spot_img
Homeຂ່າວພາຍ​ໃນເມຍຫຼວງຖືພາຄຸມອາລົມບໍ່ໄດ້ ຈັບເມຍນ້ອຍເຜົາໄຟດ້ວຍນໍ້າມັນແອັດຊັງ

ເມຍຫຼວງຖືພາຄຸມອາລົມບໍ່ໄດ້ ຈັບເມຍນ້ອຍເຜົາໄຟດ້ວຍນໍ້າມັນແອັດຊັງ

Published on

ເປັນກະແສຮືຮາໃນສັງຄົມໂຊຊຽວກ່ຽວກັບປະເດັນເມຍໃຫຍ່-ເມຍນ້ອຍ ແຕ່ເຫດການນີ້ກໍບໍ່ທຳມະດາ ເພາະເມຍໃຫຍ່ຖືພາທັງຄວບຄຸມອາລົມບໍ່ໄດ້ເນື່ອງຈາກຖືກທຳຮ້າຍຈິດໃຈມາເປັນເວລາດົນ ບວກກັບເຄີຍບອກເຕືອນແມ່ຍິງທີ່ມາຕິດພັນຜູ້ເປັນຜົວໃຫ້ຢຸດເຊົາ ແຕ່ພວກກ່ຽວຍັງຖືເບົາທ້າທາຍ ຈົນກາຍເປັນເລື່ອງເສົ້າທັງສອງຝ່າຍ ອັນຕະລາຍຮອດຜູ້ຫ້າມປາມຈົນໄດ້ຮັບບາດເຈັບສາຫັດ.

ທ່ານ ພັທ ສິງຄຳ ລໍວັນໄຊ, ຮັກສາການຫົວໜ້າກອງບັນຊາການ ປກສ ເມືອງປາກງື່ມ ໄດ້ເປີດເຜີຍຕໍ່ນັກຂ່າວໜັງສືພິມປ້ອງກັນຄວາມສະຫງົບໃນມື້ວານນີ້ວ່າ: ເຫດການເມຍໃຫຍ່-ເມຍນ້ອຍທະເລາະວິວາດເກີດຂຶ້ນໃນວັນທີ 8 ກັນຍາ ຜ່ານມາ ທີ່ບ້ານຖິ່ນພຽງ, ເມືອງປາກງື່ມ, ນະຄອນຫຼວງວຽງຈັນ ເປັນຜົນໃຫ້ເມຍໃຫຍ່ ເຊິ່ງແມ່ນ ນາງ ດອກຈັນ, ອາຍຸ 19 ປີ ຄຸມສະຕິບໍ່ໄດ້ ໃຊ້ມັນມັນແອັດຊັງສາດໃສ່ຮ່າງກາຍນາງ ພອນສະຫວັນ ຫຼື ເມ, ອາຍຸ 19 ປີ ຜູ້ເປັນເມຍນ້ອຍກ່ອນເຜົາທັງເປັນ ໃນນັ້ນ ເຮັດໃຫ້ມີຜູ້ບາດເຈັບສາຫັດ 1 ຄົນ ແລະ ບາດເຈັບສົມຄວນ 1 ຄົນ.

ຜ່ານການສືບສວນ-ສອບສວນຜູ້ກ່ຽວໄດ້ໃຫ້ການຕໍ່ເຈົ້າໜ້າທີ່ວ່າ: ໃນປີ 2019 ນາງດອກຈັນໄດ້ສ້າງຄອບຄົວຖືກຕ້ອງຕາມກົດໝາຍກັບທ້າວ ສຸວັນທອນ ຫຼື ຕົ້ນ ອາຍຸ 29 ປີ, ມີລູກນຳກັນ 1 ຄົນ, ຂະນະນີ້ກຳລັງຖືພາລູກຄົນທີສອງອາຍຸຄັນ 6 ເດືອນ ເຊິ່ງຜ່ານມາທັງສອງມີການຜິດຖຽງກັນເປັນປະຈຳ, ມາຮອດປີ 2020 ຜູ້ກ່ຽວຈິ່ງຮູ້ວ່າ ຜົວຂອງຕົນໄດ້ພົວພັນແບບຊູ້ສາວກັບນາງເມ, ປະຊາຊົນບ້ານດອນໄຮ່. ເຖິງແມ່ນທາງອຳນາດການປົກຄອງຈະໄດ້ຕັກເຕືອນໃຫ້ຢຸດເຊົາ ແຕ່ທັງຄູ່ກໍຍັງໄປມາຫາສູ່ກັນເປັນປະຈຳ.

ໃນມື້ເກີດເຫດ, ນາງດອກຈັນ ໄດ້ຊວນໝູ່ສອງຄົນໄປຕັດໄມ້ມາເຮັດຄອກໄກ່ແຕ່ຊອກຫາພ້າບໍ່ເຫັນ ຈິ່ງຄິດວ່າຜົວເອົາພ້າໄປເຮືອນພີ່ນ້ອງ ຊື່ ທ້າວ ໂກເຊ່ (ສະຖານທີ່ເກີດເຫດ) ຂະນະທີ່ຜູ້ກ່ຽວກຳລັງເຄາະປະຕູຫ້ອງເພື່ອຈະຂໍເອົາພ້າ ຊໍ້າພັດເຫັນນາງເມໄຂປະຕູອອກມາ ຈິ່ງເກີດມີການຜິດຖຽງກັນ ກ່ອນຈະຈົບລົງດ້ວຍເຫດການອັນໜ້າເສົ້າ ເນື່ອງຈາກນາງເມຖືກເຜົາດ້ວຍນໍ້າມັນແອັດຊັງຈົນບາດເຈັບສາຫັດ ສ່ວນທ້າວໂກເຊ່ ກໍຖືກໄຟເຜົາຂະນະພະຍາຍາມຢຸດຕິທັງຄູ່ຈົນໄດ້ຮັບບາດເຈັບພໍສົມຄວນ.

ເຈົ້າໜ້າທີ່ກ່າວຕື່ມວ່າ: ການກະທຳຂອງນາງດອກຈັນ ເປັນການກະທຳໂດຍເຈຕະນາ ເຊິ່ງເປັນການກະທຳທີ່ແຕະຕ້ອງເຖິງຊີວິດ ແລະ ສຸຂະພາບຂອງຄົນອື່ນ ທັງເປັນການກະທຳທີ່ອັນຕະລາຍ ແລະ ສະເທືອນຂວັນໃຫ້ກັບສັງຄົມ, ເຊິ່ງຜິດຕໍ່ປະມວນກົດໝາຍອາຍາ ໃນຂໍ້ກ່າວຫາ: ການຄາດຕະກຳຍ້ອນຖືກຜົນກະທົບທາງຈິດໃຈ (ຂັ້ນພະຍາຍາມ). ແຕ່ຍ້ອນຜູ້ກ່ຽວມີລູກນ້ອຍ ແລະ ກຳລັງຖືພາ ໂດຍເຫັນຕາມປະມວນກົດໝາຍອາຍາ ຂອງ ສປປ ລາວ ມາດຕາ 103 ຂໍ້ 2, ຈິ່ງໃຫ້ຄອບຄໍ້າປະກັນຜູ້ກ່ຽວດ້ວຍເງິນສົດ 30 ລ້ານກີບ.

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...