Homeຂ່າວພາຍ​ໃນບົດສະຫຼຸບການຖະແຫຼງຂ່າວຂອງຄະນະສະເພາະກິດ ໃນວັນທີ 20 ສິງຫາ 2021

ບົດສະຫຼຸບການຖະແຫຼງຂ່າວຂອງຄະນະສະເພາະກິດ ໃນວັນທີ 20 ສິງຫາ 2021

Published on

ມາຮອດປະຈຸບັນນີ້ ສປປ ລາວ ມີຜູ້ຕິດເຊື້ອສະສົມທັງໝົດ 11.753 ຄົນ ໃນນີ້ມີກໍລະນີຕິດເຊື້ອໃໝ່ 440 ຄົນ, ເສຍຊີວິດສະສົມທັງໝົດ 11 ຄົນ ແລະ ຍັງຕິດຕາມການປິ່ນປົວຢູ່ທົ່ວປະເທດທັງໝົດ 4.604 ຄົນ.

ໃນວັນທີ 19 ສິງຫາ 2021 ໄດ້ເກັບຕົວຢ່າງມາກວດຫາເຊື້ອໂຄວິດ-19 ຈໍານວນ 3.317 ຄົນ ໃນນັ້ນກວດພົບຜູ້ຕິດເຊື້ອໃໝ່ 440 ຄົນ, ຕິດເຊື້ອພາຍໃນຊຸມຊົນຈໍານວນ ຄົນຈາກ ແຂວງ ບໍ່ແກ້ວ (ເມືອງຕົ້ນເຜີ້ງ) 13 ຄົນ, ສະຫວັນນະເຂດ 58 ຄົນ, ຫຼວງນໍ້າທາ 03 ແລະ ເຊກອງ 01 ຄົນ ແລະ ຕິດເຊື້ອກໍລະນີນໍາເຂົ້າຈໍານວນ 365 ຄົນ ຈາກ ນະຄອນຫຼວງວຽງຈັນ 101 ຄົນ, ສະຫວັນນະເຂດ 77 ຄົນ, ຫຼວງພະບາງ 01 ຄົນ, ໄຊຍະບູລີ 04 ຄົນ, ຄໍາມ່ວນ 45 ຄົນ, ສາລະວັນ 23 ຄົນ ແລະ ຈໍາປາສັກ 114 ຄົນ. ສໍາລັບຜູ້ຕິດເຊື້ອໃນຊຸມຊົນໃນ ແຂວງນັ້ນ ແມ່ນມີປະຫວັດສໍາຜັດກັບຜູ້ຕິດເຊື້ອເກົ່າ.

ສໍາລັບແຂວງສະຫວັນນະເຂດ ມີການຕິດເຊື້ອໃນຊຸມຊົນ 58 ຄົນ ໃນນັ້ນເປັນນັກໂທດຢູ່ຄຸມຂັງຫລັກ 6 ມີຜູ້ຕິດເຊື້ອ 48 ຄົນ ແລະ ກຸ່ມຄົນທົ່ວໄປ ມີ 10 ຄົນ (01 ຄົນ ແມ່ນພະນັກງານ ປກສ ປະຈໍາສູນໂພນສິມ, ອີກ 02 ຄົນ ແມ່ນພະນັກງານດ່ານປະຈໍາຢູ່ຂົວມິດຕະພາບແຫ່ງທີ່ 2, ອີກ 03 ຄົນ ແມ່ນລູກຂອງພະນັກງານຕໍາຫລວດຄ້າຍຄຸມຂັງນະຄອນໄກສອນ, ອີກ 01 ຄົນ ແມ່ນຂາຍນໍ້າມັນ, ອີກ 01 ຄົນ ແມ່ນພະນັກງານບໍລິສັດຂົນສົ່ງ ແລະ ອີກ 02 ຄົນ ຍັງບໍ່ຮູ້ຂໍ້ມູນເທື່ອ.

ລາຍລະອຽດຂອງຜູ້ເສຍຊີວິດ 2 ຄົນ

1. ສຳລັບ ຜູ້ເສຍຊີວິດໃໝ່ 1 ຄົນ ແມ່ນ ຢູ່ແຂວງສະຫວັນນະເຂດ ເປັນເພດຊາຍ, ອາຍຸ 55 ປີ ອາຊີບ ກຳມະກອນ ຢູ່ບ້ານ ບ້ານໂພນຊາຍ ເມືອງໄກສອນ ເຂົ້ານອນປິ່ນປົວຢູ່ໂຮງໝໍ ໃນວັນທີ 11 ສິງຫາ 2021​ ຍ້ອນໄຂ້ໄອ 6 ວັນ ມີພະຍາດປະຈຳໂຕ ຄວາມດັນເລືອດສູງ.​ ວັນທີ 12 ສິງຫາ 2021 ຜູ້ກ່ຽວ ຫາຍໃຈຝຶດ, ແໜ້ນໜ້າເອິກ, ຜົນຈາກການສ່ອງໄຟຟ້າລັງສີປອດ ສະແດງໃຫ້ເຫັນວ່າ ປອດອັກເສບ. ອາການຂອງຜູ້ກ່ຽວໜັກລົງເລື້ອຍໆ ຈົນມາຮອດ ເວລາ 1 ໂມງເຊົ້າຂອງວັນທີ 18 ສິງຫາ 2021 ຜູ້ກ່ຽວໄດ້ເສຍຊີວິດ.

2. ສຳລັບ ຜູ້ເສຍຊີວິດອີກ 1 ຄົນ ແມ່ນຢູ່ແຂວງຄຳມ່ວນ ເປັນເພດຍິງ ອາຍຸ 26 ປີ ອາຊີບ ພະນັກງານເສີບອາຫານ ບ້ານດອນພູຄຳ ເມືອງມະຫາໄຊ ແຂວງຄຳມ່ວນ ເດີນທາງເຂົ້າມາ ສປປ ລາວ ໃນວັນທີ 3 ສິງຫາ 2021, ຜົນກວດພົບເຊື້ອ COVID-19 ໃນວັນທີ 7 ສິງຫາ 2021. ຜູ້ກ່ຽວມີໄຂ້, ໄອ, ຫາຍໃຈຝຶດ ແລະ ກະວົນກະວາຍ. ຜູ້ກ່ຽວເກີດລູກໄດ້ 5 ວັນ ແລະ ເສຍຊີວິດ ໃນວັນທີ 20 ສິງຫາ 2021 ສ່ວນລູກປອດໄພ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...