spot_img
Homeຂ່າວເຫດການກະຊວງ ຮສສ ສ້ອມແປງເຮືອນ ໃຫ້ພະນັກງານເສຍອົງຄະພິເສດ 77 ຫລັງ

ກະຊວງ ຮສສ ສ້ອມແປງເຮືອນ ໃຫ້ພະນັກງານເສຍອົງຄະພິເສດ 77 ຫລັງ

Published on

20141028133032

 

ດ້ວຍ​ສະພາບ​ເຮືອນ​ທີ່​ເກົ່າແກ່​ ຈາກ​ການ​ຢູ່​ອາໄສ​ມາ​ເປັນ​ເວລາ​ດົນ ​ຂອງ​ພະນັກງານ​ເສຍ​ອົງຄະ​ພິເສດ ສູນ​ເສຍ

​ອົງຄະ​ພິເສດ 790 ຈຶ່ງ​ກໍ່ໃຫ້ເກີດ​ສະພາບ​ຄວາມ​ຫຍຸ້ງຍາກ​ບໍ່​ສະດວກ​ເທົ່າ​ທີ່​ຄວນ ຍ້ອນ​ສະພາບ​ດັ່ງກ່າວ ທາງ​ລັດ

ຖະບານ ກໍ່​ຄືກະຊວງ​ແຮງ​ງານ ແລະ ສະຫວັດດີ​ການ-ສັງຄົມ ຈຶ່ງ​ໄດ້​ສ້ອມແປງ​ເຮືອນ​ຂອງ​ພະນັກງານ​ຄືນ ​ໃຫ້​ມີ​

ຄຸ​ນະພາບ ຖືກ​ຕາມ​ເຕັກນິກ​ໃນ​ການກໍ່ສ້າງ ແກ້​ໄຂ​ສະພາບ​ຫຍຸ້ງຍາກ​ຕ່າງໆ ເພື່ອ​ອຳນວຍ​ຄວາມ​ສະດວກ​ໃຫ້​

ກັບ​ພະນັກງານ​ໃນ​ການ​ດຳລົງ​ຊີວິດ ແລະ ຢູ່​ອາໄສ.

 

ກະຊວງ​ແຮງ​ງານ ແລະ ສະຫວັດ​ດີ​ການ​ສັງຄົມ (​ຮສສ) ຈຶ່ງ​ໄດ້​ຈັດ​ຕັ້ງ​ປະຕິບັດ​ໂຄງການ​ສ້ອມແປງ​ເຮືອນ ພະ

ນັກງານ​ເສຍ​ອົງຄະ​ພິເສດຂອງ​ສູນ​ດັ່ງກ່າວ ຕັ້ງ​ຢູ່ບ້ານ​ໄຮ່ (ທ່າ​ງ່ອນ) ເມືອງ​ໄຊ​ທານີ ນະຄອນຫຼວງ​ວຽງ​ຈັນ ຈຳ

ນວນ 77 ຫຼັງ ໃນ​ນີ້ ເປັນ​ເຮືອນ​ພັກ​ໂສດໜຶ່ງ​ຫຼັງ ໂດຍ​ກະຊວງໄດ້​ມອບ​ໃຫ້​ສອງ​ບໍລິສັດຄື: ບໍລິສັດ ​ສຸກ​ປະເສີດ​

ກໍ່ສ້າງ ແລະ ບໍລິສັດ ​ແກ່ນ​ປະເສີດ​ກໍ່ສ້າງ ເປັນ​ຜູ້​ຮັບ​ເໝົາ​ກໍ່ສ້າງ ໂດຍ​ທັງ​ສອງ​ບໍລິສັດ ໄດ້​ດຳເນີນ​ການ​ສ້ອມ

ແປງ​ນັບ​ແຕ່​ວັນ​ທີ 20 ເມສາ 2014 ມາ​ຮອດ​ປັດຈຸບັນ​ ແມ່ນ​ໄດ້​ສຳເລັດ 100% ຕາມ​ກຳນົດ​ເວລາ​ໃນ​ສັນຍາ

ແລະ ມາ​ຮອດ​ປັດຈຸບັນ​ ທຸກ​ຄອບຄົວ​ພະນັກ​ງານ​ເສຍ​ອົງຄະ​ພິເສດ ໄດ້​ເຂົ້າ​ຢູ່​ອາໄສ​ເປັນ​ປົກກະຕິສຳລັບ​ມູນ​

ຄ່າ​ໂຄງການ​ທັງ​ໝົດ​ແມ່ນ 10,7 ຕື້​ກວ່າ​ກີບ.

 

ໃນ​ວັນ​ທີ 28 ຕຸລາ 2014 ຈຶ່ງ​ໄດ້​ຈັດ​ພິທີມອບ-ຮັບໂຄງການ​ສ້ອມແປງ​ເຮືອນ​ພັກ​ ພະນັກງານ​ພິເສດ​ສູນ​ເສຍ​

ອົງຄະ​ພິເສດ 790 ລະຫວ່າງກະຊວງ​ແຮງ​ງານ ແລະ ສະຫວັດດີ​ການ​ສັງຄົມກັບ​ສອງ​ບໍລິສັດ​ດັ່ງກ່າວ ຕາງໜ້າ​

ມອບ​ໂດຍທ່ານ ພູນ​ສະ​ຫວັດ ລໍ​ທຳ​ວົງ ຕາງໜ້າ​ບໍລິສັດ​ແກ່ນ​ປະເສີດ​ກໍ່ສ້າງ ແລະ ທ່ານ ຄຳ​ຈັນ ທິບ​ພອນ​ໄຊ

ຕາງໜ້າ​ບໍລິສັດ​ ສຸກ​ປະເສີດ​ກໍ່ສ້າງ ແລະ ຕາງໜ້າຮັບ​ຂອງ​ທ່ານ ຄຳ​ຫຼ້າ ທຸມ​ພັນ​ສອນ ຫົວໜ້າ​ສູນ​ເສຍ​ອົງ

ຄະ​ພິເສດ 790 ໂດຍ​ຊ້ອງ​ໜ້າທ່ານ ບຸນ​ຄົງ ຫຼ້າ​ສຸ​ກັນ ລັດຖະມົນຕີ​ຊ່ວຍ​ວ່າການ​ກະຊວງ​ແຮງ​ງານ ແລະ ສະ

ຫວັດດີ​ການ-ສັງຄົມ ແລະ ພະນັກງານ​ສູນ.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...