spot_img
Homeຂ່າວພາຍ​ໃນຫຼາຍຄົນຂ້ອງໃຈກັບມາດຕະການລັອກດາວ-ປິດເມືອງ

ຫຼາຍຄົນຂ້ອງໃຈກັບມາດຕະການລັອກດາວ-ປິດເມືອງ

Published on

ປະຊາຊົນຫຼາຍຄົນຍັງມີຄວາມຂ້ອງໃຈກ່ຽວກັບມາດຕະການລັອກດາວ-ປິດເມືອງຂອງລັດຖະບານ ໃນການປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ທົ່ວປະເທດ ໂດຍສະເພາະບາງແຂວງໄດ້ເພີ່ມທະວີການປະຕິບັດມາດຕະການທີ່ເຂັ້ມງວດ ໂດຍຫ້າມບໍ່ໃຫ້ເດີນທາງເຄື່ອນໄຫວນອກຂອບເຂດເຮືອນຂອງໃຜລາວຖ້າບໍ່ມີວຽກຈຳເປັນ.

ປະຊາຊົນທ່ານໜຶ່ງ (ບໍ່ປະສົງອອກນາມ) ຢູ່ນະຄອນຫຼວງວຽງຈັນກ່າວວ່າ: ລັດຖະບານໄດ້ອອກແຈ້ງການປະຕິບັດມາດຕະການລັອກດາວຈົນຮອດວັນທີ 30 ກັນຍາ ໂດຍຫ້າມບໍ່ໃຫ້ປະຊາຊົນອອກຈາກບ້ານເຮືອນຖ້າບໍ່ມີວຽກຈຳເປັນ ແຕ່ຕົວຈິງຍັງເຫັນລົດແລ່ນສວ່ານສົນໄປມາຕາມທ້ອງຖະໜົນ ຄ້າຍກັບວ່າປະຊາຊົນຍັງໃຊ້ຊີວິດປົກກະຕິ ເຖິງຈະມີການປິດກັ້ນຕາມສາຍທາງຕ່າງໆຫຼາຍຈຸດ, ແລ້ວພວກເຮົາຈະເຮັດແນວໃດຈິ່ງຈະເຮັດໃຫ້ແຈ້ງການສັກສິດ? ເພາະຫຼາຍຄົນຍັງບໍ່ໃຫ້ຄວາມຮ່ວມມືເທົ່າທີ່ຄວນ.

ທ່ານ ປະສົງ (ນາມສົມມຸດ) ອາຊີບພະນັກງານ ຢູ່ນະຄອນຫຼວງວຽງຈັນກ່າວວ່າ: ພວກເຮົາບໍ່ໄດ້ເຈຕະນາຝ່າຝືນມາດຕະການລັອກດາວ ແຕ່ເນື່ອງຈາກເຮັດວຽກນຳບໍລິສັດເອກະຊົນ, ເມື່ອຫ້ອງການບໍ່ໄດ້ສັ່ງພັກ ພວກເຮົາກໍຈຳຕ້ອງໄດ້ໄປ ເພາະຖ້າພັກຢູ່ບ້ານກໍຖືກຕັດເງິນເດືອນ ທັງບໍ່ໄດ້ຮັບປະໂຫຍດ ຫຼື ການຊ່ວຍເຫຼືອໃດໆ, ຖ້າອອກເດີນທາງກໍຖືກປິດກັ້ນຫຼາຍຈຸດ ເຮັດໃຫ້ເກີດຄວາມຫຍຸ້ງຍາກສັບສົນພໍສົມຄວນ.

ນາງຫຼ້າຊ້ອຍ ອາຊີບຄ້າຂາຍຢູ່ນະຄອນຫຼວງວຽງຈັນກ່າວວ່າ: ຖ້າມີມາດຕະການລັອກດາວແບບເຂັ້ມງວດ ກໍຄວນຈະມີມາດຕະການຊ່ວຍເຫຼືອຄຽງຄູ່ກັນ, ພວກເຮົາຊາວຄ້າຂາຍທີ່ຫາເຊົ້າກິນຄໍ່າຕ້ອງໄດ້ທຳມາຄ້າຂາຍພຽງເພື່ອກຳໄລເລັກນ້ອຍ ຖ້າຈະໃຫ້ພັກຢູ່ແຕ່ເຮືອນກໍຄົງເປັນການຍາກ ເນື່ອງຈາກຕ້ອງຈ່າຍຄ່າຜ່ອນລົດເປັນປະຈຳແຕ່ລະເດືອນໂດຍບໍ່ມີການຜ່ອນຜັນ ທັງບໍ່ໄດ້ຮັບການຊ່ວຍເຫຼືອໃດໆ.

ທ່ານ ດ.ຣ ບຸນແຝງ ພູມມະໄລສິດ, ລັດຖະມົນຕີກະຊວງສາທາລະນະສຸກ ໄດ້ຊີ້ແຈງໃນໂອກາດຖະແຫຼງຂ່າວມື້ນີ້ວ່າ: ສິ່ງທີ່ໄດ້ຮັບຈາກການລັອກດາວ-ປິດເມືອງນັ້ນກໍຄື ການປ້ອງກັນບໍ່ໃຫ້ເຊື້ອພະຍາດແຜ່ລາມຈົນບໍ່ສາມາດຄວບຄຸມໄດ້, ຕໍ່ມາກໍແມ່ນເພື່ອຮັກສາສຸຂະພາບ, ຄວາມປອດໄພ ແລະ ຊີວິດຂອງປະຊາຊົນ ພ້ອມທັງຫຼຸດຜ່ອນຄວາມແອອັດໃນໂຮງໝໍ ແລະ ຫຼຸດຜ່ອນພາລະອັນໜັກໜ່ວງຂອງທີມງານແພດໝໍ, ເຈົ້າໜ້າທີ່ຮັບຜິດຊອບສະຖານທີ່ກັກກັນ ແລະ ສະຖານທີ່ປິ່ນປົວຜູ້ຕິດເຊື້ອນັ້ນເອງ.

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...