ວັນທີ 17 ກໍລະກົດ 2021 ເວລາ 08:00 ຕອນເຊົ້າ ໜ່ວຍກູ້ໄພ ສະຫວັນນະເຂດ ໄດ້ຮັບແຈ້ງປະສານຈາກຄະນະສະເພາະກິດ ວ່າ: ມີຜູ້ເສຍຊີວິດ ຈາກພະຍາດໂຄວິດ-19 ເປັນກໍລະນີທີ 05.

ຂໍ້ມູນເບື້ອງຕົ້ນຂອງຜູ້ເສຍຊີວິດແມ່ນ ເປັນເພດຊາຍ, ອາຍຸ 49 ປີ, ອາຊີບ ຂາຍອາຫານ ຢູ່ປະເທດໄທ, ຜູ້ກ່ຽວເປັນຄົນ​ບ້ານ ໜອງບົວທ່າ, ເຂດເມືອງ ສອງຄອນ, ແຂວງ ສະຫວັນນະເຂດ.

ຜູ້ກ່ຽວເປັນແຮງງານ ກັບມາຈາກປະເທດໄທ (13 ກໍລະກົດ 2021) ເຊິ່ງໄດ້ກວດພົບຕິດເຊື້ອໂຄວິດ​-19 ມາກ່ອນໜ້ານີ້ ແລ້ວຂໍສະເໜີມາປິ່ນປົວ ຢູ່ ສປປ ລາວ ແຕ່ອາການຜູ່ກ່ຽວໜັກຫຼາຍ ເລີຍເຮັດໃຫ້ເສຍຊີວິດ ໃນທີ່ສຸດ ເວລາ 5:30 ຂອງວັນທີ 17 ກໍລະກົດ 2021.

ມາຮອດວັນທີ 17 ກໍລະກົດ 2021 ເຮັດໃຫ້ ສປປ ລາວ ມີ ຜູ້ເສຍຊີວິດຈາກໂຄວິດ-19 ສະສົມທັງໝົດ 5 ຄົນ.

ຂໍ້ມູນ: ​ເພສ ສະຖານີໂທລະພາບ​ ແຂວງສະຫວັນນະເຂດ, ໜ່ວຍກູ້ໄພ ສະຫວັນນະເຂດ Savannakhet Rescue