Homeຂ່າວຕ່າງປະເທດຈີນຜ່ານກົດໝາຍການສຶກສາ ຫຼຸດຜ່ອນວຽກບ້ານໃຫ້ກັບນັກຮຽນ ເພື່ອຫຼຸດຜ່ອນຄວາມກົດດັນສໍາລັບເດັກນ້ອຍ

ຈີນຜ່ານກົດໝາຍການສຶກສາ ຫຼຸດຜ່ອນວຽກບ້ານໃຫ້ກັບນັກຮຽນ ເພື່ອຫຼຸດຜ່ອນຄວາມກົດດັນສໍາລັບເດັກນ້ອຍ

Published on

ວັນທີ 24 ສິງຫາ 2021 ສໍານັກຂ່າວ BBC ລາຍງານວ່າ ສະພາປະຊາຊົນຈີນຜ່ານກົດໝາຍວ່າດ້ວຍການສຶກສາ ເພື່ອຫຼຸດຜ່ອນຄວາມກົດດັນຕໍ່ເດັກນ້ອຍ ທັງຈາກວຽກບ້ານຢູ່ໂຮງຮຽນ ແລະ ສະຖາບັນຄູ ພ້ອມທັງຂໍຄວາມຮ່ວມມືຈາກພໍ່ແມ່ປະຊາຊົນຈັດສັນເວລາໃຫ້ລູກຫຼານ ໄດ້ເຮັດກິດຈະກໍາອື່ນໆ ໂດຍສະເພາະແມ່ນການພັກຜ່ອນ ແລະ ອອກກໍາລັງກາຍ ເພື່ອຫຼຸດຜ່ອນຄວາມກົດດັນຂອງການສຶກສາ ແລະ ຫຼຸດຜ່ອນການໃຊ້ສື່ອອນລາຍຫຼາຍເກີນໄປ.

ກ່ອນໜ້ານີ້ໃນເດືອນສິງຫາທີ່ຜ່ານມານີ້, ຈີນໄດ້ຫ້າມການສອບເສັງພາກອັດຕາໄນ ຫຼື ການສອບເສັງຂຽນສໍາລັບເດັກນ້ອຍອາຍຸ 6-7 ປີ ຍ້ອນວ່າພວກເຂົາບໍ່ຕ້ອງການໃຫ້ເດັກນ້ອຍ ໄດ້ຢູ່ພາຍໃຕ້ຄວາມກົດດັນທາງດ້ານຮ່າງກາຍ ແລະ ຈິດໃຈຈາກການສອບເສັງ. ພ້ອມກັນນັ້ນ, ຍັງມີມາດຕະການຫຼາຍຢ່າງ ເພື່ອປ້ອງກັນບໍ່ໃຫ້ເດັກນ້ອຍຕິດເກມ ຫຼື ໂລກອອນລາຍຫຼາຍເກີນໄປ ເຊັ່ນ: ການຈຳກັດຊົ່ວໂມງການຫຼິ້ນເກມຂອງໄວໜຸ່ມ ໂດຍອະນຸຍາດໃຫ້ຫຼິ້ນເກມອອນລາຍພຽງແຕ່ 1 ຊົ່ວໂມງ ສະເພາະ ວັນສຸກ, ວັນເສົາ ແລະ ວັນອາທິດ.
ເຖິງຢ່າງໃດກໍຕາມ, ລາຍລະອຽດຂອງກົດໝາຍວ່າດ້ວຍການສຶກສາສະບັບໃໝ່ ຍັງບໍ່ທັນໄດ້ຮັບການເຜີຍແຜ່ ແຕ່ສື່ມວນຊົນຈີນລາຍງານວ່າ ພໍ່ແມ່ຄວນມີຄວາມຮ່ວມມືໃນການຊ່ວຍເຫຼືອການພັດທະນາທາງປັນຍາ ລວມທັງການຝຶກອົບຮົມພຶດຕິກຳທາງສັງຄົມໃຫ້ເດັກນ້ອຍຫຼາຍຂຶ້ນ, ໂດຍທີ່ລັດຖະບານທ້ອງຖິ່ນຈະຮັບຜິດຊອບຕໍ່ກັບງົບປະມານສໍາລັບຄ່າໃຊ້ຈ່າຍສໍາລັບກິດຈະກໍາພິເສດຕ່າງໆໃຫ້.

ຢ່າງໃດກໍຕາມ, ຫຼັງຈາກກົດໝາຍດັ່ງກ່າວໄດ້ຮັບການອະນຸມັດ ກໍມີຄວາມຄິດເຫັນທີ່ຫຼາກຫຼາຍໃນໂລກສັງຄົມອອນລາຍ, ບາງຄົນໄດ້ຍ້ອງຍໍການເຄື່ອນໄຫວຂອງລັດຖະບານ, ໃນຂະນະທີ່ບາງຄົນເວົ້າວ່າ ນີ້ຈະເພີ່ມພາລະໃຫ້ທັງລັດຖະບານທ້ອງຖິ່ນ ແລະ ພໍ່ແມ່ຜູ້ປົກຄອງຕື່ມອີກ.
ການຮັບຮອງເອົາກົດໝາຍສະບັບນີ້ ເປັນການພະຍາຍາມອີກຄັ້ງໜຶ່ງຂອງລັດຖະບານຈີນ ທີ່ຢາກແກ້ໄຂບັນຫາຕ່າງໆ ຢູ່ໃນສັງຄົມໃຫ້ຫຼາຍຂຶ້ນ. ນັບຕັ້ງແຕ່ບັນຫາຂອງການເສບຕິດເກມອອນລາຍຂອງເດັກນ້ອຍ ໄປຈົນເຖິງການຮັບມືກັບພຶດຕິກຳທີ່ຫຼົງໄຫຼຄົນດັງ ແລະ ໂລກບັນເທິງຈົນເກີນພໍດີ.

 

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...