spot_img
Homeຂ່າວຕ່າງປະເທດເກົາຫຼີເໜືອທົດສອບຍິງຂີປານາວຸດພາດທ່າໄປຕົກໃສ່ທະເລຕາເວັນອອກ

ເກົາຫຼີເໜືອທົດສອບຍິງຂີປານາວຸດພາດທ່າໄປຕົກໃສ່ທະເລຕາເວັນອອກ

Published on

ສຳນັກຂ່າວ CNN ລາຍງານ: ເກົາຫຼີເໜືອໄດ້ດຳເນີນການຍິງທົດສອບຂີປານາວຸດທີ່ຍັງບໍ່ທັນມີການລະບຸລະອຽດວ່າເປັນຂີປານາວຸດຊະນິດໃດ ແລະຍັງບໍ່ສາມາດລະບຸພິກັດທີ່ຍິງໄດ້ ໂດຍຂີປານາວຸດດັ່ງກ່າວຖືກຍິງໄປຕົກໃສ່ທະເລຕາເວັນອອກນອກຊາຍຝັ່ງຂອງເກົາຫຼີເໜືອ ອາດເປັນເຫດເຮັດໃຫ້ແຫຼມເກົາຫຼີເໜືອ-ໃຕ້ ລຸກເປັນໄຟອີກຄັ້ງ ທັງທີ່ນ້ອງສາວຂອງຜູ້ນຳ ຄິມ ຈອງອຶນ ຫາກໍກຽມແຜນຟື້ນຟູສຳພັນກັບເກົາຫຼີໃຕ້ຄືນໃໝ່.

ຂະນະທີ່ທ່ານ ຄິມ ຊອງ, ຜູ້ແທນເກົາຫຼີເໜືອປະຈຳສະຫະປະຊາຊາດ ໄດ້ກ່າວສູນທອນພົດຕໍ່ກອງປະຊຸມສະມັດຊາໃຫຍ່ ສປຊ ໃນນິວຢອກ ວ່າ: ເກົາຫຼີເໜືອ ແລະ ເກົາຫຼີໃຕ້ ຄວນຈະມີການຟື້ນຟູຄວາມສຳພັນລະຫວ່າງກັນໂດຍບໍ່ຈຳເປັນຕ້ອງມີສະຫະລັດອາເມລິກາເຂົ້າມາແຊກແຊງກິດຈະການພາຍໃນຂອງຄາບສະໝຸດເກົາຫຼີ ເຊິ່ງທາງປະທານາທິບໍດີເກົາຫຼີໃຕ້ກໍໄດ້ຮຽກຮ້ອງໃຫ້ມີການປະກາດຢຸດຕິສົງຄາມເກົາຫຼີຢ່າງເປັນທາງການ ເພື່ອພະຍາຍາມຂັບເຄື່ອນການເຈລະຈາລະຫວ່າງສອງເກົາຫຼີທີ່ຍັງບໍ່ມີຄວາມຄືບໜ້າ.

ຢ່າງໃດກໍຕາມ, ໃນຊ່ວງເວລາດຽວກັນ ທ່ານ ນາງ ຄິມ ໂຍ ຈ໊ອງ, ນ້ອງສາວຂອງຜູ້ນຳເກົາຫຼີເໜືອ ກໍໄດ້ມີການຖະແຫຼງຂ່າວ ໂດຍລະບຸວ່າ ການຮຽກຮ້ອງໃຫ້ຢຸດຕິສົງຄາມເປັນແນວຄິດທີ່ໜ້າສົນໃຈ ແລະຍັງໄດ້ສະເໜີໃຫ້ມີການຫາລືກັບເກົາຫຼີໃຕ້ກ່ຽວກັບປະເດັນນີ້ນຳອີກ ແຕ່ເຫດການທົດລອງຍິງຂີປານາວຸດທີ່ຜິດພາດຂອງເກົາຫຼີເໜືອຄັ້ງນີ້ ຈະເຮັດໃຫ້ແຜນການດັ່ງກ່າວສາມາດດຳເນີນການຕໍ່ໄດ້ ຫຼື ບໍ່ນັ້ນ ຕ້ອງຕິດຕາມຂ່າວນຳກັນຕື່ມອີກ.

ບົດຄວາມຫຼ້າສຸດ

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...