ໃນວັນທີ 19 ພຶດສະພາ 2021 ທີ່ຜ່ານມາ ສໍານັກຂ່າວກຽວໂດໄດ້ລາຍງານວ່າ: ລັດຖະບານຍີ່ປຸ່ນປະກາດຫ້າມໃຫ້ຊາວຕ່າງຊາດທີ່ເດີນທາງມາຈາກປະເທດໄທ, ກໍາປູເຈຍ, ສີລັງກາ, ຕີມໍແລັດສະແຕ, ມົງໂກລີ, ແຊັງລຸຍຊີ ແລະ ປະເທດເຊແຊນ ບໍ່ໃຫ້ເດີນທາງເຂົ້າປະເທດຍີ່ປຸ່ນ ເພື່ອຄວບຄຸມການແຜ່ລະບາດຂອງໂຄວິດ-19.
ທັງນີ້ນັກເດີນທາງຕ່າງຊາດທີ່ໄດ້ເດີນທາງໄປຍັງ 7 ປະເທດດັ່ງກ່າວນັ້ນ ກໍຈະບໍ່ອະນຸຍາດໃຫ້ເດີນທາງເຂົ້າປະເທດຍີ່ປຸ່ນໄດ້ເຊັ່ນກັນ ຍົກເວັ້ນຈະມີເຫດສຸກເສີນ ແຕ່ຂໍ້ຫ້າມດັ່ງກ່າວບໍ່ໄດ້ມີຜົນບັງຄັບໃຊ້ກັບຄົນຍີ່ປຸ່ນ.
ຈາກການປະກາດດັ່ງກ່າວເຮັດໃຫ້ຈໍານວນປະເທດທີ່ຫ້າມເດີນທາງເຂົ້າປະເທດຍີ່ປຸ່ນເພີ່ມຂື້ນເປັນ 159 ປະເທດ ເຊິ່ງມາດຕະການດັ່ງກ່າວຈະເລີ່ມມີຜົນບັງຄັບໃຊ້ໃນວັນທີ 21 ພຶດສະພານີ້.