ໃນວັນທີ 29 ຕຸລາ 2014 ທະນາຄານໂລກ ປະຈຳລາວ ໄດ້ເປີດເຜີຍໃຫ້ຮູ້ກ່ຽວກັບບົດລາຍງານສະບັບໃໝ່
ຂອງກຸ່ມທະນາຄານໂລກ ໂດຍໄດ້ຊີ້ໃຫ້ເຫັນເຖິງສະພາບແວດລ້ອມການດຳເນີນທຸລະກິດໃນ ສປປ ລາວ
ໄດ້ຖືກປັບປຸງໃຫ້ດີຂຶ້ນກວ່າໃນປີຜ່ານມາ ໂດຍໄດ້ກ້າວຂຶ້ນມາ 7 ລຳດັບ ໃນການຈັດລຳດັບຄວາມສະດວກ
ໃນການດຳເນີນທຸລະກິດໃນທົ່ວໂລກ.
ອີງໃສ່ບົດລາຍງານການດຳເນີນທຸລະກິດ ປີ 2015 ທີ່ໄດ້ເປີດເຜີຍໃນປັດຈຸບັນ ໄດ້ສະແດງໃຫ້ເຫັນວ່າ ລຳ
ດັບຄວາມສະດວກໃຫ້ການດຳເນີນທຸລະກິດໃນ ສປປ ລາວ ໄດ້ຫຍັບຂຶ້ນຈາກລຳດັບທີ 155 ໃນ 189 ເສດ
ຖະກິດໃນທົ່ວໂລກ ໃນບົດລາຍງານປີຜ່ານມາ ຂຶ້ນມາເປັນລຳດັບທີ 148 ໃນປີນີ້ ເຊິ່ງລຳດັບທີ່ສູງຂຶ້ນມານີ້
ໄດ້ສະທ້ອນເຖິງບັນດາມາດຕະການ ໃນການເສີມສ້າງຄວາມເຂັ້ມແຂງຂອງກົດໝາຍຂອງຜູ້ກູ້ຢືມ ແລະ
ຜູ້ໃຫ້ຢືມ ໂດຍການສ້າງຕັ້ງລະບົບການຂຶ້ນທະບຽນຫຼັກຊັບຄ້ຳປະກັນ ແລະ ເສີມສ້າງຄວາມເຂັ້ມແຂງໃນ
ການປົກປ້ອງນັກລົງທຶນ ຜູ້ຖືຮຸ້ນລາຍຍ່ອຍ ແລະ ການປັບປຸງມາດຕະຖານການ ເຜີຍແຜ່ຂໍ້ມູນຂອງບັນ
ດາຜູ້ອຳນວຍການບໍລິສັດຕ່າງໆ ທີ່ໄດ້ຖືກຈົດທະບຽນໄວ້ໃນຕະຫຼາດຫຼັກຊັບລາວ ເຖິງຢ່າງໃດກໍ່ຕາມ
ຄວາມສະດວກໃນການດຳເນີນທຸລະກິດໃນ ສປປ ລາວ ກໍ່ຍັງຄົງຫ່າງໄກ ເມື່ອທຽບໃສ່ມາເລເຊຍ ທີ່ຢູ່ໃນ
ລຳດັບ 18 ແລະ ໄທ ທີ່ຢູ່ໃນລຳດັບ 26 ແລະ ບົດລາຍງານດັ່ງກ່າວ ໄດ້ຈັດລຳດັບໃຫ້ປະເທດສິງກາໂປ ຢູ່ໃນ
ລະດັບສູງສຸດ ຂອງການຈັດລຳດັບຄວາມສະດວກ ໃນການດຳເນີນທຸລະກິດໃນທົ່ວໂລກ.
ແຫລ່ງຂ່າວ: ວຽງຈັນໃໝ່