spot_img
Homeຂ່າວຕ່າງປະເທດນິວຊີແລນ ຊາຍຄົນໜຶ່ງຮັບຈ້າງສັກວັກຊີນໂຄວິດ-19 ແທນຄົນອື່ນມື້ດຽວສູງເຖິງ 10 ໂດສ

ນິວຊີແລນ ຊາຍຄົນໜຶ່ງຮັບຈ້າງສັກວັກຊີນໂຄວິດ-19 ແທນຄົນອື່ນມື້ດຽວສູງເຖິງ 10 ໂດສ

Published on

ວັນທີ 12 ທັນວາ ສໍານັກຂ່າວ Theguardian ລາຍງານວ່າ ກະ​ຊວງ​ສາ​ທາ​ລະ​ນະ​ສຸກ​ຂອງ​ນິວ​ຊີ​ແລນ ກ່າວ​ວ່າ ກຳ​ລັງ​ສືບ​ສວນ​ຜູ້​ຊາຍ​ຄົນ​ໜຶ່ງ​ທີ່​ໄດ້​ຮັບ​ວັກ​ຊີ​ນ​ເຖິງ 10 ໂດສໃນ​ມື້​ດຽວ ໂດຍທີ່ລາວສັກຢາວັກຊີນແທນຄົນອື່ນ.

ກ່ອນໜ້ານີ້ ໄດ້ມີການລາຍງານຕໍ່ກະຊວງວ່າ ຜູ້ຊາຍຄົນດັ່ງກ່າວ ອາດຈະຍ່າງໄປຫາສູນສັກຢາວັກຊີນຫຼາຍແຫ່ງເພື່ອຮັບວັກຊີນ ແລະ ໄດ້ຮັບຄ່າຈ້າງໃນການສັກວັກຊີນໃຫ້ຄົນເຫຼົ່ານີ້ ເພາະວ່າເວລາໄປຮັບວັກຊີນ ເຈົ້າສາມາດແຈ້ງຊື່, ວັນເດືອນປີເກີດ ແລະ ທີ່ຢູ່ກັບພະນັກງານແພດໄດ້ ແລະ ໄດ້ຮັບການສັກວັກຊີນໄດ້ເລີຍ ເນື່ອງຈາກວ່າບໍ່ຈໍາເປັນຕ້ອງສະແດງໃຫ້ເຫັນເຖິງຫຼັກຖານການຢືນຢັນຕົວຕົນໃດໆ.

ກະຊວງ​ສາທາລະນະ​ສຸກ​ນິວຊີ​ແລນ​ໄດ້​ກ່າວ​ເຕືອນ​ວ່າ ການກະທຳແບບນີ້ເປັນອັນຕະລາຍຫຼາຍ ແລະ ອາດສົ່ງຜົນກະທົບຕໍ່ການຄຸ້ມຄອງສຸຂະພາບຂອງຕົນເອງໃນອະນາຄົດ. ດັ່ງນັ້ນ, ຖ້າຜູ້ໃດຜູ້ໜຶ່ງໄດ້ຮັບວັກຊີນຫຼາຍກວ່າທີ່ແພດແນະນໍາ ໃຫ້ໄປພົບແພດທັນທີ.

ທ່ານນາງ Helen Pitusis Harris ຜູ້ຊ່ຽວຊານດ້ານວັກຊີນຢູ່ມະຫາວິທະຍາໄລ Oakland ຕຳໜິຜູ້ທີ່ຈ້າງຄົນອື່ນສັກວັກຊີນແທນວ່າ ເປັນຄົນທີ່ເຫັນແກ່ຕົວຫຼາຍ ສ່ວນຄົນທີ່ຢາກຈະໄດ້ເງິນແລ້ວເອົາຕົວເອງໄປສ່ຽງກໍບໍ່ໄດ້ຄິດເຖິງສ່ວນລວມໃນສັງຄົມເລີຍ ແລະ ເຊື່ອວ່ານີ້ບໍ່ແມ່ນກໍລະນີດຽວ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...