spot_img
Homeຂ່າວເຫດການນະຄອນຫລວງວຽງຈັນ ອອກຂໍ້ຫ້າມໃນງານບຸນ ນະມັດສະການພະທາດຫລວງ

ນະຄອນຫລວງວຽງຈັນ ອອກຂໍ້ຫ້າມໃນງານບຸນ ນະມັດສະການພະທາດຫລວງ

Published on

3522

 

ຄືດັ່ງທີ່ພວກເຮົາໄດ້ໃຫ້ຂ່າວ ໄປແລ້ວງານບຸນນະມັດສະການພະທາດຫລວງ ປະຈຳປີ 2014 ຈະເລີ່ມການຄົບງັນແຕ່ວັນທີ

31 ຕຸລາ-6 ພະຈິກນີ້ ແລະ ເພື່ອໃຫ້ປາງບຸນໃຫຍ່ດັ່ງກ່າວໄດ້ດຳເນີນ ໄປດ້ວຍບັນຍາກາດຟົດຟື້ນມ່ວນຊື່ນ ແລະ ຮັບປະກັນ

ໄດ້ຄວາມສະຫງົບປອດໄພ ຄະນະຈັດງານຈຶ່ງໄດ້ອອກຂໍ້ຫ້າມຕ່າງໆຄື ຫ້າມມີການໂຄສະນາທຸກຮູບແບບທີ່ຜິດຕໍ່ກົດໝາຍ

ຂອງ ສປປ ລາວ; ຫ້າມຂາຍ ຫລື ນຳເອົາອາວຸດທຸກປະເພດລວມທັງງ້າວ, ໜ້າ, ກະຖຸນ, ສະນັບມື ແລະ ອື່ນໆ ເຂົ້າໄປ ໃນງານ

ໂດຍເດັດຂາດ, ເວັ້ນເສຍແຕ່ເຈົ້າໜ້າທີ່ທີ່ໄດ້ຮັບອະນຸຍາດ; ຫ້າມຂາຍ ແລະ ນຳເອົາ ຢາເສບຕິດ, ທາດເບື່ອ, ສານເຄມີ ທີ່

ອອກລິດຕໍ່ລະບົບປະສາດທຸກຊະນິດ, ຫ້າມຈູດ ແລະ ນຳເອົາບັ້ງກະໂພກ ເຂົ້າມາວາງຂາຍພາຍໃນງານຢ່າງເດັດຂາດ; ຫ້າມ

ນຳເອົາຜະລິດຕະພັນທີ່ລອກຮຽນແບບຜ້າສິ້ນລາວນຳເຂົ້າມາວາງຂາຍ; ຫ້າມຂາຍ ເຄື່ອງເກີນອອກມາໜ້າ ຮ້ານທີ່ຄະນະ

ກຳມະການຈັດງານຕະຫລາດນັດກຳນົດໄວ້; ຫ້າມຂາຍ ແລະ ນຳເອົາຜະລິດຕະພັນວັດທະນະທຳທີ່ລາມົກ ແລະ ເຊື່ອມຊາມ

ຕ່າງໆເຂົ້າມາໃນງານ; ຫ້າມຫລິ້ນການພະນັນທຸກປະເພດ; ຫ້າມຂາຍເຄື່ອງຊະຊາຍ ໂດຍບໍ່ໄດ້ຮັບອະນຸຍາດຈາກຄະນະກຳ

ມະການຈັດງານ; ຫ້າມມີການອາລະວາດຕີກັນ; ຫ້າມດື່ມສິ່ງຂອງມຶນເມົາເກີນຂອບເຂດຖ້າຫາກຜູ້ໃດລະເມີດຈະຖືກເຈົ້າ

ໜ້າທີ່ກ່າວເຕືອນ ຫລື ນຳຕົວໄປພັກຜ່ອນ; ຫ້າມບຸກຄົນ, ວັດ, ສຳນັກງານອົງການ ແລະ ອຳນາດການປົກຄອງບ້ານກີດ

ຂວາງການຈັດສັນສະຖານທີ່ວາງສະແດງຂາຍສິນຄ້າ ຂອງຄະນະກຳມະການຈັດງານຕະຫລາດນັດ; ສຳລັບນັກສະແດງ

ສິລະປະຢູ່ໃນງານຕະຫລາດນັດສາກົນແຕ່ລະຈຸດ ຕ້ອງແຕ່ງກາຍ ແລະ ນຸ່ງເຄື່ອງສຸພາບຮຽບຮ້ອຍ ຖືກຕ້ອງຕາມຮີດຄອງ

ປະເພນີລາວ; ຫ້າມຕອກເຫລັກ ຫລື ສິ່ງຂອງຕ່າງໆ ໃສ່ພື້ນເດີ່ນສະໜາມຫລວງຢ່າງເດັດຂາດ ແລະ ຫ້າມຖີ້ມຂີ້ເຫຍື້ອ

ຊະຊາຍທີ່ເຮັດໃຫ້ບໍ່ມີຄວາມສະອາດຈົບງາມສົ່ງຜົນກະທົບຕໍ່ສິ່ງແວດລ້ອມ.

 

ທັງນີ້ກໍເພື່ອເຮັດໃຫ້ງານບຸນນະມັດສະການພະທາດຫລວງ ດຳເນີນໄປດ້ວຍບັນຍາກາດເບີກບານມ່ວນຊືນ ແລະ ຟົດຟື້ນ,

ຮັບປະກັນໄດ້ຄວາມສະຫງົບປອດ ໄພ ແລະ ຍັງເປັນການສົ່ງເສີມອະນຸລັກຮັກສາຮີດຄອງປະເພນີ ແລະ ສາມາດດຶງດູດ

ນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາລາວເຮົາຫລາຍຂຶ້ນ ແລະ ອີກເທື່ອໜຶ່ງ ທ່ານ ສາຍ ທອງ ແກ້ວດວງດີ

ຮອງເຈົ້າຄອງນະຄອນຫລວງວຽງຈັນ ໃນນາມຄະນະກຳມະການຈັດງານບຸນນະມັດສະການພະທາດຫລວງ ໄດ້ຮຽກຮ້ອງ

ອີກເທື່ອໜຶ່ງ ຕໍ່ບັນຫາຊັ້ນຄົນຕ່າງໆທີ່ດຳລົງຊີວິດຢູ່ໃນນະຄອນຫລວງວຽງຈັນ ຈົ່ງພ້ອມກັນຍົກສູງສະຕິຄວາມເປັນເຈົ້າ

ການ ໃນການຮັບປະກັນຄວາມເປັນລະບຽບຮຽບຮ້ອຍໃນງານບຸນ ແລະ ສ້າງໃຫ້ນະຄອນຫລວງວຽງຈັນ ມີສະຖຽນລະພາບ

ທາງດ້ານການເມືອງ ແລະ ຄວາມສະຫງົບປອດໄພຢ່າງໜັກແໜ້ນ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...