spot_img
Homeຂ່າວພາຍ​ໃນທາງການອັດຕະປືຫ້າມຂາຍຊີ້ນໝູເກີນລາຄາ 45.000 ກີບຕໍ່ 1 ກິໂລ

ທາງການອັດຕະປືຫ້າມຂາຍຊີ້ນໝູເກີນລາຄາ 45.000 ກີບຕໍ່ 1 ກິໂລ

Published on

ທ່ານ ພູໄຊ ວໍລະລາດ ຮອງຫົວໜ້າພະແນກອຸດສະຫະກຳ ແລະການຄ້າແຂວງອັດຕະປື ສົມທົບ ກັບຫ້ອງການອຸດສະຫະກຳ ແລະ ການຄ້າເມືອງສາມັກຄີໄຊ ລົງຕິດຕາມ, ກວດກາ ແລະປັບລາຄາສິນຄ້າຕາມທ້ອງຕະຫຼາດ ເມືອງສາມັກຄີໄຊ ໃນວັນທີ 3 ພະຈິກ 2021 ນີ້, ໂດຍຫ້າມຂາຍຊີ້ນໝູເກີນລາຄາ 45.000 ກີບຕໍ່ 1 ກິໂລກຼາມ.

ທາງການໄດ້ກໍານົດລາຄາຊີ້ນໝູ ມີດັ່ງນີ້: ຊີ້ນສັນ (ປະເພດ1) ໃຫ້ຂາຍໃນລາຄາ 45.000 ກີບ/ກິໂລ, ຊີ້ນກ້ອນຂາ(ປະເພດ1) ໃຫ້ຂາຍໃນລາຄາ 45.000 ກີບ/ກິໂລ, ຊີ້ນໝູສາມຊັ້ນ, ດູກຂ້າງ ແລະ ເຄື່ອງໃນ (ຫົວໃຈ,ຕັບ) ໃຫ້ຂາຍໃນລາຄາ 40.000 ກີບ/ກິໂລ, ຂາທັງສີ່ຂາ ໃຫ້ຂາຍໃນລາຄາ 35.000 ກີບ/ກິໂລ, ຫົວໝູໃຫ້ຂາຍໃນລາຄາ 35.000 ກີບ/ກິໂລ, ໃສ້ອ່ອນ+ໃສ້ແກ່ ໃຫ້ຂາຍໃນລາຄາ 20.000 ກີບ/ກິໂລ, ກະດູກໂຄ່ຍ 30.000 ກີບ/ກິໂລ, ນໍ້າມັນ+ຊີ້ນມຸ່ນ 20.000 ກີບ/ກິໂລ.

ສຳລັບຜູ້ສວຍໂອກາດຂຶ້ນລາຄາຊີ້ນໝູ ເກີນທີ່ກຳນົດແມ່ນຈະໄດ້ປັບໄໝ 1.500.000 ກີບ/ຄັ້ງ, ສວຍໂອກາດປອມແປງຕາຊິງ ຫຼື ດັດແປງການວັດແທກທີ່ບໍ່ໄດ້ມາດຕະຖານຈະຖືກປັບໃໝ 100.000-3.000.000 ກີບ/ຄັ້ງ, ບໍ່ຕິດປ້າຍລາຄາເປັນສະກຸນເງິນກີບ ຈະມີໂທດປັບໃໝແຕ່ 500.000-1.000.000 ກີບ/ຄັ້ງ, ຖ້າຜູ້ປະກອບການຫາກມີການລະເມີດເປັນອາຈີນ ແມ່ນຈະຖືກດຳເນີນຄະດີຕາມກົດໝາຍມາດຕາ 147, 150 ຂອງກົດໝາຍອາຍາ ແລະຈະໃຫ້ຢຸດການດຳເນີນກິດຈະການທັນທີ.

ຖ້າຜູ້ຊົມໃຊ້ສິນຄ້າແຂວງອັດຕະປື ເຫັນວ່າມີການຂຶ້ນສິນຄ້າປະເພດຊີ້ນໝູ ເກີນລາຄາທີ່ກຳນົດໄວ້ ຫຼື ມີການດັດແປງຊິງຊັ່ງທີ່ບໍ່ຖືກຕາມມາດຕະຖານເຕັກນິກ ສາມາດໂທສາຍດ່ວນ 1510 ຫຼື ໄປແຈ້ງໂດຍກົງທີ່ພະແນກ ອຸດສາຫະກໍາ ແລະ ການຄ້າແຂວງ.

ຂໍ້ມູນຈາກ: ຂ່າວສານປະເທດລາວ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...