“ການທີ່ມີເລືອດອອກຈາກຊ່ອງຄອດໃນຊ່ວງ 3 ເດືອນທຳອິດຂອງການຖືພາສິ່ງທີ່ຕ້ອງລະວັງຄື ໂອກາດສ່ຽງທີ່ຈະແທ້ງລູກ ເຊິ່ງໃນບາງເທື່ອກໍລະນີທີ່ທ່ານມີອາການປວດທ້ອງນຳອາດຈະເຈີສາເຫດເກິດຈາກການບີບຮັດຕົວຂອງມົດລູກ ຖ້າເລືອດອອກມາເປັນສີສົດໆ ຄືເປັນເລືອດໃໝ່ທີ່ກຳລັງເກິດຂື້ນແຕ່ຖ້າເຈີເລືອດເປັນສີນ້ຳຕານ ໂດຍສະເລ່ຍແລ້ວກໍ່ຄືເລືອດເກົ່າ ອາດຈະເປັນເລືອດທີ່ອອກມາແລ້ວຄ້າງຢູ່ໃນຊ່ອງຄອດແລ້ວຄ່ອຍໆ ໄຫຼອອກມາພ້ອມສານຄັດລັ່ງໃນຊ່ອງຄອດ ເຊິ່ງຖາມວ່າເປັນເລື່ອງປົກກະຕິບໍກໍ່ບໍ່ຄ່ອຍປົກກະຕິ ເພາະໃນທຳມະຊາດແລ້ວ ຊ່ວງຖືພາ 3 ເດືອນທຳອິດທ່ານບໍ່ຄວນຈະມີເລືອດອອກເພາະກໍລະນີທີ່ມີເລືອດອອກ ຍ່ອມບົງບອກວ່າອາດຈະມີຄວາມຜິດປົກກະຕິເກິດຂື້ນ ເຊັ່ນ:

ໂອກາດທີ່ຈະສ່ຽງແທ້ງລູກຫຼືກໍລະນີທີ່ທ້ອງອ່ອນໆ ປະມານເດືອນກວ່າໆ ບາງເທື່ອໂອກາດທີ່ເດັກຈະຫຼຸດຫຼືຈະແທ້ງກໍ່ມີ ທ່ານທີ່ມີຄວາມສ່ຽງຢູ່ແລ້ວເກິດລົ້ມກົ້ນກະແທກຂື້ນມາ ກໍ່ຈະມີໂອກາດແທ້ງຫຼາຍກວ່າເກົ່າ ດັ່ງນັ້ນ ສະຫຼຸບແລ້ວພາວະທີ່ມີເລືອດອອກຂະນະຖືພາຈຶ່ງບໍ່ແມ່ນພາວະປົກກະຕິ.

…ສ່ວນອັນຕະລາຍຫຼາຍນ້ອຍເທົ່າໃດກໍ່ຕ້ອງເບິ່ງສີແລະປະລິມານຂອງເລືອດທີ່ອອກ ເຊິ່ງກໍລະນີຂອງທ່ານທີ່ມີເລືອດອອກເປັນສີນ້ຳຕານສະແດງວ່າເປັນເລືອດເກົ່າທີ່ຄ້າງຢູ່ໃນຊ່ອງຄອດ ແລ້ວຄ່ອຍໆ ໄຫຼອອກມາແຕ່ບອກບໍ່ໃດ້ວ່າຄ້າງດົນເບາະ ກໍ່ຄິດວ່ານ່າຈະຫຼາຍກວ່າໜຶ່ງວັນຜົນກະທົບກໍ່ຕ້ອງມາເບິ່ງວ່າປັນຫາຂອງເລືອດທີ່ອອກຄືຫຍັງອາດຈະເປັນໄປໃດ້ທັ້ງຈາກການທີ່ມົດລູກບີບຮັດຕົວ ເຮັດໃຫ້ມີພາວະທີ່ໃກ້ແທ້ງ ຫຼືລົກໄປເກາະຢູ່ທີ່ບໍລິເວນປາກມົດລູກຫຼືຫຼັງຈາກທີ່ມີເພດສຳພັນ ນີ້ກໍ່ເປັນສາເຫດເຮັດໃຫ້ມີເລືອດອອກໃດ້.

ຢ່າງໃດກໍ່ຕາມໃນຊ່ວງ 3 ເດືອນທຳອິດ ທ່ານຈະໃດ້ເຈີໝໍແລ້ວສ່ວນໜຶ່ງ ດັ່ງນັ້ນ ຖ້າມີເລືອດອອກໝໍກໍ່ຈະປະເມິນເບິ່ງວ່າພາວະເລືອດອອກຂອງທ່ານເກິດຈາກຫຍັງເພາະບາງກໍລະນີ ອາດຈະບໍ່ໃດ້ເກິດຈາກການບີບຮັດຕົວຂອງມົດລູກ ກໍ່ຕ້ອງໄລ່ເບິ່ງວ່າມີຕິ່ງເນື້ອຢູ່ປາກມົດລູກຫຼືບໍ່ ຫຼືມີແຜຢູ່ຊ່ອງຄອດຫຼືບໍ່ ຮວມທັ້ງຕ້ອງປະເມິນວ່າລູກໃນທ້ອງສົມບູນບໍ ເພາະປັນຫາອາດຈະເກິດຈາກການຖືພາທີ່ຜິດປົກກະຕິ ເຊັ່ນ : ທ້ອງລົມ ຄືເດັກໃນທ້ອງມີການປະຕິສົນທິແຕ່ບໍ່ສົມບູນ ຮ່າງກາຍຂອງແມ່ກໍ່ພະຍາຍາມຂັບອອກມາ ເຮັດໃຫ້ມີອາການປວດມວນແລະມີເລືອດອອກ ຫຼືອາດຈະເກິດຈາກການຖືພາໄຂ່ປາອຸກເຊິ່ງມີລັກສະນະຄືສາຄູ ເປັນຕົ້ນ ເຊິ່ງໝໍກໍ່ຈະແກ້ໄຂ້ປັນຫາໃຫ້ທ່ານຕາມລັກສະນະຂອງສາເຫດ.