ມາຮອດປະຈຸບັນນີ້ ສປປ ລາວ ມີຜູ້ຕິດເຊື້ອສະສົມທັງໝົດ 2,469 ຄົນ ໃນນີ້ມີກໍລະນີຕິດເຊື້ອໃໝ່ 69 ຄົນ ເຊິ່ງຕິດເຊື້ອໃນຊຸມຊົນ 1 ຄົນ ແລະ ຕິດເຊື້ອໃນກໍລະນີນໍາເຂົ້າ 68 ຄົນ, ເສຍຊີວິດສະສົມທັງໝົດ 3 ຄົນ ແລະ ຍັງຕິດຕາມການປິ່ນປົວຢູ່ທົ່ວປະເທດທັງໝົດ 390 ຄົນ.

ໃນວັນທີ 07 ກໍລະກົດ 2021 ໄດ້ເກັບຕົວຢ່າງມາກວດຫາເຊື້ອໂຄວິດ-19 ຈໍານວນ 1,610 ຄົນ ໃນນັ້ນກວດພົບຜູ້ຕິດເຊື້ອໃໝ່ 69 ຄົນ ໂດຍມີການຕິດເຊື້ອໃນຊຸມຊົນຈາກແຂວງຫຼວງນໍ້າທາ 1 ຄົນ ແລະ ຕິດເຊື້ອໃນຜູ້ເດີນທາງເຂົ້າມາຈາກປະເທດໃກ້ຄຽງມີ 68 ຄົນ ຈາກແຂວງສະຫວັນນະເຂດ 30 ຄົນ, ຈໍາປາສັກ 35 ຄົນ, ຄໍາມ່ວນ 3 ຄົນ. ສໍາລັບກໍລະນີຕິດເຊື້ອໃນຊຸມຊົນຂອງແຂວງຫຼວງນໍ້າທາແມ່ນກໍາລັງຢູ່ໃນການສອບຖາມແລ້ວຈະແຈ້ງຕື່ມພາຍຫຼັງ.