ເກີດເຫດໄຟໄໝ້ເຮືອນປະຊາຊົນ 2 ຫຼັງຢູ່ບ້ານດອນໜູນ, ເມືອງໄຊທານີ, ນະຄອນຫຼວງວຽງຈັນ ໃນຕອນເຊົ້າຂອງວັນທີ 10 ພະຈິກ 2021 ຜ່ານມາ ສ້າງຄວາມເສຍຫາຍເຖິງ 1.8 ຕື້ກວ່າກີບ ຂະນະທີ່ເຈົ້າໜ້າທີ່ດັບເພີງຈຳນວນ 16 ຄົນ ພ້ອມລົດດັບເພີ່ງ 2 ຄັນ ໃຊ້ເວລາ 1 ຊົ່ວໂມງຈິ່ງສາມາດຄວບຄຸມໄຟໄດ້.
ຜ່ານການເກັບກຳຂອງມູນຂອງເຈົ້າຫນ້າທີ່, ໄຟໄໝ້ໄດ້ເລີ່ມທີ່ເຮືອນສອງຊັ້ນ (ລຸ່ມກໍ່, ເທິງໄມ້), ມຸງດ້ວຍກະເບື້ອງ ເປັນເຮືອນຂອງ ນາງ ສີລິພອນ, ອາຍຸ 54 ປີ ປະຊາຊົນບ້ານດອນໜູນ, ຈາກນັ້ນ ໄຟໄດ້ໄໝ້ລາມໄປຫາເຮືອນ ຂອງ ທ້າວ ຄຳນ້ອຍ ອາຍຸ 74 ປີ, ທີ່ຢູ່ຕິດກັນ, ເປັນເຮືອນກໍ່ສອງຊັ້ນຄືກັນ, ເຊິ່ງໄຟໄດ້ລຸກໄໝ້ຢ່າງໄວວາ ເຮັດໄດ້ເຮືອນທັງສອງຫຼັງເສຍຫາຍໝົດ.
ຈາກການປະເມີນມູນຄ່າຄວາມເສຍຫາຍໃນເບື້ອງຕົ້ນ ສູງເຖິງ 1.8 ຕື້ກວ່າກີບ, ສຳລັບສາເຫດຂອງໄຟໄໝ້ ຍັງຢູ່ໃນຂັ້ນຕອນການສືບສວນຂອງເຈົ້າຫນ້າທີ່.
ຂໍ້ມູນຈາກ: ປ້ອງກັນຄວາມສະຫງົບ