spot_img
Homeຂ່າວຕ່າງປະເທດຫວຽດນາມພົບເຊື້ອໂຄວິດສາຍພັນໃໝ່ ແຜ່ກະຈາຍໃນອາກາດໄດ້ໄວ ແລະ ຕິດເຊື້ອງ່າຍກວ່າເກົ່າ

ຫວຽດນາມພົບເຊື້ອໂຄວິດສາຍພັນໃໝ່ ແຜ່ກະຈາຍໃນອາກາດໄດ້ໄວ ແລະ ຕິດເຊື້ອງ່າຍກວ່າເກົ່າ

Published on

ອີງຕາມການລາຍງານຂອງ ສຳນັກຂ່າວຮອຍເຕີ້ ໃຫ້ຮູ້ວ່າ: ລັດຖະມົນຕີ ກະຊວງສາທາລະສຸກຫວຽດນາມໄດ້ຖະແຫຼງໃນວັນທີ 29 ພຶດສະພາ 2021 ຜ່ານມາ ວ່າ: ທາງຫວຽດນາມໄດ້ກວດພົບເຊື້ອໂຄວິດສາຍພັນໃໝ່ ເຊິ່ງເປັນເຊື້ອໂຄວິດແບບປະສົມ ລະຫວ່າງ ສາຍພັນອິນເດຍ ແລະ ສາຍພັນອັງກິດ, ເຊິ່ງສາມາດແຜ່ກະຈາຍຢ່າງໄວວາໃນອາກາດ ແລະ ຕິດໄດ້ງ່າຍຂື້ນ.

ລັດຖະມົນຕີ ກະຊວງສາທາລະນະສຸກຍັງກ່າວວ່າ: ກະຊວງສາທາລະນະສຸກຫວຽດນາມຈະແຈ້ງເລື່ອງການພົບເຊື້ອໂຄວິດສາຍພັນໃໝ່ນີ້ຕໍ່ອົງການອານາໄມໂລກຢ່າງໄວທີ່ສຸດ ໂດຍຈາກການສຶກສາໃນຫ້ອງທົດລອງທາງວິທະຍາສາດພົບວ່າ ເຊື້ອໂຄວິດສາຍພັນປະສົມນີ້ ສາມາດຕິດເຊື້ອໄດ້ງ່າຍກວ່າສາຍພັນກ່ອນໜ້ານີ້ ລວມທັງຍັງສາມາດຄັດລອກເພີ່ມຈຳນວນທາງວິທະຍາສາດໄດ້ຢ່າງໄວວາ ເຮັດໃຫ້ສາມາດອະທິບາຍໄດ້ວ່າ ເປັນຫຍັງຈຶ່ງມີຜູ້ຕິດເຊື້ອໃໝ່ຈຳນວນຫຼາຍໃນພື້ນທີ່ຕ່າງໆ.

ກ່ອນໜ້ານີ້, ຫວຽດນາມໄດ້ພົບເຊື້ອໂຄວິດຂອງ 7 ສາຍພັນ ຄື: ສາຍພັນ B.1.222, B.1.19, D614G,B.1.1.7 (ສາຍພັນອັງກິດ), B.1.351, A.23.1 ແລະ B.1.617.2 (ສາຍພັນອິນເດຍ).

ຜ່ານມາຫວຽດນາມເປັນໜຶ່ງປະເທດ ທີ່ປະສົບຜົນສຳເລັດໃນການຄວບຄຸມການລະບາດ ຂອງເຊື້ອໂຄວິດ-19 ໄດ້ດີທີ່ສຸດໃນຊ່ວງປີຜ່ານມາ. ສ່ວນໃນປັດຈຸບັນ. ຫວຽດນາມກຳລັງພົບກັບກັບການລະບາດຂອງເຊື້ອໂຄວິດທີ່ລະບາດໄດ້ໄວກວ່າເກົ່າ ໂດຍນັບຕັ້ງແຕ່ເດືອນເມສາ ທີ່ຜ່ານມາ ພົບຜູ້ຕິດເຊື້ອໂຄວິດສາຍພັນໃໝ່ ໃນຫວຽດນາມແລ້ວເກືອບ 3,600 ຄົນ ໃນ 31 ເມືອງ ຈາກ 63 ເມືອງ ແລະ ແຂວງທົ່ວປະເທດ.

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...