spot_img
Homeຂ່າວຕ່າງປະເທດນອກແວອອກກົດໝາຍໃໝ່ ແຕ່ງຮູບຕ້ອງບອກຖ້າບໍ່ຢາກຖືກປັບໃໝ

ນອກແວອອກກົດໝາຍໃໝ່ ແຕ່ງຮູບຕ້ອງບອກຖ້າບໍ່ຢາກຖືກປັບໃໝ

Published on

ປະເທດນອກແວອອກກົດໝາຍໃໝ່ແກ່ເຫຼົ່ານັກສະແດງ ລວມເຖິງຜູ້ມີອິດທິພົນຕ່າງໆທີ່ໄດ້ຮັບເງິນ ຫຼື ຜົນປະໂຫຍດຈາກການໂຄສະນາສິນຄ້າທາງອິນເຕີເນັດ ທີ່ຕ້ອງໄດ້ແຈ້ງໃຫ້ຜູ້ຕິດຕາມພວກເຂົາຮູ້ວ່າ ຮູບທີ່ໃຊ້ເພື່ອການໂຄສະນາເຫຼົ່ານັ້ນຜ່ານການປັບແຕ່ງ ຫຼື ບໍ່, ຖ້າໃຜບໍ່ປະຕິບັດຕາມກົດແມ່ນຈະຖືກປັບໃໝ.

SPECTRUM ລາຍງານວ່າ: ທາງກະຊວງກິດຈະການເດັກ ແລະ ຄອບຄົວຂອງປະເທດນອກແວ ໄດ້ປະກາດບັງຄັບໃຊ້ກົດໝາຍວ່າດ້ວຍການໂຄສະນາສິນຄ້າ ເຊິ່ງທາງຜູ້ໂຄສະນາຕ້ອງແຈ້ງວ່າມີການແກ້ໄຂ, ຕັດຕໍ່, ແຕ່ງຮູບພາບຂອງຮ່າງກາຍເພື່ອໃຫ້ເກີດຄວາມສົມຈິງ. ທັງນີ້ກໍເພື່ອເປັນການລຶບລ້າງແຮງກົດດັນທາງຮ່າງກາຍແບບເກົ່າ ທີ່ອາດນຳໄປສູ່ໂລກລັງກຽດຮູບຮ່າງໜ້າຕາຂອງຕົນເອງໃນກຸ່ມໄວໜຸ່ມເຍົາວະຊົນ.

ແຮງກົດດັນທາງຮ່າງກາຍມີລັກສະນະຄ້າຍຄືກັບມາດຕະຖານຄວາມງາມທີ່ກຳລັງແຜ່ລະບາດເປັນວົງກວ້າງໃນກຸ່ມສັງຄົມປັດຈຸບັນ, ເຮັດໃຫ້ເຍົາວະຊົນຫຼາຍຄົນໃນນອກແວມີຄວາມໝັ້ນໃຈຕົນເອງໜ້ອຍລົງ ເພາະຄິດວ່າຮູບຮ່າງໜ້າຕາຂອງຕົນຍັງບໍ່ໄດ້ຮັບການຍອມຮັບທີ່ດີພໍເມື່ອທຽບກັບຮູບພາບຍິງສາວງາມໆຕາມສື່ໂຄສະນາຕ່າງໆ ທັງທີ່ຮູບພາບຍິງສາວເຫຼົ່ານັ້ນລ້ວນແຕ່ຜ່ານການຕັດຕໍ່, ປັບແຕ່ງມາແລ້ວ ບໍ່ວ່າຈະເປັນການຕັດຕໍ່ແອວໃຫ້ນ້ອຍລົງ, ສ້າງຊິກແພັກປອມ, ຫຼື ເພີ່ມຟິນເຕີຕ່າງໆ.

ເຖິງແມ່ນການຕັດຕໍ່ຮູບພາບໂຄສະນາຈະເກີດມີມາແຕ່ດົນນານແລ້ວກໍຕາມ ແຕ່ຜົນຂອງຮູບພາບຕັດຕໍ່ເຫຼົ່ານັ້ນຊໍ້າພັດເຮັດໃຫ້ເກີດມີການປຽບທຽບທາງດ້ານຮູບຮ່າງຂອງໄວໜຸ່ມບາງຄົນ ບໍ່ວ່າຈະເປັນຊາຍ ຫຼື ຍິງ. ຈາກຜົນການສຳຫຼວດຂອງເວັບໄຊ ‘ABC’ ພົບວ່າ ເດັກຍິງສ່ວນໃຫຍ່ຈະມັກປຽບທຽບຮ່າງກາຍຕົນເອງກັບຮູບຍິງສາວໃນໂຄສະນາ ແລ້ວຮູ້ສຶກບໍ່ສະບາຍໃຈ ທັງມີຄວາມຮູ້ສຶກວ່າຈະຕ້ອງເຮັດໃຫ້ຕົນເອງມີຮູບຮ່າງດີຂຶ້ນກວ່າເດີມ, ເຊິ່ງຄວາມບໍ່ພໍໃຈໃນຮູບຮ່າງຕົນເອງສາມາດນຳໄປສູ່ໂລກຊຶມເສົ້າ ຫຼື ເຮັດໃຫ້ເກີດມີຄວາມຄິດຂ້າໂຕຕາຍໄດ້.

ຢ່າງໃດກໍຕາມ, ມີບາງກຸ່ມອອກມາຄັດຄ້ານການອອກກົດໝາຍດັ່ງກ່າວ ໂດຍອ້າງວ່າ ທຸກຄົນສາມາກແຍກໄດ້ເອງວ່າອັນໃດຮູບແຕ່ງ ຫຼື ຮູບຈິງ ແຕ່ກົດໝາຍສະບັບນີ້ກໍຖືກນຳໃຊ້ໃນນອກແວເປັນທີ່ຮຽບຮ້ອຍແລ້ວ, ສ່ວນຜົນຂອງການນຳໃຊ້ກົດໝາຍດັ່ງກ່າວຈະເປັນແນວໃດນັ້ນ ຕ້ອງໄດ້ຕິດຕາມຕໍ່ໄປ.

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...