spot_img
Homeຂ່າວພາຍ​ໃນມຊ ປະກາດພັກຮຽນຊົ່ວຄາວພ້ອມພິຈາລະນາຮຽນອອນລາຍ ປ້ອງກັນໂຄວິດລະບາດ ໃນຮົ້ວວິທະຍາເຂດ

ມຊ ປະກາດພັກຮຽນຊົ່ວຄາວພ້ອມພິຈາລະນາຮຽນອອນລາຍ ປ້ອງກັນໂຄວິດລະບາດ ໃນຮົ້ວວິທະຍາເຂດ

Published on

ມະຫາວິທະຍາໄລແຫ່ງຊາດ (ມຊ) ອອກແຈ້ງການໃນວັນທີ 15 ສິງຫາວ່າດ້ວຍການຢຸດພັກການຮຽນ-ການສອນຊົ່ວຄາວ ພ້ອມຫັນມາເປີດຮຽນ-ສອນທາງອອນລາຍແທນໃນທຸກຊັ້ນຮຽນໃນແຕ່ລະຄະນະວິຊາ, ສະຖາບັນ, ສູນ, ໂຮງຮຽນພອນສະຫວັນ ແລະ ຊົນເຜົ່າກຽມມະຫາວິທະຍາໄລ, ໂຮງຮຽນມັດທະຍົມ, ປະຖົມສາທິດ ລວມທັງເຮືອນລ້ຽງເດັກ ແລະ ອະນຸບານສາທິດ.

ແຈ້ງການດັ່ງກ່າວເລີ່ມຈັດຕັ້ງປະຕິບັດນັບແຕ່ວັນທີ 16 ສິງຫາ 2021 ຈົນກວ່າຈະມີການແຈ້ງການເພີ່ມເຕີມ ໂດຍມອບໃຫ້ແຕ່ລະພາກສ່ວນຈັດຕັ້ງປະຕິບັດການຮຽນ-ການສອນທາງອອນລາຍ ໂດຍໃຊ້ Facebook, OBS, Powerpoint + OBS, Google Classroom ຫຼື ອື່ນໆຕາມຄວາມເໝາະສົມ, ທັງນີ້ກໍເພື່ອແນວໃສ່ເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານການລະບາດຂອງພະຍາດໂຄວິດ-19.

ຫ້າມບໍ່ໃຫ້ການຈັດຕັ້ງທຸກພາກສ່ວນຈັດກອງປະຊຸມ ຫຼື ກິດຈະກຳອື່ນໆທີ່ມີຜູ້ເຂົ້າຮ່ວມຫຼາຍກວ່າ 10 ຄົນ, ພ້ອມທັງຫ້າມບໍ່ໃຫ້ພະນັກງານຄູອານ ແລະ ນັກສຶກສາທຸກພາກສ່ວນຈັດງານລ້ຽງຊຸມແຊວກັນ ເພາະຖ້າມີການລະເມີດ, ທາງຄະນະສະເພາະກິດ ມຊ ຈະໄດ້ມີການຄົ້ນຄວ້າ ແລະ ປະຕິບັດວິໄນຕາມລະບຽບການ. ສຳລັບການຕິດຕາມເຂົ້າ-ອອກສຳນັກງານຂອງແຕ່ລະວິທະຍາເຂດພາຍໃນ ມຊ ແມ່ນໃຫ້ປະຕິບັດຕາມມາດຕະການປ້ອງກັນໂຄວິດ-19 ທີ່ທາງຄະນະສະເພາະກິດວາງອອກຢ່າງເຂັ້ມງວດ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...