spot_img
Homeຂ່າວເຫດການສະຫລອງວັນສ້າງຕັ້ງອົງການສະຫະປະຊາຊາດຄົບຮອບ 69 ປີ

ສະຫລອງວັນສ້າງຕັ້ງອົງການສະຫະປະຊາຊາດຄົບຮອບ 69 ປີ

Published on

UN celebrate

 

ໃນວັນທີ 24 ຕຸລານີ້ ຢູ່ສຳນັກງານອົງການສະຫະປະຊາຊາດປະຈຳລາວ ຢູ່ນະຄອນຫລວງວຽງຈັນ ໄດ້ຈັດງານສະ

ເຫລີມສະຫລອງວັນສ້າງຕັ້ງ ອົງການສະ ຫະປະຊາຊາດຄົບຮອບ 69 ປີ (1945-2014) ຂຶ້ນ, ໂດຍ ການເຂົ້າຮ່ວມ

ຂອງທ່ານທ່ານ ສຈ.ດຣ ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາທາລະນະສຸກ, ທ່ານ ສະເຫລີມໄຊ

ກົມມະສິດ ລັດຖະມົນຕີຊ່ວຍວ່າການກະຊວງການຕ່າງ ປະ ເທດພ້ອມດ້ວຍພະນັກງານຂັ້ນ ສູງຈາກສຳນັກງານ

ອົງການລັດຖະບານ, ທູ ຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນຕ່າງໆປະຈຳລາວກໍໄດ້ເຂົ້າຮ່ວມເປັນຈຳ

ນວນຫລາຍ.

 

ໃນໂອກາດນີ້, ຜູ້ປະສານງານອົງການສະຫະປະຊາຊາດປະຈຳ ສປປ ລາວ ໄດ້ສະແດງຄວາມຍິນດີຕໍ່ລັດຖະບານລາວ

ທີ່ມີຄວາມພະຍາຍາມສູງໃນການພັດທະນາປະເທດຊາດໃຫ້ເຕີບໃຫຍ່ເຂັ້ມແຂງ ນັບຕັ້ງແຕ່ເຂົ້າເປັນສະມາຊິກອົງ

ການສະ ຫະປະຊາຊາດ ໃນປີ 1955 ເປັນຕົ້ນມາ. ນອກນັ້ນ ສປປ ລາວ ປະກອບສ່ວນເຂົ້າໃນພາລະກິດລວມຂອງ

ໂລກ, ເພື່ອບັນລຸເປົ້າໝາຍສະຫັດສະຫວັດດ້ານການ ພັດທະນາ ແລະ ໄດ້ປະສົບຜົນສຳເລັດຫລາຍດ້ານຢ່າງໜ້າ

ເພິ່ງພໍໃຈ ແລະ ຄຽງຄູ່ກັນນັ້ນ ອົງການສະຫະປະຊາຊາດຍັງໄດ້ໃຫ້ການສະໜັບສະໜູນສົ່ງເສີມການຂະຫຍາຍຕົວ

ແບບຍືນຍົງ ແລະ ຮອບດ້ານ, ຍົກລະດັບ ການຕອບສະໜອງສິ່ງທີ່ຈຳເປັນໃຫ້ແກ່ປະຊາຊົນລາວນັບແຕ່ທ້າຍປີ

1950 ເປັນຕົ້ນມາ, ທ່ານຜູ້ປະສານງານອົງການສະຫະ ປະຊາຊາດກ່າວວ່າ: ຈະສືບຕໍ່ຮ່ວມເຮັດວຽກໃນພາລະກິດ

ຂອງອົງການສະຫະປະຊາຊາດ ເພື່ອນຳມາເຊິ່ງຜົນປະໂຫຍດຕໍ່ ສປປ ລາວ ແລະ ພົນລະເມືອງລາວຫລາຍຂຶ້ນ.

 

ວັນສ້າງຕັ້ງອົງການສະຫະປະຊາຊາດເປັນຂີດໝາຍແຫ່ງການຈັດຕັ້ງປະຕິບັດ ທຳມະນູນຂອງອົງການສະຫະປະຊາ

ຊາດ ໃນປີ 1954 ອົງການດັ່ງກ່າວໄດ້ ຖືກກໍ່ຕັ້ງຂຶ້ນຢ່າງເປັນທາງການດ້ວຍການໃຫ້ສັດຕະຍາບັນໃນການກໍ່ຕັ້ງຂອງ

ບັນດາປະເທດ ສະມາຊິກລວມທັງສະມາຊິກຖາວອນສະພາຄວາມໝັ້ນຄົງທັງ 5 ປະເທດ, ໂດຍມີຈຸດປະສົງເພື່ອໃຫ້

ທຸກໆປະເທດໃນໂລກມີ ຄວາມສາມັກຄີກັນ, ເຮັດວຽກຮ່ວມກັນເພື່ອສັນຕິພາບ ແລະ ຄວາມກ້າວ ໜ້າຂອງໂລກ.

ໂດຍອີງໃສ່ຫລັກການຄວາມຍຸຕິທຳ, ເຄົາລົບກຽດສັກສີຂອງມະນຸດ ແລະ ຄວາມຢູ່ເຢັນເປັນສຸກຂອງມວນມະນຸດ

ໃນໂລກ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...