ຖືວ່າເປັນຂ່າວດີສຳລັບປະຊາຊົນລາວເປັນຢ່າງຍິ່ງ ເພາະ ສປປລາວ ກຽມຕ້ອນຮັບວັກຊີນຈຳນວນ 500,000ໂດສ ເພີ່ມຕື່ມ ຈາກ ສປ.ຈີນ ໃນໄວໆນີ.

ອີງຕາມການລາຍງານ ຂອງແຟນເພສແອໂຣລາວ ເຊິ່ງເປັນເພຈຂ່າວການບິນ ໄດ້ຮັບການລາຍງານຈາກພາກສ່ວນກ່ຽວຂ້ອງໃນມໍໆນີ້ວ່າ: ສາຍການບິນຂົນສົ່ງສິນຄ້າ YTO Cargo Airlines ຖ້ຽວບິນ YG9099 ຕົ້ນທາງຈາກນະຄອນຫຼວງ ປັກກິ່ງ, ສປ.ຈີນ – ນະຄອນຫຼວງ ວຽງຈັນ ສປປ ລາວ, ຈະນໍາສົ່ງຢາວັກຊີນ ຊີໂນຟາມ (Sinopharm) ຈໍານວນ 500,000 ໂດສ ຊ່ວຍເຫຼືອ ສປປ ລາວ ນໍາໃຊ້ເພື່ອຮັບມືສະຖານະການແຜ່ລະບາດຂອງພະຍາດໂຄວິດ-9 ທີ່ເກີດຂຶ້ນໃນປັດຈຸບັນ ແລະ ເພື່ອສ້າງພູມຄຸ້ມກັນໃຫ້ແກ່ປະຊາຊົນບັນດາເຜົ່າ ໃຫ້ດໍາເນີນຊີວິດຢ່າງເປັນປົກກະຕິໂດຍໄວ.

ເຊິ່ງການຕ້ອນຮັບວັກຊີນຊຸດດັ່ງກ່າວນັ້ນ ທາງ AeroLaos ຈະຮີບໂຮມຂໍ້ມູນແຈ້ງໃຫ້ຊາບ ຫຼັງໄດ້ຮັບການຢືນຢັນວັນ ແລະ ເວລາ, ເຊິ່ງຈະມີການຖ່າຍທອດສົດເຊັ່ນເຄີຍ.