໂປໂລຍ ຊະນິດ AstraZeneca ຈຳນວນ 138.600 ໂດສ

ລາວ ໄດ້ຮັບວັກຊີນ ຈາກໂປໂລຍ ຊະນິດ AstraZeneca ຈຳນວນ 138.600 ໂດສ

Published on

ພິທີມອບຮັບວັກຊິນ AstraZeneca ຈາກປະເທດໂປໂລຍ ຈໍານວນ 138.600 ໂດສ

ໃນຕອນແລງ ວັນທີ 16 ທັນວາ 2021 ຜ່ານມາ ທີ່ກະຊວງສາທາລະສະສຸກ ໄດ້ຈັດພິທີມອບຮັບວັກຊິນ AstraZeneca ຈາກປະເທດໂປໂລຍ ຈໍານວນ 138.600 ໂດສ ໂດຍທ່ານ ເວັງຊອງ ເວຍ, ອຸປະທູດຂອງ ສະຫະພາບເອີຣົບປະຈໍາລາວເປັນຜູ້ ກ່າວມອບ ແລະທ່ານ ບຸນແຝງ ພູມມະໄລສິດ, ລັດຖະມົນຕີກະຊວງສາທາລະນະສຸກເປັນຜູ້ກ່າວຮັບ ໂດຍມີຜູ້ຕາງໜ້າຈາກກະຊວງການຕ່າງປະເທດພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ບຸນແຝງ ພູມມະໄລສິດ ລັດຖະມົນ ຕີກະຊວງສາທາລະນະສຸກໄດ້ສະແດງ ຄວາມຂອບໃຈຕໍ່ລັດຖະບານໂປໂລຍໃນການປະກອບສ່ວນອັນສໍາຄັນໃນຄັ້ງນີ້ ຊື່ງຈະຊ່ວຍໃຫ້ ສປປ ລາວ ສາມາດຈັດຕັ້ງປະຕິບັດແຜນການສັກວັກຊິນໃຫ້ປະຊາຊົນ ບັນລຸຕາມຄາດໝາຍທີ່ວາງໄວ້ ໂດຍສະເພາະໃນໄລຍະທີ່ລາວພວມເລັ່ງສັກເຂັມກະຕຸ້ນຫລືເຂັມສາມເພື່ອສ້າງພູມຄຸ້ມກັນໃຫ້ປະຊາຊົນ ແລະ ຊ່ວຍຫລຸດຜ່ອນ ຈໍານວນຜູ້ຕິດເຊື້ອໂຄວິດ19 ທີ່ມີຈໍານວນເພີ່ມຂື້ນຢ່າງວ່ອງໄວໃນໄລຍະຫລາຍເດືອນຜ່ານມາໃຫ້ຫລຸດຜ່ອນລົງ ເພື່ອກຽມຄວາມພ້ອມໃນການເປີດປະເທດຄືນໃໝ່.

ການໄດ້ຮັບວັກຊິນຈາກປະເທດໂປໂລຍ ແມ່ນພາກສ່ວນໜຶ່ງຂອງຄວາມສາມັກຄີໃນທົ່ວໂລກ ຂອງສະຫະພາບເອີຣົບ, ໂດຍສະເພາະ ການຊ່ວຍເຫລືອ ສປປ ລາວ ໄດ້ມີມາຢ່າງຕໍ່ເນື່ອງ ໃນການຕໍ່ຕ້ານການລະບາດຂອງພະຍາດໂຄວິດ19, ປັດຈຸບັນສະຫະພາບເອີຣົບ, ປະເທດສະມາຊິກ ແລະ ສະຖາບັນການເງິນ ພວມຮ່ວມມືກັນລະດົມທຶນ ແລະວິຊາການ ເພື່ອຮ່ວມກັນແກ້ໄຂຜົນກະທົບທາງລົບຈາກພະຍາດໂຄວິດ19 ໃນທົ່ວໂລກ. ເນື່ອງຈາກວ່າບໍ່ມີໃຜຈະປອດໄພ ຈາກພະຍາດໂຄວິດ19 ຈົນກວ່າໝົດທຸກ ຄົນຈະປອດໄພ.

ຂໍ້ມູນ: Lao National Radio

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...