Homeຂ່າວການສຶກສາໂຮງຮຽນໃນປະເທດຍີ່ປຸ່ນໄດ້ປຶກສາກັບຜູ້ປົກຄອງເພື່ອປ່ຽນຊຸດນັກຮຽນໃຫ້ມີລາຄາຖືກລົງ

ໂຮງຮຽນໃນປະເທດຍີ່ປຸ່ນໄດ້ປຶກສາກັບຜູ້ປົກຄອງເພື່ອປ່ຽນຊຸດນັກຮຽນໃຫ້ມີລາຄາຖືກລົງ

Published on

 ໂຮງຮຽນມັດທະຍົມແຫ່ງໜຶ່ງໃນ ເມືອງໄຊຕະມະ ປະເທດຍີ່ປຸ່ນໄດ້ວາງແຜນປຶກສາຫາລືລະຫວ່າງອາຈານ ແລະ ຜູ້ປົກຄອງ ກ່ຽວກັບແບບແຜນທີ່ຈະປ່ຽນຊຸດນັກຮຽນທີ່ມີລາຄາແພງໃຫ້ມາເປັນການນຸ່ງເສື້ອຜ້າທີ່ມີຄວາມສະດວກສະບາຍ ແລະ ລາຄາຖືກກວ່າເກົ່າ ແລະ ຍີ່ຫໍ້ເສື້ອຜ້າທີ່ຖືກນໍາສະເໜີໃນກອງປະຊຸມແມ່ນຍີ່ຫໍ້ ຢູນິໂຄ່ (UNIQLO) ເພາະເປັນຍີ່ຫໍ້ທີ່ມີລາຄາບໍ່ແພງ ແລະ ໃສ່ງ່າຍສະດວກສະບາຍ ເນື່ອງຈາກຊຸດນັກຮຽນຍີ່ປຸ່ນນັ້ນມີລາຄາທີ່ຄ່ອນຂ້າງແພງ.

ທ່ານ ເຄນຈິ ຮອງຜູ້ອໍານວຍການໂຮງຮຽນໄດ້ໃຫ້ສໍາພາດວ່າ “ພວກເຮົາກໍາລັງຫາທາງອອກໃຫ້ກັບຜູ້ປົກຄອງເພື່ອແກ້ໄຂບັນຫາດັ່ງກ່າວ ຕອນນີ້ທາງໂຮງຮຽນກໍາລັງພິຈາລະນາໃຫ້ນັກຮຽນສາມາດນຸ່ງເສື້ອຜ້າຂອງຍີ່ຫໍ້ຢູນິໂຄ່ໄດ້” ແລະ ທາງໂຮງຮຽນເອງຕ້ອງການຄວບຄຸມຄ່າໃຊ້ຈ່າຍໃນສ່ວນນີ້ໃຫ້ຢູ່ທີ່ປະມານ 10,000 ເຢນ ຫຼື ປະມານ 900,000 ກີບ.

ນອກຈາກນີ້ທາງໂຮງຮຽນຍັງມີຄວາມເຫັນອີກວ່າຊຸດນັກຮຽນໃນປັດຈຸບັນນີ້ແມ່ນເຮັດມາຈາກຂົນສັດ ແລະ ມັນສົ່ງຜົນເຮັດໃຫ້ເວລາຊັກຕ້ອງໄດ້ເອົາໃຈໃສ່ເປັນພິເສດກວ່າເສື້ອຜ້າທໍາມະດາ. ແຕ່ເຖິງຢ່າໃດກໍຕາມການຕັດສິນໃຈທັງໝົດແມ່ນຂຶ້ນກັບນັກຮຽນ ແລະ ຜູ້ປົກຄອງ ແຕ່ຖ້າຂໍ້ສະເໜີນີ້ຖືກເຫັນນັກຮຽນໃນໂຮງຮຽນໂອມິຕະຄິຕະ ຈະໄດ້ໃສ່ຊຸດນັກຮຽນທີ່ສະບາຍຂຶ້ນກວ່າເກົ່າ

ແຫຼ່ງຂ່າວ: khaosod

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...